De pedra quedaron os membros do xurado cando veron esta tarta. Celebrábase o tradicional concurso de postres e tartas "Nadal 2011". E claro, gañaron un dos premios "gordos". Logo máis tarde o premio sería para todos: Saboreala e poder dicir "Xantei un bo trozo do meu Insti!"
François Jean Dominique Arago foi un científico e político francés, moi amigo de José Rodríguez González, o "matemático do Bermes". Na biblioteca do centro hai unha copia dun exemplar da obra de Arago titulada "Historia de mi juventud, (Viaje por España, 1806 - 1809), nela fala da grande amizade entre os dous sabios. O número de rexistro é o 16.522.
EusebioTV, a aposta dun grupo de alumnos do Instituto, vén de cumprir unha cifra de visitas que nunca pensaron acadar: 10.000 e subindo. O extraordinario labor destes alumnos segue medrando día a día: Mesmo dan conta das súas novidades a través dunha conta en Twitter (@EusebioTV), que fan de reporteiros no acto de Homenaxe a Picasso e o editan e publican antes que os periódicos locais... Axiña poñerán á nosa disposición un novo traballo: "Por terra, mar e aire". Agardamos con ansia, rapaces!
Alba Cruz, antigua alumna do IES Plurilingüe Eusebio da Guarda, pediunos un favor para levar a bo porto un proxecto para unha das súas materias na Universidade: "Postproducción de Video e Audio".
Ela quería facer unhas tomas moi moi especiais desde o centenario edificio no que estudou.... e nós dixemos: Adiante!
A técnica que usou Alba coñécese como Til Shift no mundiño do video, ou tamén "efecto maqueta". Mesmo o mellor será que desfrutes vendo o seu resultado. Parabéns e moita sorte!
Por fin tedes a vosa disposición o libro cos relatos curtos e a poesía editado o ano pasado (2011) como homenaxe a alumna que foi do noso instituto, Rita Suárez Amado.
Agora podes descarregalo. Comparteo! Difundeo! Participa no concurso deste ano!
Coa asistencia do señor alcalde da Coruña e varios representantes da Asociación Pablo Ruiz Picasso de A Coruña, asemade os cargos directivos do instituto e varias ducias de profesores e amigos do centro, vimos de celebrar o pasado día 28 de decembro a descuberta dunha placa de homenaxe. O acto foi seguido polos principais medios de comunicación da cidade. Ademais, EusebioTV fixo un grande labor, ao filmar o acto e telo posto na rede o mesmo día. Tamén foi "retransmitido" a través do Twitter do IES @ieseusebio
Aquí van os enlaces do vídeo e das notas de prensa:
A lembranza do alumno que foi deste instituto, o pintor Pablo Ruiz Picasso, será mañá mércores 28 de Decembro ás 12 horas, no vestíbulo do noso centro e coa asistencia das autoridades municipais. O acto consistirá en descubrir unha placa en honra do artista universal.
É unha grande ledicia comunicar que Gonzalo Cao Labora, alumno de 3º de ESO do noso instituto, ven de conseguir unha medalla de ouro na fase galega da Olimpiada Matemática.
E non só iso. A medalla a obtivo na categoría de BACHARELATO, o que indica a forte preparación do noso alumno que, ademais do seu esforzo e a axuda dos profesores, participa no programa ESTALMAT.
