Día da Poesía nos Clubs de Lectura

O pasado 21 de marzo celebramos o Día da Poesía nos clubs de lectura do instituto. No club de 4º ESO estreamos a radio para gravar varios audiopoemas recitados e comentados polo alumnado. Gustavo Adolfo Bécquer e Álvaro Cunqueiro voaron nas ondas radiofónicas grazas ás voces de Noa, Aurora, Gerrard, Jhostin, Estela e Mara.

No club de lectura de bacharelato celebrámolo tamén cun recital poético na biblioteca a cargo do alumnado, acompañado da exposición dos libros escollidos. Esta vez foron os versos de Luz Pozo Garza, Pablo Neruda, Curros Enríquez, Manuel María, Rosalía de Castro e Ana Fernández os que encheron de sensacións sonoras a biblioteca nas voces de Noa, Carla, Silvina, Irene, Marta, Katia, Andrea, Natalii, Héctor, Sara e Yara.

Por outra banda, Beatriz, Samuel e Claudia de 2º bach D entrevistaron o poeta François Davo, profesor de Francés no noso instituto; François explicounos o que significa para el a poesía desde a súa propia experiencia, ensinounos algúns dos seus libros e recitou para nós un dos seus poemas.

Para acompañarnos na escoita, accedede ao noso blog desde estas ligazóns.

• https://librosabertos.blogspot.com/2024/03/entrevista-ao-poeta-francois-...
• https://librosabertos.blogspot.com/2024/03/dia-da-poesia.html

Feliz Día Internacional da Poesía por moitos anos!

Dulce Fernández Graña, Departamento de Lingua Galega e Literatura

Coordinadora dos Clubs de Lectura