Skip to Content

Novas do centro

Avaliación de diagnóstico 2023/2024

Bolsas do MEFPD. Curso 2024/2025

 Mais información

Bolsas do MEFPD para o curso 2024/2025

O 19 de marzo comezou o prazo para solicitar bolsas do Ministerio de Educación, Formación Profesional e Deportes para ensinanzas postobrigatorias.

Estudos para os que se pode solicitar:

Para aqueles alumnos que no curso 2024/25 estean matriculados en:

  • Bacharelato.

  • Ciclos formativos de grao básico.

  • Formación Profesional de grao medio e grao superior.

  • Ensinanzas Deportivas.

  • Ensinanzas Artísticas profesionais e superiores.

  • Ensinanzas de idiomas en Escolas Oficiais, incluída a modalidade a distancia.

  • Cursos de grao medio e superior, impartidos en centros públicos e privados concertados.

  • Ensinanzas universitarias de grao ou máster.

Se aínda non se ten claro o que se vai a cursar no próximo curso, a solicitude entrégase coa opción mais probable.

Prazo:

Do 19 de marzo ao 10 de maio de 2024 ás 15:00.

Como solicitala bolsa:

  1. Entrar na Sede Electrónica. Todo o proceso de solicitude realízase a través da sede electrónica do Ministerio de Educación.

  2. Rexistrarse.

Para rexistrarse necesítase un usuario e unha contrasinal:

  • Se xa se está rexistrado, pódese seguir usando esa conta.

  • Se nunca se estivo rexistrado, hai que pinchar en “Regístrese” e seguir os pasos para crear a conta.

Para acceder ás solicitude da bolsa, pódese usar un dos seguintes métodos:

  • Con Cl@ve ou certificado electrónico.

  • Mediante o usuario e contrasinal cos que se rexistrou na sede electrónica.

Ante calquera dúbida pódese chamar os teléfonos habilitados de bolsas: 910 837 937 ou 986 80 59 55.

Cuantía das bolsas:

Cantidade fixa e cantidade variable para FP, Bacharelato e outros estudos non universitarios.

Cantidade fixa e cantidade variable para estudos universitarios de grao e máster.

Requisitos:

Obrigas:

O alumnado está obrigado a destinar a bolsa á finalidade para a que se concede.

Entenderase que non cumpre este requisito cando se produza algunha das seguintes circunstancias:

  • Haber causado baixa de feito no centro durante o curso.

  • Non haber asistido a unha porcentaxe mínima de horas lectivas, salvo dispensa de escolarización (80% das clases en estudos postobrigatorios).

  • Non haber superado o 50% das asignaturas ou créditos nois que se está matriculado, na convocatoria ordinaria nin na extraordinarias (40% na rama de ensinanzas técnicas e científicas).

  • Obrigas de estudos non universitarios.

  • Obrigas de estudos universitarios.

Nestes supostos, o alumnado deberá reintegrar o importe da beca percibida.

Punto Laranxa contra o acoso

Ao abeiro do Plan Integral contra o acoso e o ciberacoso escolar impulsado co fin de blindar que as contornas escolares sexan seguras, inclusivas e respectuosas e que o centro escolar conte cos recursos necesarios para poder previr, identificar e actuar ante estas situacións, colocouse un punto laranxa físico no centro e outro virtual na páxina web do centro.

O funcionamento do punto laranxa é como o dun buzón a través do cal o alumnado pode comunicar ou denunciar, desde unha posición totalmente anónima, posibles situacións de acoso ou ciberacoso que sufran ou perciban en outros alumnos.

Para xestionar este buzón, o centro conta cun equipo de actuación contra o acoso escolar integrado, entre outros, polo coordinador de benestar emocional e convivencia e a persoa orientadora do centro.

Así, o alumnado dispón dun equipo de referencia ao que dirixirse en caso de que o precise. E no  Protocolo educativo para a prevención, a detección e o tratamento do acoso e do ciberacoso escolar, establécese un procedemento de intervención ante os posibles casos que se coñezan por esta vía.

Publicación das notas da 2ª Avaliación

As notas da 2ª avaliación publicaranse en Abalar para tódolos cursos nas seguintes datas:

2º de Bacharelato: 13 de marzo ás 10:00 h.

ESO e 1º de Bacharelato: 22 de marzo ás 10:00 h.

Ciclos Medios, Superiores e 1º de FP Básica: 22 de marzo ás 11:00 h.

Certificación galega de competencias dixitais

Que é a certificación ComDix?

É a certificación galega en competencias dixitais promovida pola Administración galega e que certifica o nivel que ten unha persoa para utilizar as tecnoloxías dixitais, tanto a nivel persoal como social e profesional.

Para que necesito esta certificación ComDix? Que usos terá?

Servirá para demostrarlle a calquera institución, empresario ou persoa o noso nivel de aptitude no uso das tecnoloxías dixitais.

Como se organiza a acreditación das competencias dixitais do alumnado? 

Na Resolución do 28 de febreiro de 2024 ditanse instrucións para a acreditacón das competencias dixitais do alumnado que cursa ESO e bacharelato no curso 2023/24.


Acreditación das competencias dixitais do alumnado

Na Resolución do 28 de febreiro de 2024, da Dirección Xeral de Ordenación e Innovación Educativa, dítanse instrucións para a acreditación das competencias dixitais do alumnado que cursa ensinanzas de educación secundaria obrigatoria e bacharelato no curso 2023/24.

Os niveis de competencias dixitais que se acreditan a través dos procedementos regulados nesta resolución son: iniciación e intermedio.

Estes niveis correspóndense cos niveis de aptitude do Marco galego de competencias dixitais recollidos no documento Bases para o desenvolvemento do Marco galego de competencias dixitais.

 A acreditación das competencias dixitais do alumnado poderá realizarse a través das seguintes modalidades:

a) Por obter o título de graduada ou graduado en educación secundaria obrigatoria no curso 2023/24.

b) Por superar unha proba específica de acreditación das competencias dixitais de nivel intermedio.

c) Por obter o título de bacharel no curso 2023/24 e superar unha proba específica de acreditación da área de dominio 4 de nivel intermedio.

Acreditación do alumnado de educación secundaria obrigatoria

1. O alumnado que obteña o título de graduada ou graduado en educación secundaria obrigatoria recibirá o certificado que acredite o nivel de iniciación.

2. O alumnado matriculado en 4º de educación secundaria obrigatoria poderá presentarse a unha proba específica co obxectivo de acreditar os coñecementos, habilidades e actitudes propias do nivel intermedio.

3. O alumnado que titule ou que supere a proba específica recibirá a certificación ComDix de nivel iniciación ou de nivel intermedio, respectivamente.

4. A acreditación do alumnado terá unha validez de cinco anos a partir da data da proposta de título da alumna ou o alumno ou da realización da proba específica.

Acreditación do alumnado de bacharelato

1. A obtención do título de bacharel acredita que a alumna ou o alumno ten os coñecementos, habilidades e actitudes das áreas de dominio 1, 2, 3 e 5 do nivel intermedio descritas no Marco galego de competencias dixitais.

2. O alumnado matriculado en 2º de bacharelato poderá presentarse a unha proba específica co obxectivo de acreditar os coñecementos, habilidades e actitudes propias da área de dominio 4 do nivel intermedio descritas no Marco galego de competencias dixitais. 

3. No caso de que unha alumna ou un alumno obteña o título de bacharel e ademais supere a proba específica da área de dominio 4 do nivel intermedio, recibirá a certificación ComDix que acredita o nivel intermedio.

4. O documento de acreditación terá unha validez de cinco anos a partir da data da proposta de título da alumna ou o alumno ou da realización da proba específica.

Requisitos do alumnado para participar nas probas específicas

O alumnado que desexe participar nas probas específicas deberá cumprir os seguintes requisitos:

a) Estar matriculado en 4º de ESO para presentarse á proba específica que acredita as competencias dixitais de nivel intermedio.

b) Estar matriculado en 2º de Bacharelato para presentarse á proba específica que acredita a área de dominio 4 de competencias dixitais de nivel intermedio.

Solicitude e inscrición nas probas específicas

1. O alumnado de 4º de ESO e o alumnado de 2º de Bacharelato que desexe realizar a proba específica solicitará a súa inscrición empregando o modelo establecido no anexo IV da Resolución.

2. O alumnado menor de idade contará coa autorización das persoas proxenitoras ou das persoas titoras legais para poder inscribirse na realización da proba.

3. Os centros docentes deberán inscribir o alumnado que participará na/s proba/s con data límite 15 de marzo, ás 23:59 horas.

Convocatoria das probas específicas

1. As convocatorias de probas específicas  realizaranse consonte ao seguinte calendario:

a) A proba específica que acredita a área de dominio 4 de nivel intermedio realizarase durante o mes de abril.

b) A proba específica que acredita o nivel intermedio realizarase durante o mes de maio.

2. As probas realizaranse no centro docente con alumnado inscrito o día e no horario que se estableza segundo o número de alumnado interesado e a dispoñibilidade de equipos informáticos do centro.

Información sobre as probas específicas

A proba específica para acreditar o nivel intermedio axustarase ás cinco áreas de dominio definidas no Marco galego de competencias dixitais. A alumna ou o alumno debe responder nun tempo máximo de 90 minutos un total de 60 preguntas de diferente complexidade e tipoloxía referidas a cada unha das cinco áreas de dominio (12 preguntas por cada área).

Para superar a proba específica de nivel intermedio deberase responder correctamente a un 70% do total de preguntas, sendo necesario obter un mínimo do 60% de respostas correctas en cada unha das cinco áreas.

A proba específica para acreditar a área de dominio 4, Seguridade e privacidade, axustarase á definición de dita área no nivel Intermedio no Marco galego de competencias dixitais. A alumna ou o alumno debe responder nun tempo máximo de 20 minutos un total de 12 preguntas de diferente complexidade e tipoloxía.

A proba específica da área de dominio 4 do nivel intermedio considerarase superada ao responder correctamente ao 60% das preguntas.

Demo da proba de acreditación.

Proceso de admisión Curso 2024/25

A seguinte información sobre o procedemento de admisión, tal como se establece na Orde, pode consultarse no taboleiro da Secretaría do Centro e na aplicación AdmisionAlumnado.

  • Normativa. O procedemento de admisión de alumnado en centros sostidos con fondos públicos establécese na Orde de 21 de outubro de 2022, pola que se desenvolve o Decreto 13/2022, do 3 de febreiro, e se regula o procedemento de admisión nos centros docentes sostidos con fondos públicos que imparten ensinanzas reguladas na Lei orgánica 2/2006, do 3 de maio, de educación.

  • Prazo de presentación das solicitudes de reserva de praza: do 15 de xaneiro ao 5 de febreiro de 2024 para o alumnado que finaliza etapa nun centro ou colexio adscrito e pasa a outro, tendo que presentar a solicitude de reserva de praza, que se pode facer:

    • a través da aplicación informática AdmisiónAlumnado

    • a través da SEDE ELECTRÓNICA da Xunta de Galicia.

    • ou ben cubrindo o impreso de solicitude e presentándoo físicamente e en prazo na Secretaría do Centro.

    • O alumnado que xa está no IES Johan Carballeira non ten que solicitar reserva de praza cada ano.

 

  • Data de publicación da listaxe do alumnado con posto reservado: 22 de febreiro.

  • Postos escolares ofertados en cada nivel e etapa: Oferta de postos escolares

  • Prazo de presentación das solicitudes de admisión: para o resto do alumnado, do 1 ao 20 de marzo.

     

    INFORMACIÓN A COÑECER PREVIAMENTE:

  • O alumnado que xa cursa estudos no centro ten garantida a permanencia. En caso de presentar a solicitude noutro centro, debe comunicalo.

  • Todo o alumnado poderá presentar solicitude de admisión, pedindo ata seis centros por orde de preferencia, e alegar os criterios de admisión que pretenda que se lle valoren. Esta solicitude de admisión dirixirase ao centro solicitado en primeiro lugar. Unha vez presentada unha solicitude, para renunciar a ela deberá facerse expresamente indicándoo no recadro correspondente da nova solicitude a presentar.

  • O alumnado que teña prioridade para continuar estudos nun centro de adscrición pode exercer o seu dereito á reserva de praza presentando solicitude de reserva no centro adscrito (no que está matriculado nese momento), e identificará o centro de adscrición que solicita.

  • En todo caso, a solicitude de reserva ou de admisión é única para cada alumno/a e ten carácter vinculante. A súa presentación implica que son certos os datos indicados nela. A existencia dunha solicitude de admisión presentada en prazo sen renunciar expresamente á anterior e, así mesmo, a existencia dunha solicitude de admisión sen ter renunciado á praza reservada a 28 de febreiro (este incluído) poderán ser causa de perda do dereito a participar no procedemento nos termos previstos no artigo 8 da Orde que o regula.

  • Formalización e presentación da solicitude de admisión e a documentación. Pode facerse:

  • Cubrindo directamente o impreso de solicitude de admisión ou creándoo a través da aplicación AdmisiónAlumnado, a través do menú Solicitudes, Admisión, Crear solicitude de admisión. Feito iso, débese:

    • Imprimir dito formulario e achegalo ao centro educativo escollido en primeiro lugar.

    • Ou ben, se dispoñen de certificado dixital, presentalo en Sede Electrónica a través da aplicación.

  • Xunto coa solicitude debe entregarse tamén:

    • Copia do DNI, NIE ou pasaporte da alumna/o que solicite praza.

    • Copia do libro de familia ou documento equivalente onde figure o/a alumno/a e os demais membros computables da unidade familiar.

    • En caso de separación dos pais: sentenza xudicial e/ou convenio regulador onde conste a custodia do menor.

  • E, de ser o caso, debe acompañarse de:

    • Certificado ou comprobación de irmás/áns matriculadas/os no centro.

    • Certificado de nai, pai ou titor/a legal traballador do centro.

    • Certificado da empresa por proximidade do centro ao lugar de traballo das/dos nais/pais ou titoras/es legais

    • Certificado de familia numerosa ou condición de familia monoparental.

    • Certificado de discapacidade da alumna ou alumno ou membro da unidade familiar.

    • Certificado de nacemento de irmáns por parto múltiple.

    • Sentencia acreditativa de vítima de violencia de xénero ou vítima de terrorismo.

    • Resolución da sentencia de separación.

  • Prazo de presentación da documentación xustificativa dos criterios de baremo alegados: 10 días hábiles a partir do 21 de marzo.
  • Baremo escolarización.
  • Resultado do sorteo ao que fai referencia o artigo 34 da orde do 21 de outubro de 2022.

  • Data de publicación das listaxes de alumnado admitido e non admitido: as listaxes serán publicadas no taboleiro da Secretaría do centro, podendo consultarse tamén a información a través de Chave 365.

    • Listaxe provisional: 25 de abril.

    • Prazo para formular reclamación: nos cinco días hábiles seguintes.

    • Listaxe definitiva: 15 de maio.

    • Segundo o artigo 36 da Orde, contra a listaxe definitiva, as persoas interesadas poderán interpor recurso de alzada ante a persoa titular da xefatura territorial, no prazo dun mes contado a partir do día seguinte ao da súa publicación.

  • Prazo para formalizar a matrícula: para todo o alumnado, do 23 de xuño ao 7 de xullo de 2023.

Distribuir contido


by Dr. Radut