O mércores 27 de abril, o alumnado de 2º Bacharelato e, seguindo unha tradición iniciada en anos anteriores, plantou unha árbore, neste caso un camelio na zona posterior do noso centro. O acto forma parte do inicio das actividades de despedida desta promoción de alumnos e alumnas que están a piques de rematar a súa formación no noso IES. Para este acto tiveron a colaboración da Viderección e a profesora de Bioloxía e Xeoloxía, Irene García.
|
|
O pasado venres, 30 de xaneiro, tivo lugar na Biblioteca do noso Centro a entrega dos premios relativos ao concurso convocado pola Vicedirección do Centro, en conmemoración do Día Escolar da Non Violencia e da Paz, que como tódolos anos celébrase este día. Os relatos arredor da Paz e do non uso da Violencia centraron a temática dos textos. Participou alumnado do Primeiro e Segundo Ciclo da ESO.
|
|
O sábado 24 de xaneiro, catro alumnos de 4º da E.S.O do I.E.S de Valga viviron o seu momento de gloria no programa Libélula Weekend conducido por Ana Patiño en Radio Valga. A emisora local acolleu un debate sobre as redes sociais, os seus beneficios e riscos dende o punto de vista adolescente. O resultado foi unha charla moi interesante e enriquecedora dende catro puntos de vista diferentes, pero que coincidían nunha conclusión común: O sentido común e o uso responsable das ferramentas que a tecnoloxía e os avances nos prestan pode favorecernos, máis que perxudicarnos. Neste enlace podes escoitar parte dese debate.
|