Skip to Content
Erasmus-Programas Europeos











Recepción da alcaldesa Inés Rey en María Pita aos mellores expedientes da Coruña

22 de xuño 2022

Recepción da alcaldesa Inés Rey en María Pita aos mellores expedientes da Coruña

Nuria Roca, mellor expediente da Coruña nas ABAU, acompañada pola vicedirectora Teresa Fraga e a coordinadora de Bacharelato Beni Vidal, recibiu o agasallo en recoñecemento aos seus méritos de mans da alcaldesa Inés Rey.

 

Acto de entrega de diplomas ao alumnado do STEMbach

21 de xuño de 2022

Acto de entrega de diplomas ao alumnado do STEMbach

O pasado Martes 21 de Xuño ás 18:00, o profesorado titor, e o alumnado do IESP Eusebio da Guarda acudiron ao acto de entrega de Diplomas Stembach, para os proxecto de investigación realizados durante os cursos 2021 e 2022.  Promovido pola Consellería de Educación, Cultura e Universidades, desde hai tre anos, o Stembach ten como obxectivo que o alumnado realice a formación necesaria, e desenvolva a súas competencias para realizar un proxecto de investigación no eido universitario.

O acto no Rectorado da Universidade da Coruña contou coa presenza do Rector da UdC Julio Albalde, do Conselleiro de Educación, Cultura e Universidades, Román Rodríguez, e as Vicerreitoras María José Lombardía e Nancy Váquez. O acto foi conducido por Susana Ladra, profesora de Informática, directora do Campus Innova da Udc e Coordinadora do Stembach, quen colabora como titora de traballos de investigación o Eusebio da Guarda.

Todos os presentes fixeron fincapé nos méritos e capacidades do alumnado presente, que foron quen de levar adiante con éxito as súas investigacións, ademáis de conducir os seus estudos de Bacharelato cara a universidade. 

 

 

Acto de Graduación dos Ciclos Superiores

21 de xuño de 2022

Acto de Graduación dos Ciclos Superiores

O 21 de xuño de 2022 celebrouse o acto de Graduación dos Ciclos Superiores que se imparten neste centro.

Entrega de Premios Picasso

21 de xuño de 2022

Entrega de Premios Picasso

O 21 de xuño de 2022 entregáronse na Aula Picasso do Instititu Eusebio os premios do IV Concurso de Debuxo Picasso Coruñés, organizado pola Asociación de Prensa da Coruña (APC), co patrocinio da Secretaría Xeral de Cultura da Consellería de Educación, da Asociación Comarcal de Mulleres Profesionais, Autónomas e Directiva da Coruña e Escolas Infantís "Os Pequerrechos".

O Instituto Eusebio centro gañador de Inventa en Galego 2022

20 de xuño de 2022

O Instituto Eusebio centro gañador de Inventa en Galego 2022

 

Premio Provincia de A Coruña e Premio Galicia de Xornalismo na Escola

15 de xuño de 2022

Premio Provincia de A Coruña e Premio Galicia de Xornalismo na Escola

"Tu solo piensas en morir y la idea de morir consume tu vida"

 

Crear dúbidas e Cúpulas de Leonardo

17 xuño de 2022

Crear dúbidas e Cúpulas de Leonardo

O 16 de xuño visitounos en 2º ESO D José Luís Medal Cabezas, profesor de Matemáticas e aboo da nosa alumna Ana Lareo. Veu, como ben dixo, a "crear dúbidas", pois encargou ao alumnado as difíciles tarefas de contar os pelos da cabeza, calcular cadrados de números terminados en 5, escribir os números de 1 a 1 millón ou  calcular os metros que percorre un can en la praia cando corre entre dous amigos que se van acercando. Gracias José Luís pola túa visita e por ensinarnos a pensar.

O último mes tivemos as Cúpulas de Leonardo. Estas son algunhas das actividades que fixemos.

Beatriz Sixto. Departamento de Matemáticas.

Entrega dos premios do certame-exposición de Haikus convocado polo EDLG

16 de xuño de 2022

Entrega dos premios do certame-exposición de Haikus convocado polo EDLG

Foi convocado polo EDLG, coa colaboración do Departamento de Lingua galega e Literatura, un certame-exposición de Haikus, en torno ás poesía de Florencio Delgado Gurriarán, persoeiro ao que se adica o Día das Letras Galegas deste 2022.

O fallo do xurado, composto por profesorado de diversos departamentos didácticos do Centro, foi:

Haiku de ouro: "Rabaño mudo" de  Manuel Carrasco, Elba Cardesín, Jorge Estévez e Ryu Tenreiro -4º ESO C.

Haiku de prata: "A sombra nos leva", de Alejandra Vázquez Suárez -1º ESO E.

Haiku de bronce: "Nos pastos verdes", de Martín Crespo, Aarón Deus e Iris Fernández -Chao- 4º ESO A.

Accésit 1: "Polas espidas", de Carla López Riveiros- 4º ESO E.

Accésit 2: "Verde ou de cor", de Sofía Pozurama e Inés Romero- 1º ESO A.

Accésit 3: "Agulla veloz", de Aroa González e Xiana Varela- 1º ESO E.

Os gañadores dos Haikus de ouro, prata e bronce recibiron o correspondente diploma, bono-regalo e libros.

Aqueloutros merecedores dos accésits recibiron os diplomas acreditativos, libros e USB.

O profesorado que formou o xurado quixo destacar o traballo desenvolvido polo alumnado. Ademais, o EDLG quere agradecer a participación e a implicación de alumnos e alumnas, e a dirección e supervisión das profesoras do Departamento de Lingua galega e literatura Estefanía Álvarez e Dulce Fernández, xunto con Carme Edreira, coordinadora do EDLG.

Agradecemento especial ás xefa do Departamento de Lingua Galega e Literatura Beni Vidal e ao profesor do departamento de Bioloxía e Xeoloxía Manuel Blanco, pola súa xenerosa colaboración  como xurados dos premios.

Excursión de fin de curso 2021-22 de 3º de ESO

15 de xuño de 2022

Excursión de fin de curso 2021-22 de 3º de ESO

Premio do CSIC Mosquito Alert

16 de xuño de 2022

Premio do CSIC Mosquito Alert

Os estudantes Iris Fernández Chao e Teo García Nicolás, de 4ºA, titorizados pola profesora de Bioloxía e Xeoloxía Mª Jesús Mourazos González, recibiron premio a orixinalidade de traballo dentro do proxecto cofinanciado polo CSIC Mosquito Alert, que trata de concienciar sobre a necesidade de detección e prevención de enfermidades contaxiadas a través das picaduras de mosquito tigre e outros mosquitos. O fallo do xurado tivo lugar o luns 13 de Xuño nun evento televisado desde Paises Baixos.

O programa Mosquito Alert leva máis de 10 anos desenvolvéndose. Este ano participaron máis de 30 centros escolares españoles e neandertalenses, coa presentación de máis de 400 traballos. Entre eles o noso centro presentou proxectos tan variados como as investigacións sobre porqué pican os mosquitos, un podcast divulgativo, varios tiktok, un videoxogo ou un scratch. Abaixo déixase o pdf cos carteis con todos os traballos, onde se pode acceder a esa información.

Alumnado das Escolas Embaixadoras do Parlamento Europeo: Webinar 15 de xuño 2022 Proxecto TAEUS

15 de xuño de 2022

Alumnado das Escolas Embaixadoras do Parlamento Europeo: Webinar 15 de  xuño 2022 Proxecto TAEUS

O alumnado do programa Escolas Embaixadoras do Parlamento Europeo asistiu á  webinar final do Proxecto  TAEUS organizada polo equipo de  Ingalicia, na que puideron facer preguntas a representantes da Comisión Europea  DG-Rexio,  Injuve, ás responsables de Relacións Públicas do Parlamento Europeo en España e de  Eurodesk  Brussels  Link.Ademais presentaron o resultado das súas investigacións, compartiron as súas experiencias e participaron xunto aos outros nove equipos de toda España nun debate sobre temas de actualidade :  medioambiente, inclusión, diversidade e participación xuvenil.

Tamén aproveitaron a xornada para recoller os seus diplomas como membros participantes do programa durante o curso 2020-2021 e facer a foto de equipo, que por diferentes motivos quedara aprazada, e que serve de despedida deste ano 2021-2022, no que fomos Escola Mentora do Parlamento Europeo.

Obradoiro de encadernación dos Clubs de Lectura

13 de xuño de 2022

Obradoiro de encadernación dos Clubs de Lectura

Na tarde do pasado luns 13 de xuño, o alumnado dos Clubs de Lectura organizados polas profesoras María Barreiro e Dulce Fernández Graña, tivo a oportunidade de gozar dun obradoiro de encadernación a cargo de Tono Galán e Laura Sánchez, de Edicións Manchea. Utilizando técnicas xaponesas, alumnado de 2º, 3º e 4º ESO aprendeu a elaborar cadanseu caderno seguindo as directrices de Tono Galán e Laura Sánchez, que en todo momento prestaron axuda e atención individualizada aos membros do grupo. 

Despois de hora e media de traballo, o resultado foi un precioso caderno cosido a man, decorado  e elaborado de xeito totalmente artesanal. Damos as grazas a Tono e Laura de Manchea e esperamos poder repetir a experiencia o próximo curso.

Club de Lectura do IES Eusebio da Guarda

Excursión de fin de curso 2021-22 de 1º de ESO ás Fragas do Eume

13 de xuño de 2022

Excursión de fin de curso 2021-22 de 1º de ESO ás Fragas do Eume

Presentación do libro de Charo Soto "Dime quen leva o meu nome"

13 de xuño de 2022

Presentación do libro de Charo Soto "Dime quen leva o meu nome"

(por Beni Vidal, Xefa do Departamento de Lingua Galega e Literatura)

Excursión de 1º BAC a Pontevedra e ao Ecoparque de Marín

10 de xuño de 2022

Excursión de 1º BAC a Pontevedra e ao Ecoparque de Marín

O pasado xoves 9 de xuño o alumnado de 1º BACH puido desfrutar dunha  excursión a Pontevedra e o Ecoparque de Marín, aproveitando ao máximo unha xornada de sol e boa temperatura, acompañado por Laura Horta, Raúl Fernández e Jesús Serna.

Comezou o día coa visita polo casco histórico de Pontevedra, en compañía da guía turística que o Concello puxo ao dispor do grupo, e que permitiu visitar esta fermosa parte da cidade e coñecer interesantes detalles do seu pasado.

Despois do xantar o grupo dirixiuse a Marín, onde gozou de tres horas de divertidas experiencias nas alturas, realizando os percorridos arbóreos a través das tirolinas nos diferentes niveis de dificultade.

Ao remate emprenderon o camiño de volta, co corpo canso e a felicidade que dá a sensación de ter feito amizades máis estreitas e máis numerosas.

"Probando a aplicación móbil"

6 de xuño de 2022

O Equipo de Dinamización da Lingua Galega organizou para o alumnado de Tecnoloxía de 1° de bacharelato unha actividade de saída pola cidade 

"Probando a aplicación móbil"

para comprobar o funcionamento e disfrutar das actividades deseñadas polo alumnado, dentro do proxecto "A cidade da Coruña convértese no noso taboleiro de xogo".

O alumnado de Tecnoloxía disponible probou as mellores aplicacións deseñadas polos diferentes grupos, acompañados polo profesor da materia, Serxio Gómez Recouso, as profesoras do departamento de Lingua galega Dulce Fernández Graña e Estefanía González Álvarez, e a coordinadora do EDLG M. Carme Edreira García.

A actividade resultou moi positiva para os distintos grupos.

O EDLG agasallou aos grupos que elaboraron as aplicacións máis valoradas cunha novela do excelente novelista Domingo Villar, recentemente falecido.

A aplicación máis valorada foi: 

"Club dos famosos mortos",

elaborada por Antía Sardiña García, Paula Díaz López e Sabela Lozano Rodríguez (1° D).

A segunda foi: 

" Crime na Coruña", elaborada por Marta Trabazo Barros e Simón García Franco (1° E).

Parabéns ao alumnado premiado, en primeiro lugar,  e ao resto do alumnado de Tecnoloxía, polos fantásticos traballos deseñados e realizados.

Gañadoras do 1° premio:Paula Díaz, Sabela Lozano e Antía Sardiña:

Xunta xeral de Prósopon

3 de xuño de 2022

Xunta xeral de Prósopon

Charla “Feminismo e ética do coidado” a cargo da profesora Cristina Caruncho Michinel

2 de xuño de 2022

Charla “Feminismo e ética do coidado” a cargo da profesora Cristina Caruncho Michinel

O 2 de Xuño, o alumnado de 1º Bacharelato acompañado dos seu profesorado, asistiu á conferencia organizada polo Departamento de Filosofía sobre “Feminismo e ética do coidado”, que impartiu a profesora Cristina Caruncho Michinel da Universidade de Vigo.

Cristina Caruncho, Catedrática de Filosofía Moral na Universidade de Vigo, falou sobre a importancia de reflexionar acerca da vulnerabilidade humana e dos coidados nas sociedades contemporáneas.

Premio ao mellor proxeto de Tecnoloxía Industrial de 1º de Bacharelato

2 de xuño de 2022

Premio ao mellor proxeto de Tecnoloxía Industrial de 1º de Bacharelato

Entregouse o premio ao mellor proxeto de Tecnoloxía Industrial de 1º de Bacharelato.

O proxeto gañador, elixido por un xurado formado polo profesorado do IES Eusebio da Guarda, otorgouse ao equipo de “Lachio” formado por Sol, Rosalía, Sinead e Carla.

Daniel e Beatriz fixeron a entrega de medallas.

A idea do proxecto consistía en resolver un problema cotián do entorno do alumnado. O equipo mencionou que lles molestaba moito estar lendo ao aire libre e ter que parar cando chovía. Foi entón cando pensaron crear unha portada que cubra o libro e que ademais faga de bolso para facilitar o seu transporte. 

Fixeron o deseño, un análisis Dafo, Came, o modelo canvas do seu negocio e desenvolveron un plan de marketing.

A continuación podedes ver os anuncios que crearon para xerar curiosidade polo seu produto.

Parabéns polo bo traballo realizado!

Anuncio de romance: https://youtu.be/Rl9m077fGkA

 

Anuncio de fantasía: https://youtu.be/7u6Owt3e3ho

 

Anuncio de misterio: https://youtu.be/fSgIbw2hizY

 

Anuncio extra con tomas falsas: https://youtu.be/340RgjHdUbY

 

 

 

 

Certame de cómic en galego convocado polo EDLG

1 de xuño de 2022

Certame de cómic en galego convocado polo EDLG

O pasado 26 de maio un xurado composto por profesorado de varias materias, colaborador do EDLG do centro, visitou a exposición de cómics presentados ao certame neste mes das Letras Galegas, e fallou os premios.

A directora do centro entregou os premios do EDLG, e un especial concedido polo Contrato-Programa "Iguais na diversidade", pola especial sensibilidade amosada en relación coa temática do programa.

O alumnado do centro disfrutou esta quincena pasada da exposición, con gran éxito.

 Parabéns a todos e todas, pola participación.

Especialmente, ao alumnado premiado en ambas categorías e o premio especial "Iguais na diversidade".

Para o vindeiro curso, a segunda edición!

Distribuir contido


by Dr. Radut