Infantil. 3, 4 e 5 anos

Os ratos da casa
Oli
Ed. Kalandraka

Os ratos da casa é un divertido álbum para primeiros lectores sobre as peripecias dunha intrépida familia de roedores que sae do monte e chega a unha casa. Buscan aloxamento, comida. Non importa tanto a meta como o camiño. Encadeando os personaxes e os elementos que actúan na trama e utilizando a rima, Oli guíanos nunha viaxe que busca novas formas de contar unha historia empregando estruturas narrativas propias da nosa tradición oral e doutras culturas próximas.

Mi abuela es diferente
Tessie Solinis Casparius
Ed. GEU

Esta abuela con el pelo rosa es muy divertida porque, además de tener un singular color de cabello, le gusta brincar en las camas, compartir el atardecer con su nieta y cocinar. ¿Cómo es tu abuela? ¿La consideras especial? En este cuento, te podrás dar cuenta de que las abuelas son personas únicas.

Las emociones de Gastón. Estoy triste
Aurélie Chien Chow Chine
Ed. Bruño

El pequeño Gastón es un unicornio muy especial: ¡su melena y su cola arcoíris cambian de color según sus emociones!

Hoy Gastón está triste, porque se ha peleado con sus amigos. ¡Descubre cómo conseguirá volver a estar contento!

O carballo con botas
Anxo Moure
Ed. Sotelo Blanco

Esta é a historia dun carballo que vivía entre a serra do Faro e o manso Miño. Un carballo que ficaba só, soíño de todo… A mensaxe que este libro lle transmite aos nenos é sobre a importancia da conservación do medio natural.

1ºe 2º de E. Primaria

Cómo consolar a una ardilla
Begoña Oro Paradela
Ed. SM

Rasie se ha colado en clase de la pandilla de la ardilla y ha descubierto que ¡puede que sea la única ardilla que quede en la Tierra!. ¿Estará a punto de extinguirse? Los niños de la pandilla, conscientes de que algo inquieta a su amiga, intentarán que la ardilla vuelva a sentirse feliz.

Nadie mejor que la pandilla de la ardilla sabe lo importante que es ponerse en el lugar de los demás.

A miña familia 3+1 = 7
Isha Bottin
Ed. Alvarellos

Inspirado nunha historia real, este libro recolle as pequenas dificultades e grandes ledicias dunha familia un chisco diferente ás demais. Nesta historia a felicidade lévase no corazón e a esperanza sempre atopa o seu camiño. E xa sabedes, ás veces, 3 + 1 é igual a 7.

Queres ler un libro comigo?
Lawrence Schimel
Ed. Alvarellos

Antón xa sabía ler só, pero quería compartir o seu libro favorito. Saíu todo contento polo barrio e buscou, e buscou… pero nada. Todo o mundo parecía tan ocupado…! Ata que atopou a alguén inesperado con quen facer realidade o seu desexo…

Un álbum ilustrado que convida a compartir e que reflexiona sobre o respecto á diversidade.

 3º e 4º de E. Primaria

Catro pedras vellas
Pere Tobaruela
Ed. Baía

Na bisbarra de Vilar de Abade hai un castro rodeado de toxeiras, coma moitos outros, e coma moitos outros é difícil dar con el. Aínda mantén vestixios da súa importancia pasada, con restos dunha muralla de defensa que, cando foi levantada séculos atrás era alta e maciza.

Xela, gran coñecedora de todos os recunchos de Vilar de Abade e da súa contorna, convida a Fuco, Carlos e Ana a unha excursión ata aquelas ruínas. Quere que lle boten unha man para resolver un enigma. Nun par de ocasións que visitara aquel castro, antes de chegar, parecéralle ver xente movéndose entre as pedras. Xente que desaparecía de súpeto, como se intuíran cando se achegaba alguén.

Los escribidores de cartas
Beatriz Osés García
Ed. SM

Este libro reivindica la comunicación tradicional en una época en la que estamos hiperconectados. Lo personajes no dan las cosas por perdidas y nos enseñan que no hay que rendirse, además nos muestran que la pequeña decisión de una persona puede transformar para mejor a toda una comunidad.

Room on the Broom
Julia Donaldson
Ed. Puffin

Este libro en lingua inglesa conta a historia dunha bruxa que perde cousas mentres está na súa vasoira, pero as súas pertenzas son devoltas por varios animais que se vai atopando no camiño, a cambio dun paseo na súa vasoira...

5º e 6º de E. Primaria

El País de los Relojes
Ana Alonso
Ed. SM

Enma no tiene muchos amigos. A decir verdad, no tiene ninguno. Pero a ella no le importa, porque prefiere los libros. Todo cambia cuando Marcos la arrastra al País de los Relojes, un extraño lugar donde cualquier cosa puede suceder… Un canto a la imaginación que demuestra que, a veces, para ver bien solo hay que aprender a mirar mejor.

Laia, a nena da illa
Ánxela Loureiro
Ed. Xerais

Laia abriu os ollos e non dubidou en facer o que lle pedía o seu pai. Pinchou as negras augas do océano e buceou ata esgotar o aire. Xa na superficie oíu un rebumbio de voces. Distinguía a voz do seu pai ordenándolle que fose cara ás illas. Laia, tras comprender que ninguén a podía axudar, lembrou todas cantas aprendizaxes recibirá na súa vida e púxoas ó seu servizo. Viñéronlle ó seu maxín algúns consellos que oíra centos de veces dos seu maiores: “Non te enfrontes ó mar”, “déixate levar”.

Matilda
Roal Dahl
Ed. Alfaguara

Matilda Wormwood es una niña muy inteligente. Sin haber cumplido los cinco años, ya ha leído a numerosos autores y atesora asombrosos conocimientos. Sus mediocres padres nunca se preocupan por ella y la obligan a mirar la televisión negándose a comprarle libros; además de dejarla sola todas las tardes.

Mientras están fuera, Matilda comenzará a acudir a la biblioteca donde encontrará el fascinante mundo de la literatura.

O noso colexio comezou hoxe coas actividades organizadas para conmemorar as Letras Galegas. 

O alumnado de 1º E.Primaria realizou este fermoso mural.

A compañía de teatro Galeatro veu representar no noso salón de actos a peza teatral "O xogo das letras". Esta obra conta a historia de Xan, un rapaz que vai participar a un concurso coa intención de levar o premio final. Para iso, ten que superar unha serie de probas relacionadas coa cultura, a literatura e a xeografía galegas. Os actores contaron, nalgúns momentos, coa inestimable axuda do público.

O pase que fixeron para E. Primaria tamén tivo momentos moi simpáticos e o alumnado gozou coas ocorrencias da presentadora e de Xan, o protagonista da obra. 

Grazas á Compañía de teatro Galeatro por esta proposta tan orixinal e motivadora, que nos achegou dunha maneira lúdica á vida e obra do autor Antonio Fraguas, a quen se lle dedica este ano 2019 o Día das Letras Galegas. Entendemos a dificultade que supoñía presentar a figura homenaxeada ao público infantil.

Dámoslle as grazas tamén ao Concello de Arzúa por sufragar os gastos derivados desta actividade. 

É unha conmemoración anual que se celebra o 23 de abril, día do falecemento de Miguel de Cervantes, coa idea de fomentar a lectura e promover o libro como unha ferramenta esencial de enriquecimento cultural. Idea que souberon expresar moi ben os nenos e nenas de 2º de Educación Primaria neste orixinal e creativo mural con frases e debuxos que destacan a importancia dos libros.

Con este mesmo motivo, e cando as condicións meteorolóxicas o permitiron, celebramos no noso centro a tradicional xornada de "Comparticontos" (ou Apadriñamento Lector) da que disfrutaron tanto o alumnado máis novo como os máis maiores. Nesta actividade o alumnado de 4º, 5º e 6º de Educación Primaria fixo unha representación por grupos de dez contos escollidos por eles mesmos ao resto dos alumnos e alumnas do colexio. Esta xornada de lecturas compartidas tivo lugar no patio do centro, como xa vén sendo habitual, e conxugou dramatización, narración oral e incluso música como elementos motivadores destinados a espertar o interese polos libros e pola lectura. Obxectivo que pensamos que se acadou satisfactoriamente como se pode comprobar nas seguintes imaxes.

Grazas a todas e a todos pola vosa colaboración e participación, e por facer desta xornada unha oportunidade marabillosa de gozar da lectura e dos libros.

Esta semana visitou a nosa biblioteca o escritor e contacontos Anxo Moure,que chegou en "bosquinete", un orixinal patinete que lle permite desprazarse sen contaminar.

Grande defensor da natureza, Anxo atopouse cos nenos e nenas de Educación Infantil para ensinarlles, a través da narración oral, a importancia de coñecer a nosa contorna ambiental e respectala.

Aprenderon, dun xeito cómico e lúdico, que nas árbores vive a esperanza, e que son moi importantes porque nos dan osíxeno para respirar e moitos froitos para papar... Ademais as árbores fan música co vento, música que, a causa dos incendios, vai desaparecendo. Por iso, os nosos pequenos e pequenas berraron moi forte con Anxo: "Non prendas lume", "Queremos salvar a música das árbores", "Nas árbores vive a esperanza"... GRAZAS árbores.

 Tamén pecharon os ollos e deixaron voar a súa imaxinación, así atopáronse con paxariños, lobiños e fadas que habitan nos bosques que debemos coidar.

Pero as nenas e nenos de Arzúa non queren que se ensucien os bosques, por iso non tiran lixo neles, reciclan, plantan árbores e danlle moitas apertas: "amiguiña aciñeira", "compañeiro bidueiro", "valente buxo","amigo carballo"...

Bosques, ríos e árbores deben ser protexidos porque neles viven o noso futuro e a nosa esperanza.

Grazas Anxo por educarnos no respecto pola nai Terra e o medio ambiente, por amosarnos os libros como auténticos ximnasios da imaxinación e por facernos partícipes activos dos teus contos.

Pasámolo moi ben contigo, regaláchesnos o teu corazón e tamén conquistaches o noso. Grazas pola túa xenialidade e orixinalidade e ata sempre.

A escritora ferrolá Ánxela Loureiro visitou esta semana a nosa biblioteca para encontrarse co alumnado de sexto de primaria e falar con eles sobre o seu libro "Choiva de ras".

Neste encontro a autora e os seus lectores tiveron ocasión de intercambiar impresións e interpretacións sobre a súa última novela, que ten como protagonista a unha curiosa ra chamada RaMona que vive á súa bóla, buscando flores, escoitando música e compoñendo divertidas cancións que os nenos e nenas de sexto disfrutaron cantando ao ritmo da guitarra, que a nosa polifacética escritora, tan ben facía soar.

Xuntos repasaron as aventuras e desventuras de RaMona e de todos os animaliños da fraga cos que se ía atopando e enfrontando: a perigosa cóbrega Milfaces, a toupa Berbequí, a loba Napias, RaFina, RaPeira, RaRiño... Todo un mundo imaxinario que nace dunha experiencia real da autora na súa infancia, como ela mesma puido confirmar no turno de preguntas que os nenos e as nenas lle fixeron. Así reveloulles que sendo unha rapariga vivía nos arredores da praia de Doniños, preto da cal hai unha lagoa de auga doce onde ían as ras adultas desovar; feito que recibe o nome de "choiva de ras" e que inspirou este libro que precisamente leva ese título.

Trátase por tanto dunha novela que nos permite tamén coñecer o interesante mundo dos anfibios: o seu comportamento, a súa evolución... e ao mesmo tempo, a través dos seus protagonistas, amósanos valores tan importantes como o coñecemento dun mesmo, ter un criterio propio, o respecto e a amizade.

Grazas Ánxela por alimentar o noso amor pola lectura dun xeito tan amable, ameno e musical. "Choiva de ledicia" tamén para ti.

A Semana da Prensa celébrase, ao igual que o Día Internacional da Muller Traballadora, no mes de marzo. É por isto, que decidimos continuar traballando o tema da muller, e os xornais servíronnos de plataforma para elaborar noticias relativas á mesma. 

Na planta baixa do colexio colocamos o mural que leva por título "Pioneiras", para que cada titoría colgase aquela noticia que lle gustaría compartir cos demais. 

Pedíronse 50 exemplares á "La Voz de Galicia" para que se puidera traballar cos xornais nas aulas e fixéronse actividades moi variadas: "o xogo das sete pistas", as seccións dun xornal, redacción de noticias, artigos de opinión, collages...

Este mes de marzo, as portas das aulas do noso colexio vestíronse coa historia de "grandes mulleres", que destacaron por ser pioneiras abrindo o camiño para que outras puideran desenvolver o mesmo traballo que elas. O seu labor serviu para demostrar á sociedade a súa enorme valía e convén que as novas xeracións as coñezan.

Así quedaron as portas das distintas aulas do centro:

O alumnado de 5º E.P viu a película "Figuras ocultas". Esta película conta a loita de tres mulleres afroamericanas, que a principios dos 60 buscaban non só un lugar entre os homes brancos, senón que anhelaban repecto e inclusión. Loitaron por ser aceptadas dentro dos equipos de elite da NASA, en pleno inicio da carreira espacial. Para logralo, tiveron que enfrontarse a moitos obstáculos e vencer os estereotipos da época. Convidámosvos a vela, paga a pena!!

A nós só nos queda facer o debate posterior a película!

Hoxe visitou a nosa biblioteca o escritor Pere Tobaruela, e veu falar do seu libro "A boa e a avoa" ao alumnado de 3º e 4º de Educación Primaria. Benvido!

Primeiro presentouse, e falounos un pouquiño da súa vida. Logo, unha vez que o coñecemos un pouco máis, xa pasamos a falar do conto.

Interactuou con nós facéndonos preguntas sobre o libro: sobre que trataba, opinións sobre feitos que ocorreron na historia, cousas que gustaran e non do conto ou cal foi a nosa personaxe favorita.

Foi gracioso e sempre nos facía bromas!

Unha vez que coñecemos máis segredos da historia contada neste libro, e despois de facerlle moitas preguntas sobre o mesmo, reflexionamos sobre moitos valores que transmitía esta historia na que a protagonista é unha nena chamada Ona á que lle gusta moito ler. Esta nena, encontra un libro titulado "Historias vividas" na casa da súa querida avoa Uxía, que resultou ser máxico, pois so ela era capaz de lelo! Recordou as palabras que lle dixera a avoa: "Os teus ollos escribirán", e desde aquela ela era quen de inventar e contar moitas historias.

Pere explicounos que con esta historia quería que se valorase máis aos nosos maiores, que se visibilizasen máis algunhas enfermidades, como o alzheimer, ou se normalizasen temas como a morte, mostrando a maior naturalidade.

Recalcou tres cousas que para el eran importantes: as neuronas, a imaxinación e os libros. E quedámonos cunha frase que dixo: "Os libros son ventás abertas polas que miramos a elas".

Rematamos a sesión cunha das partes que máis ilusión nos facía: ter o libro asinado e adicado en exclusiva para nós!

Foto de despedida de todo o alumnado de 3º e 4º con Pere Tobaruela. Grazas Pere!

Un grupo de alumnos e alumnas que colaboran de forma voluntaria coa biblioteca escolar, dentro do programa Bibliotecas Escolares Solidarias, prepararon un conto titulado "Daniela Pirata" para cotárllelo aos nenos e nenas de Educación Infantil. Como vimos de conmmemorar o Día Internacional da Muller, a historia escollida ten como protagonista a unha nena que nos amosa que, o importante na vida para conseguir o que queremos ser, son as nosas capacidades e a nosa actitude, non a nosa indentidade sexual. A discriminación de xénero é unha das máis terribles e duras de erradicar nas culturas. "Daniela Pirata" é un conto que reflicte a necesidade de valorar ás persoas polas súas competencias e que rompe cos estereotipos de xénero. A protagonista da historia, que se chama Daniela, ten un soño: formar parte da tripulación do temible barco pirata "Caimán Negro". Con intelixencia, forza, valentía e axilidade conseguirá facelo realidade a pesar das dificultades que lle pon o capitán da embarcación, que chega incluso a rexeitala por ser nena. Pero Daniela contará co apoio do resto dos mariñeiros da tripulación que berran "non" ante esta inxustiza.

Tamén dialogaron cos máis pequenos sobre os valores que transmite o conto, e xuntos chegaron á conclusión de que: as nenas e os nenos poden ser o que eles queiran e lles guste.

E para finalizar cantaron xuntos pola igualdade e o respecto.

Foi unha experiencia bonita e gratificante para pequenos e maiores e dámoslle novamente as grazas ao alumnado colaborador da biblioteca polo seu labor solidario e xeneroso.

Estivemos, durante unha semana, facendo diversas actividades arredor da figura desta escritora emblemática.

O mural colectivo reflicte ese pensamento libre de Rosalía para enxalzar o patrimonio cultural da súa terra. Repartimos poemas entre todas as titorías e cada unha escribiu uns versos dun poema de Rosalía dentro da silueta dunha bolboreta, que despois ilustrou. 

Aquí tedes o resultado!!

Nalgunhas aulas, o alumnado elaborou a súa propia portada do libro "Cantares Gallegos".

O 22 de febreiro reunímonos todas e todos para homenaxear a Rosalía, no salón de actos do colexio. Comezamos visionando un vídeo dos Bolechas, que fai un repaso dalgúns dos seus poemas.

Despois foi subindo ao escenario unha representación de cada titoría, para ler distintos poemas da escritora: "Has de cantar", "Imos bebendo", "Campanas de Bastabales", "Vente rapasa", "Airiños, airiños, aires", "Como chove miudiño"...

Sumámonos á iniciativa que puxo en marcha a Fundación Rosalía de Castro: "Caldo de Gloria", inspirada no poema "Miña casiña, meu lar" de Follas Novas. Neste poema, unha muller pobre conta un capítulo da súa épica diaria: a de sobrevivir. Cando chega á súa casa mollada e esfameada consegue facer un humilde caldo de gloria e un bolo de pote. No seu triunfo sobre a desventura e a pobreza, ao pé da quentura da lareira no seu fogar, está tamén a lección de como con case nada o ser humano é quen de sobrevivir e ademais ser feliz. 

O alumnado de 5ºB fixo a lectura deste poema "Miña casiña, meu lar", porque o CEIP de Arzúa tamén serviu neste día caldo no seu menú, para homenaxear a Rosalía de Castro. 

E para rematar, todas e todos cantamos "Adiós ríos, adiós fontes", coa axuda de Lois, José Luis e as súas guitarras.

O 25 de febreiro, o alumnado de E. Infantil- 5 anos, 1º e 2º de E. Primaria acudirán ás 11:30h á Casa da Cultura de Arzúa para escoitar os poemas musicados de Rosalía de Castro, interpretados pola cantante galega Uxía.