G2203001 - Gedacht gelacht gelernt 

O vindeio 4 de marzo Annette Theis vai levar a cabo a actividade Gedacht gelacht gelernt onde teredes a oportunidade de involucrarse e familiarizarse cun tema que é novo para moitos de nós. Annette vainos proporcionar unha idea dos fundamentos neurocientíficos da risa no proceso de aprendizaxe e log os participantes poderedes aplicar exercicios como o ioga do risa. O que inicialmente parecía descoñecido para algúns, vai resultar ser unha experiencia dinámica, divertida e profunda da que todos os presentes e, sen dúbida, moitos estudantes no futuro, poden beneficiarse.

A segunda parte da actividade vaise centrar en exemplos de aplicación práctica. Annette Theis achegaranos moitos métodos excelentes para o ensino de linguas estranxeiras que, por unha banda, inflúen positivamente nos estudantes no seu proceso de aprendizaxe coa axuda de impulsos creativos e, doutra banda, pódense aplicar facilmente a unha ampla gama de contidos de aprendizaxe e con poucos materiais.

• Código en fprofe: G2203001
• Data: 4 de marzo de 2023
• Relatora: Annette Theis
• Lugar: Aula 9 do CAFI 

O Consello da Cultura Galega acolle as Xornadas "Libros informativos, divulgativos e de coñecemento para a infancia", organizadas por GÁLIX (Asocación Galega do Libro Infantil e Xuvenil), en colaboración con outras entidades educativas.

As ditas xornadas terán lugar o mércores 25 e o xoves 26 de xaneiro, así como o seguinte mércores 1 de febreiro, en horario de 17:00 a 20:00 horas. Existe a posibilidade de asistir de forma presencial e, ademais, serán retransmitidas en directo a través da canle de Youtube de GÁLIX.

Trátase dunha actividade de 9 horas con posibilidade de certificación, na que o profesorado se pode inscribir a través de FPROFE (código G2202035).

Esta experiencia didáctica propón dotar de contexto á obra de Olga Novo así como amosar o paso do tempo sobre as comunidades rurais e destacar algúns dos compoñentes destas que normalmente son pasados por alto.

Pola columna vertebral

O roteiro comeza nun punto de Vilarmao onde está o Simca 1200 en desuso dos veciños da familia da escritora onde naceu no 1975 Olga Novo.

A partir de aí, o percorrido atravesa toda a aldea en liña recta, semellando o que Novo califica como «unha estrutura de columna vertebral». A dinámica pasa a consistir na autora contando historias persoais relacionadas con cada casa. Unha das paradas que conta con maior simbolismo é a casa natal da poeta: «É de onde procede toda a miña familia paterna e, entón, hai algúns elementos a partir dos cales explico a miña obra, tamén para min mesma». Entre estes, atópase o tractor do seu pai do ano 1975, que representa todos os cambios dados na sociedade cara a maquinización e, a un tempo, na súa propia familia.

Ao tratarse dun paseo pola aldea na que a escritora desenvolveu gran parte da súa experiencia vital, un dos fins do itinerario é incidir sobre o factor humano e social presente en núcleos rurais como o de Vilarmao. Algunhas das figuras que Olga Novo quere poñer en valor son as de «tantas e tantas mulleres humildes cuxos labores e vidas resultaron invisibles». A autora subliña especialmente todo o legado que algunhas destas mulleres lle deixaron: «Ao carón delas aprendín diferentes cousas da vida moi importantes, quizais moito máis que aquelas que aprendín na escola».

Historias esquecidas

Do mesmo modo, a vida infantil no rural é outro dos perfís que busca destacar: «Os nenos e as nenas realizaban permanentemente tarefas de apoio nos traballos que resultaban esenciais para as comunidades campesiñas». A escritora incide na importancia de contar aquelas historias moitas veces obviadas: «Considero que teñen pasado á historia grandes poderes que nos atenazan máis que outra cousa. Polo contrario, non o fan aquelas persoas que verdadeiramente conforman e manteñen a vida».

A partir destas historias persoais, a autora busca poñer o foco nos cambios que sufriron as relacións entre os veciños do rural que, anteriormente, eran «de carácter familiar nun sentido amplo e profundo». Unha das causas que impulsaron estas e outras mudas ten que ver coa propiedade nos ambientes comunais e é apuntada por Novo: «A propiedade non era tan privada como agora, non había o sentido da intimidade de hoxe en día».

Datos importantes:

• Data: 13 de maio de 2023
• Relator: Olga Novo
• Horario: de 10:00 a 14:00h e de 16:00 a 20:00h.
• Código en  fprofe:  G2203014
• Lugar: Vilarmao

O día que eu nacín non había ningún gran sinal

xeaba

e a herba deixábase rumiar no estómago do frío.

         Olga Novo, Cráter, Editorial Toxosoutos, 2011.

Antonio Machado en Madrid é unha evocación dos anos que o gran poeta, nacido en Sevilla, pasou en Madrid coa súa familia. Un paseo polos lugares onde viviu, polos que frecuentou, dos amigos cos que compartiu o seu tempo. Machado case sempre é relacionado con Sevilla, con Segovia, con Baeza e sobre todo con Soria, pero tamén viviu aquí e estivo moi vinculado a Madrid. Propoñémosvos un paseo polo Madrid das súas casas, dos seus institutos, dos seus teatros, das súas tertulias, dos seus amores...

Datos importantes:

• Data: sábado 4 de febreiro 2023
• Relator: Paco Juez Juarros
• Horario: de 10:00 a 14:00h e de 16:00 a 20:00h.
• Código en  fprofe:  G2214001
• Lugar: Madrid

¡Madrid, Madrid ¡qué bien tu nombre suena,
rompeolas de todas las Españas!
La tierra se desgarra, el cielo truena,
tú sonríes con plomo en las entrañas.

Antonio Machado, Madrid, 7 de  Noviembre de 1936

Madrid, el frívolo Madrid, nos reservaba la sorpresa de revelarnos, a tono con las circunstancias más trágicas de la vida española, toda la castiza grandeza de su pueblo. En los rostros madrileños, durante unos días de seriedad, vimos a España entera en su mejor retrato. Madrid, frunciendo el ceño oportunamente, había eliminado al señorito y ya podía sonreír otra vez.

Antonio Machado, Valencia, 7 de Noviembre de 1937

Gústache a poesía de Celso Emilio Ferreiro? Daquela vas adorar coñecer a Celanova de Celso Emilio.

Nesta visita  descubrimos Celanova a través da vida e das palabras de Celso Emilio Ferreiro, paseando polos lugares frecuentados polo poeta e que se atopan mencionados na súa obra (Acevedo do Río, Vilanova das Infantas, a Praza maior, o Mosteiro...). Ao mesmo tempo redescubrimos o Celso Emilio através de Celanova, a vila por el máis amada, onde naceu, onde pasou parte da súa vida e onde está enterrado. Paseamos polos espazos máis significativos da vida de CEF, deixándonos acompañar polas palabras que o poeta escrebiu sobre Celanova. A casa onde naceu e onde viviu, onde foi feliz, onde sufriu prisión, a tasca na que se reunía con outros artistas e amigos, as rúas que percoría de mozo e de maior… Estes espazos revélanse como testemuños e cómplices literarios de CEF.

Datos importantes:

• Data: sábado 21 de xaneiro 2023
• Relator: Ramón Nicolás, Paula Lengua e Luís Ferreiro
• Horario: de 10:00 a 14:00h e de 16:00 a 20:00h.
• Código en  fprofe:  G2203005
• Lugar: Celanova

Nacín (modestia fora)

nun lugar onde o mundo

se chama Celanova.

Moitas vegadas

a miña nai contóumo.

O día que ti naciche

houbo estranas sinales no ceo.

  Celso Emilio Ferreiro, Onde o mundo se chama Celanova, 1975.

O programa Observa_Acción ten como finalidade fomentar o desenvolvemento profesional nas Competencias Profesionais Docentes para a cooperación e colaboración, a construción conxunta de coñecemento e o liderado e xestión de centros a través do intercambio de boas prácticas e a observación entre iguais.

Os obxectivos que se perseguen con este programa son os seguintes:

• Experimentar novas vías de formación do profesorado e favorecer a innovación educativa nos centros educativos de Galicia, así como a colaboración con centros doutras comunidades autónomas e/ou países de ámbito europeo.

• Facilitar ao profesorado e aos membros do equipo directivo dun mesmo claustro a posibilidade de observar de forma directa metodoloxías nos procesos de ensino-aprendizaxe, xeitos de relación e comunicación, ou vías de xestión dos recursos propios e alleos, fomentando a adaptación e a aplicación do aprendido na súa praxe diaria.

• Fomentar o traballo en equipo de grupos de profesores/as cun interese común, incluíndo a observación activa da práctica docente de todos os seus membros, establecendo así vías de comunicación para o intercambio de boas prácticas, a reflexión, a formación metodolóxica sobre aspectos innovadores nos procesos organizativos e didácticos e a realización de proxectos de forma conxunta.

• Potenciar o traballo en equipo entre centros educativos con intereses compartidos, establecendo irmandades que fomenten a reflexión sobre aspectos organizativos, metodolóxicos e formativos innovadores para ofrecer unha formación de calidade en beneficio do alumnado.

• Favorecer a internacionalización dos centros educativos, ofrecendo a posibilidade de levar a cabo proxectos con outras Comunidades Autónomas e/ou países, e fomentando a integración reflexiva e contextualizada de innovacións educativas na súa propia práctica docente.

• Aplicar e revisar protocolos de observación de práctica docente e potenciar accións metodolóxicas innovadoras para a mellora dos procesos de aprendizaxe do alumnado.

O programa Observa_Acción terá unha duración de dous cursos académicos e desenvolverase en catro fases (dúas en cada ano lectivo):

1. Observa_Acción. Fase Intracentros (Comparte)

2. Observa_Acción. Fase Intercentros (Acolle)

3. Observa_Acción. Fase Estatal (Conecta)

Máis información no portal educativo:

http://www.edu.xunta.gal/portal/sites/web/files/resolucion_dx_crrhh_programa_observa_accion_2022-23.pdf

Curso recomendado para mestres de educación infantil e primeiros cursos de primaria. (1º, 2º)

Obxectivos:

1. Dotar ao profesorado de recursos, para empregar os contos na aula.
2. Experimentar a lectura de contos como un feito de comunicación cos alumnos/as.
3. Aprender a planificar actividades de animación lectora na aula.

Contidos:

1. Distinción entre ler, contar e recitar.
2. Contos e dramatización.
3. O conto como recurso didáctico.
4. Que, como e cando contar contos na aula.
5. O docente como narrador.

Relator: Franciso J. Guede García

Horario:

• 17-11-2022: de 17:00 a 20:00 - Ler, recitar, contar.
• 22-11-2022: de 17:00 a 20:00 - A escrita como motivación á lectura.
• 24-11-2022: de 17:00 a 20:00 - Contos con valores.
• 29-11-2022: de 17:00 a 20:00 - O ritmo nos contos.
• 01-12-2022: de 17:00 a 20:00 - A maxia dos contos.
• 18-01-2023: de 17:00 a 20:00 - O conto como estímulo para o xogo dramático I.
• 19-01-2023: de 17:00 a 20:00 - O conto como estímulo para o xogo dramático II.

As Xornadas de formación Traballando a competencia discursiva na aula. Novos marcos, ferramentas e estratexias pretenden ofrecer unha oportunidade para a reflexión sobre a importancia de ensinar a escribir textos na aula e para a proposta de actividades, ferramentas, métodos e estratexias que contribúan a unha mellora da competencia discursiva do alumnado.

Neste marco, retlexionarase sobre a competencia discursiva plurilingüe, con especial atencion ao novo escenario que se configura coa última reforma educativa; presentaranse diferentes propostas didácticas en volta do ensino do proceso de escritura: darase a conecer o corpus CORTEGAL, Corpus de textos galegos escritos por estudantes no ámbito academico, que inclúe mil textos anotados extraidos da prequnta de comentario das probas de lingua e literatura galegas dos exames ABAU; e debaterase sobre os retos e dificultades que supón o ensino da competencia discursiva, así como sobre os métodos e estratexias que poden usarse na aula para lograr mellores resultados.

Todas as intervencións contarán cun tempo reservado para o coloquio co público asistente, posto que as xornadas prentenden ser, ademais, un foro de intercambio de ideas, suxestións e experiencias para todo o protesorado de linguas.

Aberto o prazo de inscrición na xornada "Xestión de recursos da contorna en colaboración con outras entidades para actividades físico saludables" ata o 14 de novembro.

Celebrarase no CAFI.

No caso de ter interese en participar, consultar programa e inscribirse en Fprofe.

Código da actividade: S2202035.