Queres coñecer os puntos principais nos que se desenvolveu a vida e o labor do Seminario de Estudos Galegos en Compostela?

Trátase dun percorrido que comeza no lugar onde se fundou o SEG, en Ortoño, na casa onde viviu Rosalía de Castro e a onde se desprazaron os membros do Seminario para institucionalizar o acto. Seguidamente desprazarémonos a Compostela á rúa Concepción Arenal nº 10, a casa de  Armando Cotarelo Valledor e onde se asinaron os primeiros estatutos. Pasaremos pola  Facultade de Xeografía e Historia, que foi o lugar onde se celebrou a primeira sesión e estivo a primeira sede; polo IES Rosalía de Castro, onde estivo a segunda sede; pola rúa Entremurallas, 8 (Rúa da Senra 8), onde estaba o Hotel Argentin, lugar que acolleu un dos grandes encontros iniciais; o antigo El Asesino, na praza da Universidade onde desenvolveron a homenaxe a Lois Tobío; o lugar onde estivo a Editora Nós na rúa do Vilar; ou o Pazo de Fonseca, onde terá despois a derradeira sede. Pola tarde desenvolveremos unha visita guiada á Esposición Luz na Terra. O Seminario de Estudos Galegos, unha institución de alta cultura.

• Relator: Miguel Anxo Seixas Seoane
• Data: sábado 11 de novembro
• Horario: de 10:00 a 14:00 e de 16:00 a 20:00
• Código en fprofe: G2303014

Queres coñecer os puntos principais nos que se desenvolveu a vida e o labor do Seminario de Estudos Galegos en Compostela?

Trátase dun percorrido que comeza no lugar onde se fundou o SEG, en Ortoño, na casa onde viviu Rosalía de Castro e a onde se desprazaron os membros do Seminario para institucionalizar o acto. Seguidamente desprazarémonos a Compostela á rúa Concepción Arenal nº 10, a casa de  Armando Cotarelo Valledor e onde se asinaron os primeiros estatutos. Pasaremos pola  Facultade de Xeografía e Historia, que foi o lugar onde se celebrou a primeira sesión e estivo a primeira sede; polo IES Rosalía de Castro, onde estivo a segunda sede; pola rúa Entremurallas, 8 (Rúa da Senra 8), onde estaba o Hotel Argentina, lugar que acolleu un dos grandes encontros iniciais; o antigo El Asesino, na praza da Universidade onde desenvolveron a homenaxe a Lois Tobío; o lugar onde estivo a Editora Nós na rúa do Vilar; ou o Pazo de Fonseca, onde terá despois a derradeira sede. Pola tarde desenvolveremos unha visita guiada á Esposición Luz na Terra. O Seminario de Estudos Galegos, unha institución de alta cultura.

• Relator: Miguel Anxo Seixas Seoane
• Data: sábado 11 de novembro
• Horario: de 10:00 a 14:00 e de 16:00 a 20:00
• Código en fprofe: G2303014

Queres saber o teu nivel de inglés, francés ou portugués?

Tes coñecementos pero non un título?

Pois, esta é a túa oportunidade!!!
Con esta proba poderás pescudar cal é o teu grao de coñecemento e comprensión actual de inglés, francés ou portugués e logo xa te podes apuntar no curso CALC.

• Data: 30 de novembro
• Hora: 17:30 h
• Código en fprofe: S2302041

Os días 3 e 4 de novembro no Salón de Actos do Pazo de San Roque, en Santiago de Compostela.

Código en fprofe: G2302040

PROGRAMA

Venres 3

17.00: Apertura das xornadas con representantes do Consello da Cultura Galega, Real Academia Galega, Secretaría Xeral de Política Lingüística e organización das Xornadas.

17.30: Conferencia A Galicia dos anos 1980, a cargo de Daniel Lanero Táboas

18.30: Conferencia A Lei de Normalización Lingüística e a Administración, a cargo de Henrique Monteagudo Romero

19.30: Pausa

19:45: Mesa redonda A xénese e concepción da Lei de Normalización Lingüística no Parlamento de Galicia, coa participación dos exmembros do Parlamento

Xosé Luís Barreiro Rivas

Miguel Barros

Pilar García Negro

Víctor M. Vázquez Portomeñe

Modera: Amancio Liñares

Sábado 4

10.00: Conferencia Linguas minorizadas e dereitos lingüísticos, a cargo de Alba Nogueira

11.00: Conferencia A Lei de Normalización Lingüística e a Empresa, a cargo de Xosé González Martínez

12.00-12.30: Pausa

12.30: Conferencia A Lei de Normalización Lingüística e os Medios de Comunicación, a cargo de Henrique Sanfiz.

16.30: Conferencia A Lei de Normalización Lingüística e o Ensino, a cargo de Manuel Portas.

17.30: Conferencia A Lei de Normalización Lingüística e a Toponimia, a cargo de Gonzalo Navaza.

18.30-19.00: Pausa

19.00: Mesa redonda Lei de Normalización Lingüística: e agora, que?

Elisa Fernández Rei

Pilar Ponte

Esther Estévez

Senén Barro

Modera: Manuel González

20.30: Clausura das Xornadas

Coordinación: Manuel González González e X. Amancio Liñares Giraut

Este curso ten como obxectivo presentar unha panorámica, necesariamente xeral e introdutoria, dalgunhas aplicacións das denominadas «novas tecnoloxías» ao ensino das linguas cooficiais. Para iso, abordaremos tres tipos de tecnoloxías: as relacionadas co ensino presencial asistido por computador, as utilizadas na aprendizaxe a distancia a través das redes de comunicación e as tecnoloxías aplicadas ao tratamento do texto e da fala. Para cada unha delas expóñense os fundamentos básicos e algúns exemplos do seu potencial.

Datos importantes:

• Datas: 22-27 de novembro e 1-4 de decembro de 2023
• Relator: Carlos Parada
• Horario: de 17:30 a 21:00h
• Código en  fprofe:  S2302010
• Lugar: Santiago de Compostela

G2301094 -  Proceso para a innovación de centro

Obxectivos: 

1. Analizar o nivel competencial do centro en innovación e investigación, atendendo ás dimensións pedagóxicas e organizativas.
2. Deseñar un plan de actuación baseándose nas conclusións obtidas no proceso de diagnose.
3. Mapear os talentos do equipo e experimentar un proceso de co-creación grupal.

Contidos: 

1. Marco de referencia das competencias en innovación e investigación.
2. Ferramentas de diagnose: análise DAFO.
3. Plan de acción: deseño de obxectivos, actuacións e métodos de avaliación e difusión.
4. Procedementos de seguimento e avaliación do plan de actuación elaborado.

Información importante: 

Esta formación ten un marcado carácter práctico. As sesións basearanse en traballo en grupo, non en relatorios.

A actividade consta de:

• 5 sesións de CREACIÓN de 3 horas por videoconferencia.
  • 21 de outubro de 10:00 a 13:00
  • 25 de outubro de 16:30 a 19:30
  • 28 de outubro de 10:00 a 13:00
  • 8 de novembro de 16:30 a 19:30
  • 15 de novembro de 16:30 a 19:30
• 1 sesión presencial de CONVIVIO de 3 horas no CAFI.
  • 18 de novembro de 10:00 a 13:00
• 2 horas de traballo persoal
  • 11 de novembro de 10:00 a 12:00 (o horario é orientativo)

Inscrición en Fprofe co código G2301094:

• Data límite de inscrición: 12 de outubro de 2023.
• Ficha da actividade.

G2303013 - Roteiro polos espazos literarios de Federico García Lorca en Compostela  

O Departamento de Linguas do CAFI pon en marcha unha nova actividade que, baixo o título de Roteiro polos espazos literarios de Federico García Lorca en Compostela, percorrerá os principais espazos vinculados a Lorca nas súas viaxes á capital de Galicia. Faremos diversas paradas en sitios emblemáticos onde se lerán ou recitarán diferentes textos e se achegará información da vinculación dese espazo co noso autor.

En Compostela, da man de Henrique Alvarellos adaremos pola Rúa do Vilar (primeira viaxe), Catedral (primeira viaxe), Praza da Quintana  (segunda e terceira viaxe), Bar Viño (segunda viaxe), A Ferradura (primeira e segunda viaxe), Praza do Hospital (primeira viaxe), San Martiño Pinario (primeira viaxe), Praza da Inmaculada (segunda viaxe), Arco Pazo de Xelmírez (segunda viaxe),San Francisco (primeira viaxe), San Paio de Antealtares (primeira viaxe), Colexiata do Sar (primeira viaxe), Fonseca (primeira viaxe) e San Domingos de Bonaval (primeira e segunda viaxe).

Datos importantes:

• Data: 16 de setembro de 2023
• Relator: Henrique Alvarellos
• Horario: de 10:00 a 14:00h e de 16:00 a 20:00h.
• Código en  fprofe:  G2303013
• Lugar: Santiago de Compostela

G2303007 - Roteiro polos espazos vitais e literarios de Miro Villar en Cee 

Esta experiencia propón dotar de contexto á obra de Miro Villar así como amosar o paso do tempo sobre as comunidades costeiras e destacar algúns dos compoñentes destas que normalmente son pasados por alto.

Pola columna vertebral

O roteiro comeza en Cee, onde  naceu Miro Villar no 1965. A partir de aí, o percorrido atravesa parte da vila onde contaremos con diversos persoeiros que alicerzan co seu saber a cultura e a historia ceense para, seguidamente, internarnos en diversos puntos da Costa Brava coma unha estrutura de columna vertebral que lle dá amparo á súa poesía.

as sabas a clareo

Recordar sempre doe, porque aínda que laves con lexivia as sabas nunca branquea a dor que impregna cada engurra do algodón dos abrazos e segues os consellos que escoitaches da nai para a roupa encoirada, darlle xabón lagarto e logo deitar na herba as sabas a clareo.

Agardas unha tarde, non de sol formigueiro, de sol de primavera nunha herba soalleira e deitas os recordos de manchas amarelas, prendidos entre as sabas como piolla vella.

E observas con asombro que a túa nai coñece os segredos da vida e agora no tendal penduras a memoria branca e o seu recendo asolaga os recantos dos teus espazos íntimos.

Datos importantes:

• Data: 23 de setembro de 2023
• Relator: Miro Villar
• Horario: de 10:00 a 14:00h e de 16:00 a 20:00h.
• Código en  fprofe:  G2303007
• Lugar: Cee

Gustaríache captar toda a atención do teu alumnado cada vez que impartes clases?

Queres mellorar a túa forma de te expresar e a túa linguaxe corporal?

Sentiches que algunhas veces o alumnado se aburriu contigo?

Se te sentes identificado con estas situacións, seguro que che convén aprender e levar á práctica o que che imos contar neste curso.

• Datas:
  • Outubro:
    • 5 (xoves)
    • 10 (martes)
    • 19 (xoves)
    • 26 (xoves)
  • Novembro
    •  2 (xoves)
    • 9 (xoves)
• Horario: 17:00 a 20:30h
• Relator: Santiago Martínez Suárez
• Código en fprofe: S2301024

Buscas unha formación orientada a ter un bo dominio do noso idioma? Velaquí o tes Curso de galego. Nivel C2

• Código en fprofe S2301034 
• Duración: 60h
• Prazas: 20
• Horario: luns e mércores
• De 17:30 - 19:30h
• EOI de Santiago de Compostela, Sección de Vite