Neste curso abórdanse, cun enfoque práctico, diferentes aspectos relativos á seguridade da información. Entre outras cousas se estudará:

• como protexer o perímetro dunha organización mediante o uso de devasas.
• como comprobar a debilidade dos sistemas de autenticación por contrasinais e as diferentes aproximacións para mellorar este sistemas (fortificación do servizo e autenticación por claves).
• como revisar o estado do sistema con ferramentas de análise automáticas.
• como protexer as comunicacións mediante o uso de técnicas criptográficas.
• como garantir a dispoñibilidade dos servizos empregando técnicas de alta dispoñibilidade.
• cales son os principais puntos da lexislación vixente a esta temática e como abordar o seu estudo nas nosas aulas.

O titor é profesor da familia de Informática e comunicacións, e conta cunha longa traxectoria impartindo docencia neste área temática. Titorizou anteriores edicións desta actividade formativa, tanto no seu actual formato na rede como en formato presencial.

Requisitos para participar

Para comezar co curso o participante debe ter claro que xa debe ter familiaridade co manexo de ferramentas de virtualización e coa instalación e administración básica de sistemas operativos Ubuntu Linux (configuración de rede básica, instalación de paquetes, execución de comandos por consola, ...).

Debido ó uso de máquinas virtuais, é recomendable que o equipo onde se monten os escenarios sexa un equipo relativamente moderno. Coma mínimo recoméndase un equipo Intel core i3 con 4 GB de RAM.

Data de comezo:  2/10/2017

Data de finalización: 10/12/2017

Lugar de celebración: Platega2

Número de horas totais: 50

Ligazón a FPROFE: https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=78294

Ligazón á Aula Virtual:  https://www.edu.xunta.es/platega2/course/view.php?id=699

Ampliada ata o 1 de outubro a inscrición no curso na Rede G1701025 - "Técnicas de instrumentación con orquestra escolar", dirixido a profesorado de música (Primaria, ESO, Bacharelato).

Este curso pretende axudar ao profesorado na utilización da orquestra escolar mediante a elaboración e edición de arranxos musicais e outros recursos (improvisación, contos musicais, contos mimables...) dirixidos á aprendizaxe do maior número de contidos a través da práctica instrumental e vocal.

Os datos do curso son os seguintes:

• Data de comezo: 16 de outubro
• Data de finalización: 27 de novembro
• Horas: 30 horas
• Prazas: 50
• Inscrición: Ata o 1 de outubro en Fprofe
• Plataforma de celebración: Platega2

O programa de innovación educativa "OBSERVA_ACCIÓN: Innovación docente desde a observación, a avaliación e o intercambio entre iguais" desenvolverase ao longo de 2 cursos coa finalidade de fomentar o desenvolvemento profesional en base ao Marco de Competencias Profesionais Docentes tanto na nosa comunidade como no marco do acordo interterritorial de colaboración coa comunidade de Castela e León.

• Prazo de solicitude: 10 días hábiles desde o día seguinte á publicación da resolución.

Para máis información pode dirixirse ao Centro Autonómico de Formación e Innovación: Teléfono 981522411 ou no correo electrónico cafi@edu.xunta.es

O espello do mundo presenta un feitío de novela histórica, incorporando textos de orixe documental, que por veces son pura fabulación e outras non, ao servizo do deseño dunha época esvaecida na historia de Galicia que cobra, agora, unha nova perspectiva. A conexión coa trama histórica, enraizada no cenobio feminino de San Pedro de Ramirás (Ourense), vincúlase, ideolóxica e espiritualmente, con determinadas correntes relixiosas da Alemaña da época e particularmente coa figura de Hildegarda von Bingen. A esta realidade asómase Martiño, quen deberá afondar na revelación dos segredos que se atesouran nunha relación epistolar inédita con contidos altamente reveladores.

O sábado 30 de setembro de 10:00 a 14:00 e de 16:00 a 20:00 percorreremos os principais espazos da novela da man de Ramón Nicolás e Xoán Carlos Domínguez Alberte.

Este curso pretende acompañar e guiar o docente non só na creación de novos materiais senón convertelo no “actor principal” a través de actividades de familiarización e sistematización progresiva.

Durante o curso, o docente elaborará ferramentas de traballo máis eficaces, utilizando as catro competencias na aula.

Así mesmo proporcionarase información detallada acerca das características fonéticas, estruturas e normas de interacción comunicativa que forman a lingua francesa, así como os aspectos socioculturais dos países francófonos.

- Lugar de celebración: CAFI

- Datas: 25/09/2017; 02/10/2017; 09/10/2017; 16/10/2017; 23/10/2017; 30/10/2017; 06/11/2017.

Este curso permitiralles  aos profesores de ‘natureza inquieta’ afondar, experimentar e poñer a proba algunhas das novas metodoloxías educativas que máis forte están a soar. A motivación dos alumnos, a posibilidade de personalizar o proceso ensino-aprendizaxe, diferentes enfoques metodolóxicos para a educación, resolución de problemas… a lista de bondades que escriben estas novas metodoloxías educativas ben paga a pena a atención dos profesores, sempre proactivos para mellorar a súa cátedra na aula.

Esta actividade terá lugar o sábado 9 de setembro no CAFI, de 10:00 a 14:00 e de 16:00 a 20:00.

Data de comezo: 12 de setembro

Data de remate: 13 de setembro

Lugar de realización: CIFP Politécnico (Santiago de Compostela)

Horas totais: 16 horas

Ligazón a fprofe: https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=78464

Ligazón á aula virtual: http://www.edu.xunta.gal/centros/cafi/aulavirtual2/course/view.php?id=272

Organización das Xornadas

Como en anteriores edicións, celebraranse 3 obradoiros teórico-prácticos en paralelo que se repetirán os días 12 e 13. Cada asistente poderá participar en dous destes obradoiros.

O día 12 de setembro de 9:30 a 10:00 terá lugar a presentación das Xornadas no salón de actos do CIFP Politécnico.

Preinscrición nos Obradoiros

Como cada obradoiro contará cun máximo de 20 prazas é preciso facer unha distribución dos asistentes entre os diferentes obradoiros segundo as súas preferencias. Para facelo, ao longo da presentación das Xornadas porase a disposición dos participantes unhas follas de inscrición, nas que os asistentes poderán elixir os dous obradoiros da súa preferencia.

Reserva para o xantar

Cada asistente deberá asumir o custo do seu xantar. Para aqueles que estivesen interesados facilitaranse os teléfonos dos resturantes próximos ao centro educativo con prezos de menú do día económicos para que poidan facerse reservas.