Admisión

Unha vez concluído o prazo ordinario de solicitude de admisión, dada a insuficiencia de postos escolares dispoñibles para atender todas as solicitudes presentadas en 1º da ESO para o curso 2024/2025 e de conformidade co disposto no artigo 30.2 da Orde de 21 de outubro de 2022, ábrese un prazo de 10 días hábiles para que, os que aínda non o teñan feito, presenten de forma presencial a documentación xustificativa dos criterios de baremo alegados para realizar a valoración e establecer unha orde de prelación.

Nos cursos onde non hai necesidade de baremar, todas as solicitudes presentadas obteñen praza

Listados:

• Publicación das listaxes provisionais do alumnado admitido e non admitido: antes do 25 de abril.
• Reclamacións contra as listaxes provisionais: no prazo de 5 días hábiles contados desde o seguinte ao da súa publicación.
• Publicación das listaxes definitivas do alumnado admitido e non admitido: antes do 15 de maio.

Rematado o procedemento de reserva de postos escolares para o alumnado procedente dos centros adscritos (CEIP Gonzalo Torrente Ballester e CEIP Emilio González López para 1ºESO e IES de Carral para 1º de Bacharelato), informamos que os postos dispoñibles en 1º ESO e 1º de Bacharelato no IES David Buján para o curso escolar 2024-2025 son suficientes para atender todas as solicitudes presentadas en prazo.