departamentos

Summary: 

O conselleiro de Educación, Ciencia, Universidades e FP, Román Rodríguez, clausura a xornada que pon fin ao programa ‘LÓVA (A ópera, un vehículo de aprendizaxe)’

Participan 469 alumnos, 53 docentes e 19 centros educativos con 21 compañías

Idioma Gallego

O conselleiro de Educación, Ciencia, Universidades e FP, Román Rodríguez, clausurou hoxe o programa LÓVA (A ópera, un vehículo de aprendizaxe), unha iniciativa desenvolvida en colaboración co Teatro Real na que este curso participaron 469 alumnos, 53 docentes e 19 centros con 21 compañías.

A iniciativa LÓVA, que desde os seus inicios hai 16 anos suma un total de 18.000 alumnos, é un proxecto innovador que utiliza a creación e produción dunha ópera como ferramenta pedagóxica para o desenvolvemento integral do alumnado. Na súa traxectoria ten acadados recoñecementos tan relevantes como o Premio Nacional de Boas Prácticas ou boa práctica educativa pola Cátedra Unesco, entre outros.

Para Román Rodríguez, a iniciativa é unha mostra do “fortalecemento das ensinanzas artísticas, que son sinónimo de profesionalización e reforzo da nosa cultura”. O conselleiro reivindicou a súa utilidade “como parámetro da calidade de vida dun territorio”. Como sinalou, o proxecto do Teatro Real é moito máis que un simulacro de ópera: “É unha experiencia educativa que involucra o coñecemento co ocio, converténdose nunha demostración clara do poder inclusivo e plural da educación como instrumento universal de integración para o benestar individual e colectivo”, engadiu. 

O vindeiro curso 2024/25, o número de participantes de LÓVA poderá seguir incrementándose, pois ábrese unha nova convocatoria para un máximo de 13 centros.

A xornada na Cidade da Cultura

O encontro que se desenvolve hoxe na Cidade da Cultura ten como finalidade visibilizar o traballo desenvolvido polas compañías dos centros educativos que participan en LÓVA. Así mesmo, con esta cita búscase o recoñecemento ao alumnado que participa nel e, por outro lado, darlle a coñecer o proxecto ao profesorado que estea interesado.

Así, os docentes poden formarse sobre LÓVA, focalizándose nas ensinanzas artísticas a través de mesas redondas sobre as súas competencias clave, o seu proceso de transformación educativa e fases para a implementación no centro, así como os elementos do currículo que participan no desenvolvemento da iniciativa. Ademais, realízanse obradoiros sobre dinámicas e retos de LÓVA, sobre composición musical a cargo do pianista Jorge Bedoya, sobre maquillaxe artística e sobre dramatización.

No caso dos estudantes, tiveron a oportunidade de participar en talleres de composición musical, perruquería, iluminación, vestiario e audiovisual, entre outros. Así mesmo, visitaron a exposición sobre o proxecto e asistiron a unha representación de óperas.

Os centros participantes son os seguintes:

Provincia

Concello

Centro

A Coruña

As Pontes de García Rodríguez

CEIP A Magdalena

A Coruña

Cariño

CEIP Manuel Fraga

A Coruña

Cabanas

CEIP Plurilingüe Eladia Mariño

A Coruña

A Coruña

CEIP Isaac Díaz Pardo

A Coruña

A Coruña

CPR Grande Obra de Atocha

A Coruña

Ferrol

CEIP de Pazos

A Coruña

Ferrol

CPR Santa Juana de Lestonnac

A Coruña

A Laracha

CEIP Ramón Otero Pedrayo

A Coruña

Ponteceso

IES Eduardo Pondal

A Coruña

Pontedeume

CPR San José

A Coruña

San Sadurniño

CPI de San Sadurniño

Pontevedra

Cangas

CPR Eduardo Pondal

Pontevedra

Cangas

CEIP San Roque de  Darbo

Pontevedra

A Cañiza

CPI da Cañiza

Pontevedra

A Estrada

CEIP Pérez Viondi

Pontevedra

Ponteareas

IES do Barral

Pontevedra

Pontevedra

CEIP Plurilingüe Praza de Barcelos

Pontevedra

Tomiño

CEIP Plurilingüe de Tebra

Pontevedra

Vigo

CPR Andersen Augalonga

Información xeral Consellería de Educación, Ciencia, Universidades e Formación Profesional

Summary: 

A directora xeral de Ordenación e Innovación Educativa visita unha actividade no IES de Ordes co gallo da publicación desta convocatoria

Así mesmo, faise pública a resolución provisional de centros plurilingües, modelo co que contarán 511 centros a partir de setembro

O Portal Educativo publica tamén a resolución do programa E-Dixgal, no que participarán o vindeiro curso 613 centros

Deste xeito, a Consellería de Educación avanza na preparación do próximo curso a través de distintos programas aos que os centros se poden sumar voluntariamente

Idioma Gallego

A directora xeral de Ordenación e Innovación Educativa, Judith Fernández, visitou hoxe o Instituto IES de Ordes, coincidindo coa publicación da convocatoria do Plan Proxecta para o vindeiro curso. Precisamente, neste centro puido comprobar o desenvolvemento dun dos programas que compoñen o plan, Aliméntate ben, que o instituto desenvolve co obxectivo de mellorar os hábitos alimenticios da comunidade escolar.

A Consellería de Educación, Ciencia, Universidades e FP integra no Plan Proxecta un total de 45 programas educativos, o conxunto de iniciativas formativas en distintos ámbitos que ofertan as consellerías do Goberno galego en colaboración con outras institucións.

A oferta de actividades, que complementa os currículos, está relacionada cos ámbitos da saúde, a alimentación, a actividade física, a ciencia e a tecnoloxía, a lingua, o patrimonio, a solidariedade, o medio ambiente, o desenvolvemento sustentable, a igualdade, o consumo responsable, o voluntariado, a interculturalidade, a convivencia, a educación emocional, a normalización lingüística e os dereitos da infancia ou a mobilidade.

O prazo de presentación de solicitudes está aberto ata o 15 de xullo e deberán facerse a través da aplicación de programas educativos. Este curso participan no Proxecta un total de 685 centros de toda Galicia, coa implicación de máis de 8.000 docentes.

Mellora do libro dixital

Por outra banda, a Xunta de Galicia vén de resolver a convocatoria do E-Dixgal, cos centros que formarán parte do programa de libro dixital o vindeiro curso. Serán un total de 613 os colexios e institutos que desenvolvan este modelo de ensino híbrido, onde conviven o analóxico co dixital. Deles, 608 xa desenvolvían o programa e deciden continuar nel, incluso un ampliando a súa participación. Trátase do Instituto IES República Oriental do Uruguai, de Vigo, que o tiña implantado en 1 e 2º de ESO e o incorpora agora a 3º e 4º desta etapa.

Ademais, súmanse á iniciativa cinco novos centros. En concreto, incorpórano en 5º de Primaria os colexios CEIP Vicente Risco (Cualedro, Ourense) e CEIP Plurilingüe Ramón y Cajal (Vigo); e en 5º e 6 de Primaria, os colexios CEIP Plurilingüe Celso Currás (Trabada, Lugo) e CEIP Plurilingüe Rodolfo Núñez Rodríguez (Vilardevós, Ourense).

Así mesmo, o Centro Público Integrado CPI Manuel Suárez Marquier (O Rosal, Pontevedra) súmase ao programa incorporándoo ao tempo en 5º e 6º de Primaria e en 1º de ESO. Por outra banda, decidiron solicitar a baixa no E-Dixgal 22 centros educativos.

Cómpre lembrar que a Consellería de Educación vai mellorar o programa para o curso 2024/25 cun amplo abano de medidas, entre elas mellores contidos, un dossier deseñado para uso dixital ou impreso con todas as materias e todos os niveis, asesoramento e apoio aos centros, o reforzo da formación do profesorado e da información ás familias.

Récord de auxiliares de conversa

Así mesmo, o Portal Educativo publica hoxe a resolución provisional dos centros que solicitaron incorporarse ao modelo de plurilingüismo no ensino. Pendente da resolución definitiva, contarán con ensinanzas plurilingües o vindeiro curso un total de 511 centros educativos de toda Galicia, 11 máis ca no actual ano académico.

Do total de centros plurilingües, 466 serano en Primaria ou ESO ou en ambas etapas á vez, 250 na etapa de Infantil e 15 centros en Bacharelato. Non se produciron renuncias, polo que todos os centros que participan na iniciativa este curso continúan o próximo.

Contarán co apoio de 665 auxiliares de conversa nativos de países estranxeiros (10 máis ca no actual curso), récord histórico no número de persoas que colaboran no apoio á aprendizaxe de idiomas.

Coa publicación destas resolucións, a Consellería de Educación, Ciencia, Universidades e FP avanza na preparación do vindeiro curso a través de distintos programas aos que os centros se poden adherir voluntariamente.

Información xeral Consellería de Educación, Ciencia, Universidades e Formación Profesional

Summary: 

A directora da Axencia Galega de Innovación, Carmen Cotelo, reúnese con representantes da RAGC para abordar iniciativas comúns

Idioma Gallego

A directora da Axencia Galega de Innovación (Gain), Carmen Cotelo, recibiu esta mañá na sede da axencia ao presidente da Real Academia Galega de Ciencias (RAGC), Juan Manuel Lema; á súa vicepresidenta, Alicia Estévez, e ao responsable de publicacións e relacións sociais, Fernando Pérez.

No encontro, a representación da RAGC expúxolle á representante da Consellería de Educación, Ciencia, Universidades e FP as actividades que desenvolven, así como os seus plans de futuro e conversaron sobre as iniciativas que comparten ambas entidades. En concreto, a Xunta colabora, entre outros, nos Premios á Transferencia de Tecnoloxía de Galicia e no Premio de Xornalismo Científico Celia Brañas.

A directora de Gain destacou o amplo labor de divulgación da ciencia que realiza a institución a todos os niveis, desde os centros de ensino ata a sociedade en xeral, e o importante papel que xogan no recoñecemento a figuras senlleiras da historia da ciencia en Galicia, así como a científicos e científicas actuais en diferentes etapas da súa carreira profesional.

Neste senso, Carmen Cotelo reafirmou o interese da Xunta en seguir sumando esforzos neste ámbito, co obxectivo de facer consciente á sociedade da importancia da ciencia e da tecnoloxía no noso benestar económico e social, así como render homenaxe a aqueles persoeiros que fixeron e fan unha importante achega ao coñecemento e a tecnoloxía xerada en Galicia.

Información xeral Consellería de Educación, Ciencia, Universidades e Formación Profesional

Summary: 

A directora xeral de FP, Eugenia Pérez, participa na clausura destas iniciativas, impulsadas pola Cámara de Comercio da Coruña e a Xunta

A través deles, os estudantes coñecen as experiencias de persoas que sacaron adiante o seu negocio e os pasos para facelo realidade a partir dunha idea

Idioma Gallego

A directora xeral de FP, Eugenia Pérez, e o presidente da Cámara de Comercio da Coruña, Antonio Couceiro, participaron hoxe na clausura dos programas de emprendemento EduInspira e EduIndustria, impulsados por esta entidade e a Xunta de Galicia.

A representante da Consellería de Educación, Ciencia, Universidades e FP destacou o éxito destas iniciativas, nas que a día de hoxe teñen participado máis de 1.000 alumnos e por riba de 30 centros educativos. “Ademais, a Cámara de Comercio de España recoñeceu nos seus 3º Premios Nacionais á da Coruña na categoría de Emprendemento grazas, precisamente, ao traballo de Eduinspira”, destacou.

A directora xeral salientou a aposta da Xunta por manter unha estreita relación entre sistema produtivo e educativo e puxo de relevancia a necesidade de dar a coñecer ao alumnado a figura de persoas emprendedoras, “que son sinónimo de xeración de riqueza, desenvolvemento económico e calidade de vida para Galicia”.

Neste sentido, reivindicou o papel das pequenas e medianas empresas e a súa importancia á hora de contribuír á formación de alumnos de FP, “favorecendo que o ensino se axuste á realidade económica e social e dando máis oportunidades aos estudantes”.

Aprender a emprender

Ao longo da clausura varios empresarios presentaron a súa experiencia persoal ao alumnado do Centro Integrado de FP Someso, onde se celebrou o acto. En concreto, foron relatores a CEO do Grupo Gestán, empresa galega experta en xestión integral de residuos e solucións medioambientais, Luz Pardo Longueira; Broder Fernández-Obanza Windscheid e Antonio Gómez Salvador, cofundadores A Factoría Ecolóxica-The Bio Factory, así como a presidenta e fundadora do Grupo Atlante, Maite Valiño Borrego.

Nado no curso 2021/22, EduInspira consiste na organización de charlas motivadoras nos centros educativos. Para iso, a Cámara de Comercio da Coruña convida a persoas emprendedoras de distintos sectores, para que tanto profesorado como alumnado coñeza de primeira man a súa realidade.

Pola súa banda, EduIndustria sirve para que o alumnado aprenda a emprender e pense nesta saída profesional como unha opción de futuro. A través do xogo Desafío Industria, os estudantes descobren os pasos que hai que seguir para converter unha idea nun negocio. O programa naceu neste curso 2023/24.

Información xeral Consellería de Educación, Ciencia, Universidades e Formación Profesional

Summary: 

O 62% dos estudantes recoñecidos son mulleres e, do total de premiados, 52 pertencen á Universidade de Santiago, 35 á de Vigo e 19 á da Coruña

Os galardoados, que remataron os seus estudos no ano 2023, pertencen a 64 titulacións distintas e cada un deles recibirá 3.500€ e un diploma acreditativo

Idioma Gallego

Un total de 106 universitarios que remataron os seus estudos no ano 2023 veñen de ser galardoados cos Premios fin de carreira pola súa excelencia académica. Así o recoñece a Xunta de Galicia, que publica hoxe no Diario Oficial de Galicia (DOG) a resolución con estas distincións. 

O 62% do alumnado recoñecido son mulleres e, do total de galardoados, 52 pertencen á Universidade de Santiago de Compostela, 35 á de Vigo e 19 á da Coruña. 

Os mellores expedientes distribúense entre 64 titulacións nos diferentes campus. Deste xeito, por número de recoñecementos destacan, con seis persoas premiadas, os graos de Administración e Dirección de Empresas, Educación Infantil e Mestre de Educación Infantil e Educación Primaria e Mestre de Educación Primaria; con cinco persoas o grao de Dereito, e con 4 persoas premiadas os graos de Medicina e Enxeñaría Informática.

Cada un dos premiados, recibirá unha achega económica por parte da Consellería de Educación, Ciencia, Universidades e FP de 3.500 euros e un diploma acreditativo.  

Para optar ao premio, as persoas candidatas debían acreditar unha puntuación media no seu expediente académico igual ou superior a 8,5 puntos para o alumnado das ramas de coñecemento de Artes e Humanidades, Ciencias Sociais e Xurídicas, Ciencias e Ciencias da Saúde, e a 7,5 puntos para o alumnado da rama de Enxeñaría e Arquitectura. 

Información xeral Consellería de Educación, Ciencia, Universidades e Formación Profesional

Summary: 

Salienta que se van reforzar os títulos de alta especialización que permiten combinar materias ou cursos de ciclos distintos para formar perfís profesionais moi concretos

Galicia é pioneira neste tipo de ensinanzas ao ofertar o ano que vén 24 títulos especializados, 13 deles de nova implantación

O obxectivo é garantir a inserción laboral dos alumnos que xa está no 85 % e chega case ao 100 % no caso da FP Dual

Subliña a oportunidade que ten o sector da automoción de Galicia para situarse como referente da mobilidade sustentable do futuro

Idioma Gallego

O presidente da Xunta, Alfonso Rueda, destacou hoxe a aposta do Goberno galego por promover a Formación Profesional ao ampliar, un ano mais, a oferta de prazas cara ao vindeiro curso 2024-2025.

Durante a inauguración do I Congreso de Mobilidade Sustentable en Medios de Transporte- FP Galega que se celebra en Vilagarcía de Arousa, Rueda adiantou que o Consello da Xunta aprobará o luns a oferta de FP para o novo ano académico que será a máis alta da súa historia. O obxectivo é ofrecer estudos especializados e adaptados ás necesidades do territorio e o tecido empresarial galego para garantir a inserción laboral das persoas que opten por estas ensinanzas.

Nesta liña, o presidente asegurou que se van reforzar os chamados títulos de alta especialización, é dicir, as ensinanzas que permiten que os alumnos combinen cursos ou materias de ciclos ou graos distintos coa finalidade de formar a profesionais con perfís moi concretos e especializados. O vindeiro curso serán 24 as titulacións deste tipo que se ofertarán en Galicia, 13 delas de nova implantación.

Galicia é pioneira en toda España en poñer en marcha este tipo de titulacións coas que dar resposta específica as demandas do tecido produtivo da comunidade. O presidente da Xunta asegurou que “as sociedades que non dan importancia á FP son aquelas que non van poder evolucionar ao ritmo que evoluciona o mercado e a demanda”.

Rueda, que lembrou a “revolución silenciosa” que experimentou a FP galega nos últimos anos -ao aumentar un 80 % o número de matriculados desde 2009 e acadar datos históricos con máis de 64.000 alumnos-, fixo fincapé en que nestas ensinanzas a taxa de inserción laboral é do 85 % e case chega ao 100 % no caso da FP Dual.

Ademais salientou a importancia de foros como este Congreso para que empresas e comunidade educativa colaboren e sumen forzas para afrontar os retos e desafíos dun dos principais motores da economía en Galicia como é a automoción que representa máis do 13 % do PIB galego e xera 25.000 empregos en toda Galicia.

Nesta liña, o titular do Goberno galego lembrou que este sector está a vivir unha gran transformación coa chegada do vehículo eléctrico e a aposta por desprazamentos máis sustentables. Rueda subliñou que Galicia xa é líder nacional na produción de vehículos e ten unha grande oportunidade para ocupar un papel prioritario no deseño da mobilidade do futuro.

O Goberno galego reforza o compromiso cunha mobilidade máis respectuosa co medio ambiente mediante a folla de ruta cara 2050, a Estratexia Galega de Mobilidade, dotada de 420 millóns de euros. Ademais, o Executivo galego acaba de aprobar unha liña de 18 millóns de euros para axudar as empresas auxiliares de automoción na adaptación aos novos modelos de produción e segue reclamando ao Goberno central infraestruturas claves como a conexión ferroviaria de alta velocidade con Portugal.

Información xeral Consellería de Educación, Ciencia, Universidades e Formación Profesional

Summary: 

Os estudantes de novo acceso deberá realizar unha preinscrición nesas datas e, de obter praza, formalizará a matrícula entre o 9 e o 19 de xullo

Para os alumnos que continúan estudos o prazo de matrícula vai do 18 ao 28 de xuño

Idioma Gallego

A Xunta de Galicia abrirá o 24 de xuño o prazo para solicitar praza nas escolas oficiais de idiomas para o vindeiro curso 2024-25. Así o publica hoxe o Diario Oficial de Galicia, onde se regula a preinscrición, admisión, matrícula e organización académica desta ensinanza de réxime especial.

Actualmente, a Consellería de Educación, Ciencia, Universidades e FP conta con 11 escolas oficiais de idiomas con un total de 28.500 alumnos matriculados. Todos eles teñen acceso a 11 idiomas diferentes: alemán, árabe, chinés, francés, inglés, italiano, portugués, ruso, xaponés, español para estranxeiros e galego.

Para acceder a súa formación é necesario ter 16 anos cumpridos no ano natural en que se comecen os estudos, aínda que aquelas persoas que teñan cumpridos os 14 anos poderán seguir as ensinanzas dun idioma distinto do cursado na Educación Secundaria Obrigatoria como primeira lingua estranxeira.

Novo ingreso

No caso dos alumnos de novo ingreso para o nivel básico A1 de calquera dos idiomas impartidos nas EOI, deberán realizar unha preinscrición en liña entre o 24 de xuño e o 5 de xullo.

Cada persoa poderá presentar unha única solicitude con tres preferencias priorizadas de grupos nun máximo de dous idiomas. A adxudicación de prazas realizarase nun acto público o día 8 de xullo ás 9,00 horas na Escola Oficial de Idiomas de Vilagarcía de Arousa.

O alumnado de nova incorporación que obteña praza no dito sorteo de preinscrición deberá matricularse entre o 9 e o 19 de xullo.

Continuidade de estudos

No caso do alumnado matriculado no actual curso 2023-24, e que desexe continuar estudos no curso 2024-25 no mesmo idioma e escola, deberá formalizar a matrícula entre o 18 e o 28 de xuño en convocatoria ordinaria. A convocatoria extraordinaria de matrícula (para os que non resultaron aptos ou non se presentaron na ordinaria) irá do  28 de xuño ao 5 de xullo.

Tanto para alumnos de novo ingreso como de continuidade, a matrícula tense que formalizar obrigatoriamente en liña.

Non obstante, unha vez que remate o proceso de matrícula e ata o día 20 de setembro, no caso de quedaren prazas vacantes, cada escola poderá cubrilas coas listaxes de espera, en caso de habelas, ou atendendo as peticións que alumnado de novo acceso que non realice o proceso de preinscrición. As escolas non poderán facer pública ningunha oferta de prazas vacantes mentres existan listas de agarda.

Información xeral Consellería de Educación, Ciencia, Universidades e Formación Profesional

Summary: 

Deste xeito superarase, por primeira vez, a vintena de investigadores contratados polo Goberno galego ao abeiro deste programa

O prazo de presentación de solicitudes está aberto ata o 14 de xuño e a convocatoria céntrase nas áreas de Ciencias Sociais e Humanidades e Ciencias Físicas e Enxeñaría

Idioma Gallego

A Xunta de Galicia vén de publicar a convocatoria de tres novas prazas de investigador distinguido para persoas beneficiarias dunha bolsa do Consello Europeo de Investigación (ERC) no programa Oportunius de xeración, retención, retorno e atracción de talento. Deste xeito, superarase, por primeira vez, a vintena de investigadores contratados polo Goberno galego ao abeiro deste programa, integrado neste momento por 18 persoas vencelladas ás tres universidades públicas de Galicia.

As persoas que obteñan estas prazas poderán desenvolver a súa actividade investigadora en Galicia, baixo a modalidade de persoal investigador distinguido. Farano nun organismo público de Investigación radicado en Galicia, a determinar pola persoa que ocupe o posto. O prazo de presentación de solicitudes, que deberán facerse por medios electrónicos a través do formulario normalizado dispoñible na sede electrónica da Xunta de Galicia, está aberto ata o 14 de xuño.

Ciencias Sociais, Humanidade, Físicas e Enxeñaría

En concreto, unha das prazas vai dirixida a investigadores cunha bolsa Synergy Grant que desenvolvan a súa actividade na área das Ciencias Sociais e Humanidades. As outras dúas van destinadas a beneficiarios de bolsas Consolidator Grant, ambas na área das Ciencias Físicas e Enxeñaría.

As funcións do persoal investigador distinguido que acade as tres prazas da convocatoria consistirá na realización de actividades de investigación ou na dirección de equipos humanos, centros de investigación, instalacións e programas científicos e tecnolóxicos singulares de gran relevancia no ámbito do coñecemento de que se trate, no marco das funcións e obxectivos da Axencia Galega de Innovación.

Para acceder a estes contratos, os aspirantes deberán ser beneficiarios das devanditas bolsas ERC e ter a titulación de doutor ou equivalente, entre outros requisitos. Unha vez comprobado o cumprimento de todos os esixidos, a selección efectuarase en dúas fases. A primeira delas consistirá na valoración dos méritos alegados e acreditados polos aspirantes, como as publicacións de carácter científico, as comunicacións ou relatorios en congresos ou reunións científicas ou a participación en proxectos ou contratos de I+D+i.

A segunda fase consistirá na exposición oral e pública pola persoa aspirante, durante un tempo máximo de 60 minutos, sobre as características do proxecto que pretende realizar. Valorarase o seu coñecemento da especialidade e das innovacións e avances científicos, así como a súa visión da evolución da área no futuro e das liñas de investigación posibles.

A duración dos contratos está vinculada ao resultado da avaliación cada cinco anos da actividade investigadora.

Case 14 M€ investidos

O programa Oportunius, que xestiona a Consellería de Educación, Ciencia, Universidades e FP, brinda o impulso necesario de formación e asesoramento para acceder ás axudas do Consello Europeo de Investigación. Así mesmo, ofrece incentivos económicos para as persoas investigadoras que xa dispoñan dunha axuda ERC e elixan Galicia para desenvolver o seu proxecto científico.

A día de hoxe máis da metade dos 31 investigadores que obtiveron en Galicia axudas ERC están contratadas pola Xunta de Galicia como investigadores distinguidos ao abeiro deste programa. A iniciativa apoia todos os proxectos beneficiarios destas axudas europeas, que son marcador internacional de excelencia e liderado científico, o que supuxo un investimento total de máis de 13,8 M€ a 2023, desde a posta en marcha en 2014 do Oportunius.

Información xeral Consellería de Educación, Ciencia, Universidades e Formación Profesional

Summary: 

O secretario xeral de Universidades da Xunta participa na Comisión Delegada de Política Universitaria, onde se presentou o novo acordo, que non foi negociado

Increméntase a porcentaxe que deben asumir as comunidades autónomas durante seis anos e diminúe a que lle corresponde ao Ministerio

Ademais, o Goberno central só se compromete a aboar as prazas que lle corresponden durante catro meses, deixando no aire como se sufragarán ata 2030

Imponse que as convocatorias deberán estar resoltas no primeiro trimestre do ano que vén, cando ata o momento podían distribuírse en catro anos

Idioma Gallego

O secretario xeral de Universidades, José Alberto Díez, participou esta mañá na Comisión Delegada de Política Universitaria, na que o Ministerio de Ciencia, Innovación e Universidades anunciou un novo cambio das regras de xogo no seu plan de contratación de profesorado.

En concreto, o Goberno central volveu modificar as porcentaxes que debe asumir cada parte á hora de financiar a contratación destes profesores, incrementando a correspondente ás comunidades autónomas, que deberán asumila durante seis anos, e diminuíndo a que vai asumir o Ministerio que, ademais, só se compromete formalmente á financiación das prazas que lle corresponden durante catro meses. Do mesmo xeito, imponse que as convocatorias deberán estar resoltas no primeiro trimestre do ano que vén, cando ata o momento podían distribuírse en catro anos.

O representante da Xunta de Galicia lamentou este novo xiro do Goberno central “cando as administracións autonómicas nos adheríramos xa ao acordo anterior, tamén imposto, e o abordáramos coas nosas universidades”. “O Goberno central volve incrementar tanto a porcentaxe do que teñen que pagar as autonomías como o número de prazas, máis de 500 máis en toda España, e volve facelo sen negocialo ca parte prexudicada”, explicou.

“A Xunta tiña acordado previamente coas universidades galegas que vai asumir a parte que lle corresponda para facer posible a contratación deste profesorado, pero o trato do Ministerio é unha falta de respecto institucional”, dixo o secretario xeral. “Ademais, a forma en que o fan parece querer contaxiar ás universidades e ás administracións autonómicas do caos normativo que caracteriza ao Goberno central”, explicou.

166 prazas en Galicia

No mes de abril impúxose ás comunidades autónomas un acordo no que o Ministerio financiaba o 66% das prazas durante seis anos e as administracións autonómicas o restante 33%. Porén, agora o Ministerio comprométese só á financiación do 60% das prazas que haberá que convocar e só durante catro meses, deixando no aire como se vai proceder ao pagamento desa porcentaxe ata 2030. Porén obriga ás comunidades a asinar un acordo no que as compromete a asumir o 40% das prazas ata 2030.

En termos prácticos, co acordo anterior a Galicia correspondíalle financiar a contratación de 50 profesores universitarios ata 2030. Co actual, esta cifra ascende a 66 docentes. Pola súa banda, o Ministerio comprométese a asumir a contratación de 101 profesores durante catro meses, só unha máis da que financiaba antes. A partir do 2025 non concreta en que porcentaxe asumirá ese gasto, se o fará, nin con cargo a que fondos.

A maiores, antes dábase a opción de que as universidades convocaran as prazas en diferentes convocatorias ao longo de catro anos, para o que incluso se chegou a modificar un artigo da nova Lei Orgánica do Sistema Universitario.  Sen embargo, o novo acordo impón que todas se publiquen antes de fin de 2024 e estean resoltas no primeiro trimestre de 2025. Isto supón un aceleramento nos prazos e unha presión engadida para as universidades.

Cómpre lembrar que este plan é xa un agravio ás universidades galegas, cuxos cadros de persoal están entre os máis estabilizados do Estado e que se vén menos beneficiadas por este acordo ca outras que non foron quen de manter unha boa política laboral interna.

Información xeral Consellería de Educación, Ciencia, Universidades e Formación Profesional

Summary: 

A directora da Axencia Galega de Innovación, Carmen Cotelo, recibiu esta mañá a representantes da Axencia Galega de Coñecemento en Saúde (ACIS) dependente da consellería de Sanidade e do Clúster TIC

Idioma Gallego

A nova directora da Axencia Galega de Innovación, Carmen Cotelo, continúa a rolda de contactos con distintos representantes do ecosistema galego de I+D+i para coñecer as súas necesidades e establecer posibles canles de colaboración futuras.

En concreto, esta mañá recibiu ao xerente da Axencia Galega de Coñecemento en Saúde, Antonio Fernández-Campa, para establecer un primeiro contacto co ente encargado da formación, investigación e innovación do sistema sanitario galego. O encontro serviu para identificar sinerxias e establecer posibles liñas de colaboración futuras. Ademais, o xerente de ACIS convidou á directora de Gain a coñecer os institutos de investigación sanitaria galegos.

Así mesmo, Cotelo reuniuse con representantes do Clúster TIC de Galicia: o seu presidente, Antonio Rodríguez del Corral; o vicepresidente para pemes, Santiago Paz, e Josefina Fernández, en representación da vicepresidencia para grandes empresas. No transcurso da xuntanza, os representantes do sector TIC expuxeron a súa actividade e   plans futuros e avaliáronse posibles accións conxuntas.

O venres tocaralle o turno á Real Academia Galega de Ciencias, unha institución que está baixo o protectorado da Consellería de Educación, Ciencia, Universidades e FP.

Información xeral Consellería de Educación, Ciencia, Universidades e Formación Profesional

Idioma Gallego

O director xeral de Centros e Recursos Humanos, Jesús Álvarez, e a directora xeral de Formación Profesional, Eugenia Pérez, participaron hoxe na inauguración da XIV Xornada Retos de futuro: Xestión Directiva dos Centros Educativos organizada pola Asociación de Directores e Directivos de Institutos de Galicia (Addiga) e coa que colabora a Xunta de Galicia.

Dirixida aos equipos directivos dos centros educativos, este encontro busca afondar nas ensinanzas de formación, na xestión económica e contratación, así como nos servizos de apoio e inspección para poder avanzar, entre todos os participantes, cara a mellora do funcionamento do sistema e os seus retos do futuro.

Información xeral Consellería de Educación, Ciencia, Universidades e Formación Profesional

Summary: 

Román Rodríguez participa na presentación desta nova iniciativa para impulsar o ensino híbrido con materiais adaptados aos currículos galegos, flexibles e inclusivos

Agradece a implicación dos máis de 100 docentes que desenvolveron os primeiros contidos, que se irán incrementando ata cubrir 5º e 6º de Primaria e toda a ESO

Galicia é a única comunidade na que estes recursos en aberto cobren integramente os currículos das materias impartidas e facilitan, ademais, a atención á diversidade

Os materiais poranse a disposición dos centros educativos para o seu uso voluntario e responden á mellora dos contidos dixitais solicitada pola comunidade escolar

Idioma Gallego

O conselleiro de Educación, Ciencia, Universidades e FP, Román Rodríguez, participou hoxe na presentación do proxecto cREAgal, a nova iniciativa da Xunta para impulsar o ensino híbrido nas aulas a través de materiais dixitais adaptados aos currículos galegos, flexibles e inclusivos, que poderá a empregarse voluntariamente nas aulas dixitais de todos os centros galegos de Primaria e ESO a partir do vindeiro curso 2024/25.

O acto de presentación contou cunha breve contextualización do proxecto por parte da directora xeral de Ordenación e Innovación Educativa, Judith Fernández, e incluíu a presentación técnica de cREAgal a cargo dos asesores encargados da mesma. Así mesmo, os docentes coordinadores do grupo de traballo que elaborou os contidos relativos á materia de Tecnoloxía e Dixitalización de 1º de ESO amosaron como exemplo varios dos recursos que van estar dispoñibles ao abeiro desta iniciativa.

O titular do departamento educativo da Xunta fixo fincapé en que unha educación de calidade “non pode permanecer allea aos avances tecnolóxicos propios da nosa sociedade”. Neste sentido, explicou que o labor do ensino “é educar no uso das ferramentas tecnolóxicas para que se convertan en recursos ao servizo dunha educación de calidade, que facilite o desenvolvemento das competencias dixitais”, tal e como establecen a Unión Europea e as leis estatais.

“A Xunta leva anos traballando, no marco da Estratexia de Educación Dixital 2030, para que a dixitalización do ensino vaia moito máis aló da dotación tecnolóxica e supoña unha mellora da formación de alumnos e docentes, a través de iniciativas como os Polos Creativos, o E-Dixgal ou o Bacharelato de excelencia en Ciencias e Tecnoloxía, STEMbach”, dixo. “O proxecto cREAgal é unha nova oportunidade para empregar material dixital de alta calidade como valor engadido no entorno educativo”, destacou.  

Formación do profesorado

O conselleiro quixo agradecer o esforzo e o compromiso dos máis de 100 docentes participantes que deseñaron o proxecto e que axudarán na súa implementación. Lembrou, ademais, que o proxecto sumarase ao novo Plan de Formación en Ensino Dixital para o profesorado, parello ao procedemento que se está a desenvolver para certificar as competencias dixitais de docentes e alumnos, tarefa na que Galicia é a comunidade que máis está avanzando.

cREAgal é o proxecto a través do que a Xunta vai poñer a disposición de todas as aulas virtuais dos centros galegos recursos educativos gratuítos en aberto deseñados, baixo unha coordinación común, por máis dun centenar de docentes. Deste xeito, a iniciativa galega é a única na que estes recursos están directamente vencellados aos currículos e cobren todas as áreas e materias.

Todas as áreas e materias

Os materiais, que se poderán empregar a partir do vindeiro curso 2024/25, proporciónanse cunha licenza aberta, que permite a súa reutilización, modificación e adaptación ao contexto de cada aula, alumno e centro, o que os fai completamente universais e personalizables. Ademais, o proxecto incide na inclusión, de modo que todos os recursos son accesibles e pensados para adaptalos á atención á diversidade.

Os recursos que forman cREAgal non compoñen en si un temario, senón que se trata de situacións de aprendizaxe nas que se propón un reto que o alumno debe alcanzar a través do desenvolvemento dunhas actividades concretas. Cada un dos recursos vai acompañado dunha guía didáctica na que se detallan os elementos do currículo que se abordan, así como os criterios de avaliación das competencias que se traballan.

O proxecto supón un chanzo máis na calidade e a equidade do sistema, tanto pola súa aposta pola personalización e inclusión como polo impulso á aprendizaxe colaborativa do alumnado, con actividades grupais. Así mesmo, promove a autonomía persoal do alumnado e reforza a competencia de aprender a aprender, cun diario no que o alumno reflexiona acerca das dificultades atopadas, desenvolve a súa autonomía e saca conclusións útiles para seguir.

A Xunta comezou a traballar neste proxecto no curso 2022-23 co deseño das bases piloto dos recursos educativos en aberto. Ao longo do vindeiro curso 2024/25 estarán dispoñibles materiais para 5º e 6ª de Primaria, de 1º de ESO e de parte das materias de 2º curso desta mesma etapa. Os contidos iranse implementando paulatinamente ata 4º curso de ESO (xa que os dous últimos cursos de Primaria e a etapa de Secundaria é cando o alumnado galego comeza a empregar recursos didácticos dixitais con carácter xeral). Os materiais poranse a disposición dos centros educativos para o seu uso voluntario e responden á mellora dos contidos dixitais solicitada pola comunidade escolar.

Información xeral Consellería de Educación, Ciencia, Universidades e Formación Profesional

Idioma Gallego

A directora da Axencia Galega de Innovación (Gain), Carmen Cotelo reuniuse esta mañá coa delegada en Galicia do Consejo Superior de Investigaciones Científicas (CSIC), Carmen González. Nesta primeira toma de contacto entre a nova directora da Axencia e a delegada institucional da axencia estatal en Galicia, reafirmaron a súa vontade de continuar colaborando no impulso á ciencia excelente feita en Galicia e na promoción do talento no ámbito do ecosistema galego de I+D+i.

Información xeral Consellería de Educación, Ciencia, Universidades e Formación Profesional

Summary: 

O director xeral de Centros e Recursos Humanos, Jesús Álvarez, comproba o avance dos traballos da súa instalación

Idioma Gallego

O Colexio CEIP Noalla-Telleiro de Sanxenxo estreará unha aula destinada aos Polos Creativos no curso 2024/25. Así o confirmou hoxe o director xeral de Centros e Recursos Humanos, Jesús Álvarez, nunha visita ao centro para coñecer os avances desta actuación.

Tras o acondicionamento deste espazo, nos próximos días instalarase o equipamento dos Polos Creativos, co obxectivo de que ao longo do mes de xuño se poñan en funcionamento e, deste xeito, se poidan empregar a pleno rendemento o vindeiro curso. “Con esta nova instalación seguimos traballando en avanzar cara un modelo de infraestruturas educativas máis innovadoras para, así, consolidar Galicia como referente a nivel estatal na incorporación de tecnoloxías no noso sistema educativo público”, sinalou o representante da Consellería de Educación.

A obra consistiu no acondicionamento do espazo, coa instalación de estantes, cambio de xanelas, renovación do piso e a eliminación de tabiques, entre outras accións. Esta actuación adáptase ás características do Plan de Nova Arquitectura Pedagóxica, a folla de ruta da Xunta para modernizar os centros dando resposta ás necesidades do século XXI.

Información xeral Consellería de Educación, Ciencia, Universidades e Formación Profesional

Summary: 

Esta ferramenta foi deseñada por máis dun centenar de docentes e contribuirá a reforzar a atención á diversidade e o seguimento individualizado do alumno

A través dela, ofrécense recursos educativos innovadores gratuítos e en aberto, materiais que o profesorado poderá deseñar e adaptar ao seu uso na aula

Con este proxecto, enmarcado na Estratexia Educación Dixital 2030, a Consellería de Educación atende a unha demanda da comunidade educativa

Idioma Gallego

A Xunta de Galicia vai reforzar o modelo galego de ensino híbrido coa posta en marcha, a partir do vindeiro curso escolar 24-25, da plataforma cREAgal, unha ferramenta innovadora de acceso gratuíto e aberta ao conxunto dos centros escolares que incorpora propostas metodolóxicas e contidos curriculares que abranguen todas as áreas de coñecemento e dá resposta a unha demanda da comunidade educativa, pois se melloran deste xeito os contidos dos que dispoñen a diario para traballar en distintos niveis.

A Consellería de Educación, Ciencia, Universidades e Formación Profesional elevou ao Consello da Xunta un informe sobre a entrada en funcionamento deste novo recurso que permitirá o desenvolvemento de contidos interactivos e personalizados para mellorar a atención á diversidade de necesidades na aula, o seguimento individualizado do alumnado e a orientación en base ás súas preferencias. Trátase, por tanto, de facilitar que o profesorado, a través desta nova ferramenta, poida desenvolver recursos de calidade que dean resposta ás necesidades específicas da súa aula e dos seus estudantes.

Deste xeito, a partir do vindeiro curso 2024-25, cREAgal ofrecerá recursos educativos en aberto, uns materiais que o profesorado poderá libremente adaptar á súa aula de acordo coas estratexias pedagóxicas e metodoloxías innovadoras que desenvolven. Os materiais que nutren a plataforma foron deseñados, baixo unha coordinación común, por máis dun centenar de docentes, que traballaron no último ano na preparación da plataforma.

Materiais vencellados aos currículos

Todos os recursos son gratuítos a través das aulas virtuais de cada centro; teñen un alcance global, xa que cobren integramente todos os currículos das áreas e materias desde 5º de Primaria ata 4º curso de ESO, e un enfoque universal, xa que poden utilizalo todos os centros. Ademais, cada recurso acompañarase dunha guía didáctica na que se se expón unha situación de aprendizaxe, o reto que o alumno debe alcanzar, o produto final que ten que desenvolver, así como os criterios de avaliación de competencias.

A Consellería comezou a traballar neste proxecto no curso 2022-23 co deseño das bases piloto dos recursos educativos en aberto, que xa este curso se foron perfilando para 5º de Primaria e que se irán implementando paulatinamente ata 4º curso de ESO (xa que os dous últimos cursos de Primaria e a etapa de Secundaria é cando o alumnado galego comeza a empregar recursos didácticos dixitais con carácter xeral).

Avanzar na calidade e equidade do ensino

Na súa utilización práctica, cREAgal vai favorecer avanzar un chanzo máis na calidade e a equidade do sistema, xa que a flexibilidade e adaptabilidade dos recursos didácticos que aporta fan que o proceso de ensino-aprendizaxe sexa máis efectivo e inclusivo. Ademais, promove a aprendizaxe colaborativa do alumnado, con actividades grupais, e reforza a competencia de aprender a aprender, cun diario no que o alumno reflexiona acerca das dificultades atopadas, desenvolve a súa autonomía e saca conclusións útiles para seguir.

O proxecto cREAgal enmárcase na Estratexia de Educación Dixital 2030, que ten entre as súas accións de impacto xerar un ecosistema dixital adecuado nos centros educativos e formar tanto a profesorado como a alumnado nestas novas competencias e tecnoloxías, para o cal é prioritario abordar a constante mellora dos contidos dixitais.

Así mesmo, con este novo recurso, Galicia avanza no cumprimento das normativas europeas e estatais de asegurar as competencias dixitais do alumnado e blindar a igualdade de oportunidades, facilitando igualmente o traballo dos seus docentes.

 

Información xeral Consellería de Educación, Ciencia, Universidades e Formación Profesional

Summary: 

O Consello da Xunta dá luz verde ao convenio co Estado para a dotación de parte deste recurso, que se completa con acordos coa Comisión Fulbright, entre outros

O Goberno galego destina máis de 4,7M€ a esta liña de actuación no marco da Estratexia Galega de Linguas Estranxeiras, Edulingüe 2030

Idioma Gallego

Un total de 665 auxiliares de conversa nativos de países estranxeiros apoiarán a aprendizaxe de idiomas nos centros educativos galegos o vindeiro curso 2024/25. Así se desprende do informe analizado hoxe polo Consello da Xunta, coincidindo coa aprobación do acordo entre o Ministerio e a Consellería de Educación, Ciencia, Universidades e FP para a dotación de parte deste recurso humano, que se completará con acordos coa Comisión Fulbright, Hanban (entidade académica chinesa) e o Instituto Camões de Portugal, ademais da liña de axudas aos centros concertados.

Trátase dun récord histórico no número de persoas que colaboran no apoio á aprendizaxe do inglés, francés, portugués, alemán e chinés. Supón, en concreto, un incremento en 10 auxiliares respecto do actual curso. Desde o ano 2009, cando houbo 67 auxiliares, o número deste apoio tense multiplicado por 100.

O Goberno galego destina máis de 4,7M€ a esta liña de actuación, cun incremento de case 75.000€ respecto do ano académico 2023/24, no marco da Estratexia Galega de Linguas Estranxeiras, Edulingüe 2030.

Líderes en auxiliares de alto perfil académico

No caso da colaboración co Ministerio aprobada hoxe, serán en total 495 auxiliares (463 de lingua inglesa, 15 de lingua francesa, oito de lingua portuguesa, sete de lingua alemá e dous de chinés). O Goberno galego financia de xeito íntegro a estadía destas persoas en Galicia, ademais de asignalas aos diferentes centros plurilingües, con seccións bilingües ou escolas oficiais de idiomas. A maiores, Galicia contará con outros 39 auxiliares dos que lle corresponden do reparto que realiza anualmente o Ministerio.

A estes 534 auxiliares destes acordos engadiranse proximamente o resto dos auxiliares que se incorporarán ao sistema educativo galego a través das devanditas vías de colaboración con outras institucións, sumando un total de 665 auxiliares de conversa para o vindeiro curso.

Entre eles cómpre salientar os 40 auxiliares de conversa estadounidenses de alto perfil académico en inglés que chegan cada curso ao ensino galego a través da colaboración coa Comisión Fulbright. Neste caso a Consellería de Educación, Ciencia, Universidades e FP financia o 87% do convenio de colaboración.

De feito, Galicia é a comunidade autónoma que máis auxiliares de alto perfil académico recibe a través desta colaboración coa Comision Binacional España-Estados Unidos de América para o intercambio cultural, educativo e científico.

Aposta polas linguas estranxeiras

Esta liña de actuación está enmarcada na Estratexia Galega de Linguas Estranxeiras, Edulingüe 2030, que ten como obxectivo para os próximos anos consolidar os programas de éxito desenvolvidos na última década no impulso do plurilingüismo, en concreto na liña de impacto 5, centrada nas dinámicas de alta especialización de apoio lingüístico.

O modelo plurilingüe da Xunta, que implica a impartición de ata un terzo do horario lectivo en lingua estranxeira, comezouse a aplicar no curso 2010/11 para as etapas de educación obrigatoria, isto é, de Primaria e ESO. Xa a partir do curso 17/18, a Consellería de Educación ampliouno ás etapas de Infantil, Bacharelato e Formación Profesional. No actual curso 2023/24 hai un total de 500 centros plurilingües.

Ao abeiro destas políticas o alumnado galego está á cabeza entre os de mellor nivel de inglés de España segundo o ranking internacional EF EPI, o único baseado en avaliacións do idioma realizadas por 2,1 millóns de persoas de 111 países.

Amplo grao de satisfacción

Os auxiliares de conversa son un elemento clave para acercar a realidade cultural e lingüística do seu país de orixe ao alumnado galego, ademais dunha figura cun éxito consolidado na nosa comunidade. Non en balde, o 99% das persoas coordinadoras dos centros participantes consideran moi positivo este apoio e o 50% das persoas auxiliares de conversa solicitan renovar un curso máis en Galicia.

As persoas auxiliares de conversa desenvolven a súa actividade maioritariamente en centros plurilingües, escolas oficiais de idiomas e centros educativos con seccións bilingües. Reciben unha axuda económica e realizarán actividades de apoio á docencia da lingua estranxeira no centro de destino, sempre supervisados por unha persoa profesora titora-coordinadora.

Información xeral Consellería de Educación, Ciencia, Universidades e Formación Profesional

Summary: 

O secretario xeral de Universidades, José Alberto Díez, visita este centro da Universidade de Santiago de Compostela centrado na concepción, desenvolvemento e avaliación de tecnoloxías ambientais sustentables

Idioma Gallego

A Xunta de Galicia vai inxectar preto de 1,6M€ no Centro de Investigación Interdisciplinar en Tecnoloxías Ambientais, CRETUS, da Universidade de Santiago de Compostela (USC), tras a súa incorporación á Rede de Investigación de Excelencia de Galicia, que aglutina os axentes investigadores máis punteiros que operan nas universidades galegas.

O secretario xeral de Universidades, José Alberto Díez de Castro, visitou esta mañá o centro para coñecer de primeira man as principais liñas de investigación que está liderando así como para dar a coñecer o apoio da Consellería de Educación, Ciencia, Universidades e Formación Profesional a estes espazos co obxectivo de asegurar un financiamento estable da súa actividade científica ata o ano 2027.

Neste compromiso estratéxico para seguir promovendo a investigación científica de calidade como axente de desenvolvemento socioeconómico, a Xunta de Galicia vén de incrementar un 31%, ata acadar os 23,6M€, o orzamento destinado á Rede de Centros de Investigación Universitaria de Galicia, a que incorpora cinco novos centros. Deles, dous son de máxima categoría, como é o caso do CRETUS, mentres que tres son da nova categoría de colaborativos, os que aspiran a entrar nos vindeiros anos e que tamén recibirán financiamento autonómico.

Este apoio consolida o modelo galego de investigación universitaria, que sitúa a Galicia entre as cinco mellores comunidades autónomas do Estado en apoio á actividade investigadora. Ademais, Galicia é a única Comunidade cun programa completo de formación investigadora, cubrindo as etapas predoutoral e posdoutoral, así como cun programa de retención de talento.

Combinación das diferentes áreas de ciencias

O Centro Interdisciplinar en Tecnoloxías Ambientais, CRETUS, iniciou o seu funcionamento en 2015 como agrupación estratéxica coa ambición de promover un centro de investigación referente na concepción, desenvolvemento e avaliación de tecnoloxías ambientais sustentables.

Desde a súa orixe, o propósito de CRETUS foi combinar as capacidades de diferentes áreas de ciencias experimentais (ecoloxía, ecotoxicología, modelización, química analítica e química ambiental), ciencias sociais (dereito ambiental, psicoloxía social) e de enxeñería (biotecnoloxía ambiental, enxeñería ambiental, enxeñería de procesos) cunha visión holística, para abordar retos máis ambiciosos atendendo a un triplo enfoque: diagnóstico + tecnoloxía + impacto.

Actualmente conta con 99 investigadores que centran a súa actividade en oito áreas de desenvolvemento en I+D: remediación e usos sustentables do chan, tratamento e recuperación de augas, valorización de residuos, bioindicadores, integración de datos e modelado, monitorización fisicoquímica, procesos sustentables e impacto socioeconómico e ambiental.

A Universidade de Santiago, a que pertence o CRETUS, recibirá un financiamento total de máis de 12,7M€ para os cinco centros de investigación da Rede de Centros de Investigación Universitaria de Galicia que acadaron a acreditación en excelencia nesta última convocatoria, o que supón un aumento do financiamento para a USC dun 17%.

Os centros da Universidade de Santiago pertencentes á Rede, ademais do CRETUS, son o Centro Singular de Investigación en Medicina Molecular e Enfermidades Crónicas, CIMUS, que disporá dunha axuda de máis de 2,7M€; o Centro Singular de Investigación en Química Biolóxica e Materiais Moleculares, CIQUS, cunha achega de 3M€; o Centro Singular de Investigación en Tecnoloxías Intelixentes, CITIUS, cunha axuda de máis de 2,4M€, e o Instituto Galego de Física de Altas Enerxías, IFGAE, que recibirá case 3M€ por parte da Xunta.

Información xeral Consellería de Educación, Ciencia, Universidades e Formación Profesional

Summary: 

Os galardóns diríxense aos rapaces que rematan esta etapa neste curso 2023/24

A proba presencial realizarase o 19 de xuño

Idioma Gallego

A Xunta ten aberto ata este martes, 28 de maio, a convocatoria dos premios extraordinarios de Bacharelato para recoñecer o desempeño académico sobresaínte do alumnado que rematou esta etapa no curso 2023/24. Serán un total de 20 rapaces os que poderán obter estes galardóns, dotados con 1.000€ cada un e un diploma acreditativo.

Ademais de ter rematado o Bacharelato en Galicia neste curso e ser propostos para título na convocatoria ordinaria do mesmo, os aspirantes deben acreditar unha nota media igual ou superior a 8,75 puntos.

Para acadar o galardón deberan realizar, a maiores, unha proba presencial o vindeiro 19 de xuño, que está estruturada en dúas partes. A primeira delas consistirá nunha análise e comentario crítico dun texto sobre un tema de carácter xeral, histórico, filosófico, científico ou literario, e en responder cuestións de carácter cultural ou lingüístico sobre un texto na primeira Lingua Estranxeira II cursada polo alumnado como materia común do Bacharelato.

A segunda parte consistirá no desenvolvemento de temas, respostas a cuestións ou exercicios prácticos dunha materia de modalidade cursada polo alumnado a elixir entre Ciencias Xerais, Matemáticas II, Matemáticas Aplicadas ás Ciencias Sociais II, Latín II, Debuxo Artístico II, Análise Musical II e Artes Escénicas II.

O prazo de presentación de solicitudes estará aberto ata o 28 de maio. A presentación será, preferiblemente, por vía electrónica a través do formulario normalizado dispoñible  no Portal Educativo e na sede electrónica da Xunta de Galicia. Opcionalmente, poderanse presentar presencialmente en calquera dos lugares e rexistros establecidos na normativa reguladora do procedemento administrativo común.

Información xeral Consellería de Educación, Ciencia, Universidades e Formación Profesional

Summary: 

Javier Sainz de los Terreros é o responsable da quinta conferencia do Ciclo de Cultura Científica, que se desenvolve na Cidade da Cultura

Idioma Gallego

O responsable de comunicación dixital do Museo del Prado, Javier Sainz de los Terreros, exporá este martes 28 de maio o modelo de éxito das redes sociais deste centro museístico no Ciclo de Cultura Científica da Xunta.

Baixo o título Estratexias de comunicación dixital. As redes sociais do Museo do Prado, a conferencia de Sainz de los Terreros afonda na revolución que supuxeron dos medios sociais e dixitais na forma na que nos comunicamos e na fórmula aplicada na estratexia dixital do centro museístico: humanizar, honestidade e transparencia. Así mesmo, abordará a influencia na nosa vida diaria da tecnoloxía asociada, como os algoritmos, o uso dos datos e a intelixencia artificial.

Javier Sainz de los Terreros é licenciado en Humanidades e en Publicidade e Relacións Públicas pola Universidade de Navarra, e máster en Xestión e Políticas Culturais na City University de Londres. Leva máis de dez anos como responsable de comunicación dixital do Museo do Prado, responsabilidade na que desenvolve unha estratexia de vídeos en directo diarios a través de Instagram, para mostrar aspectos menos coñecidos da colección do centro, cun gran éxito de audiencia, que posteriormente estendeu a TikTok.

Recoñecementos a nivel mundial

Entre outros recoñecementos, conseguiu para a institución dous Webby Awards da International Academy of Dixital Arts & Sciences, galardón que celebra a excelencia na internet e en 2022 foi seleccionado na lista de top 50 Museum Influencers da revista internacional Blooloop. No mesmo ano, o museo recibiu o premio ForYouFest 2022 de TikTok na categoría contido educativo. Ademais, The New York Times recomenda a do Prado como unha das cinco contas de arte a seguir.

O relatorio poderá seguirse de forma presencia no auditorio Neira Vilas da Biblioteca de Galicia, de 18,00 a 19,30 h., e tamén será retransmitida en streaming na canle de YouTube da Consellería de Educación, Ciencia, Universidades e Formación Profesional.

Calendario do ciclo

A segunda edición do Ciclo de Cultura Científica da Xunta, baixo o lema Tecnoloxía con sentidiño, vai chegando ao seu final, tras as conferencias de Héctor Ruíz Martin, Espido Freire, José César Perales e Juanjo Montiel. 

O 4 de xuño será a quenda de Francisco Bellas Bouza, investigador e especialista en intelixencia artificial do Centro de Investigación en TIC da Universidade da Coruña, quen abordará o impacto das novas tecnoloxías na sociedade con Educación na era da intelixencia artificial: vaiamos a modo.

A última conferencia desenvolverase o 11 de xuño, da man de Luis Sánchez Santos, profesional sanitario do Sergas. Achegará unha visión desde a pediatría e as Ciencias da saúde co relatorio Cruzando saúde infanto-xuvenil e tecnoloxía.

O ciclo está dirixido ao público en xeral, comunidade educativa e aos docentes. O profesorado asistente ao ciclo completo recibirá un certificado de 12 horas de formación do profesorado. Coas charlas configurarase un libro, cun artigo específico para cada unha delas. 

Información xeral Consellería de Educación, Ciencia, Universidades e Formación Profesional

Summary: 

Haberá 195 tribunais que supervisarán o correcto desenvolvemento do proceso, no que 21.230 persoas optan a 1.743 prazas, o 86% delas de novo ingreso

O conselleiro de Educación destaca a aposta da Xunta pola consolidación da estabilidade docente “na que Galicia é desde hai anos referente estatal”

Idioma Gallego

O conselleiro de Educación, Ciencia, Universidades e FP, Román Rodríguez, anunciou hoxe que as oposicións do ensino se desenvolverán en 15 localidades de toda Galicia a partir do vindeiro 22 de xuño. Fíxoo nunha visita ao Centro Autonómico de Innovación e Formación, “o corazón do sistema de mellora e actualización das competencias docentes, a casa de todos os profesores galegos, que o vai ser tamén de todos os que se incorporen o vindeiro curso ao sistema educativo tras superar as oposicións que imos celebrar”, dixo o conselleiro, que estivo acompañado polo director xeral de Centros e Recursos Humanos, Jesús Álvarez.

Román Rodríguez explicou que o seu departamento ten xa case lista toda a intendencia para organizar estas probas, nas que van participar 21.230 persoas, “que se examinarán non só nas capitais de provincia, senón tamén en vilas cabeceira de comarca como Ribeira, Lalín, O Carballiño ou Vilagarcía de Arousa”, puntualizou.

“Estamos a falar dunha enorme loxística que supón mobilizar 975 persoas para formar parte dos 195 tribunais que xulgarán o procedemento selectivo, un total de 2.730 persoas se contamos tamén os tribunais suplentes”, detallou o conselleiro. “En definitiva, un complexo operativo para garantir o óptimo funcionamento dun proceso de oposicións no que os aspirantes optan a 1.743 prazas”, engadiu.

O conselleiro quixo poñer en valor a aposta da Xunta “por consolidar a estabilidade do piar do sistema educativo público, os docentes galegos, na que en Galicia xa somos desde hai anos un referente estatal”. Neste sentido lembrou que o 86% das prazas son de novo ingreso e as restantes permiten ao profesorado avanzar na súa carreira docente.

Reparto por especialidades e zonas

Os exames desenvolveranse en 15 localidades das catro provincias galegas, en concreto na Coruña, Ames, Culleredo, Ferrol, Santiago de Compostela, Ribeira, Lugo, Castro de Rei, Ourense, O Carballiño, Pontevedra, Lalín, Ponteareas, Vigo e Vilagarcía de Arousa.

O maior número de tribunais estará nas probas das especialidades do corpo de profesores de ensino secundario, un total de 102; mentres que para mestres haberá 76 tribunais, para profesores especialistas en sectores singulares da formación profesional haberá sete, para profesores de escolas oficiais de idiomas cinco, para a acreditación do coñecemento de idioma (galego e castelán) catro tribunais e para inspectores de educación un tribunal. 

Por provincias, haberá 84 na da Coruña, 22 na de Lugo, 23 na de Ourense e 66 na de Pontevedra. A provincia con máis opositores é, en consonancia, a da Coruña, con 9.049 opositores, seguida da de Pontevedra, con 7.586. Na de Lugo están inscritos 2.231 opositores e na de Ourense 2.364. 

Máis de 18.500 prazas desde 2009

Unha vez pechados os datos de inscrición, serán un total de 21.230 as persoas que concorran ás oposicións convocadas pola Consellería de Cultura, Educación, FP e Universidades neste 2024. Das 1.743 prazas convocadas, un total de 1.512 son de novo ingreso. Delas, 520 son para o corpo de mestres, 875 para o de profesores de ensino secundario, 84 do novo corpo de profesores especialistas en sectores singulares da FP e 33 de escolas oficiais de idiomas.

As xeito, as 231 prazas restantes son para que funcionarios docentes poidan acceder ao corpo de profesores de ensino secundario (220) ou ao de inspectores de educación (11). Os datos das sedes poden consultarse no dossier que acompaña a esta información.

“O obxectivo deste proceso é consolidar a estabilidade do piar do sistema educativo público, os docentes galegos, na que en Galicia xa somos desde hai anos un referente estatal”, destacou o conselleiro. Neste sentido lembrou que Galicia é desde hai tempo a Comunidade coa interinidade docente máis baixa de España.

Estas oposicións ratifican o apoio do Goberno galego á estabilidade docente. Non en balde, con este novo proceso elévanse a máis de 18.500 as prazas convocadas desde 2009 no ensino público, o que supón unha importante renovación do cadro de persoal docente.

File: 

Dossier Información xeral Consellería de Educación, Ciencia, Universidades e Formación Profesional