Skip to Content

Filosofía

CURSO 2022-2023: Profesorado e Programacións didácticas (adxuntos)

PROFESORADO:

Xefatura de departamento, Historia da Filosofía de 2º BAC, Psicoloxía de 2ºBAC e Filosofía de 1ºBAC

Sara Domínguez García correo sara.dominguez.garcia@edu.xunta.gal

 Valores éticos de 2º e 4ºESO, Valores cívicos e éticos de 3ºESO

Rocío Moreno Carreira correo rociomorenocarreira@iesdavidbujan.gal

 Valores éticos de 2º e 4ºESO

María José Dios Suárez correomaria.josedios@iesdavidbujan.gal

Visita ó (S8) XIV Mostra Internacional de Cinema Periférico 2023

"A maxia do cine permítenos compartir un soño de maneira colectiva", dicía Ángel Rueda, codirector do (S8) Festival de Cinema Periférico, na conversa que mantivo cos nosos estudantes de primeiro de bacharelato esta mañá do 29 de maio na sala de proxeccións do museo Domus da Coruña.

A visita, organizada polo Departamento de Filosofía, permitiunos asistir ás xornadas de cine para centros públicos que se levan a cabo cada ano no marco do festival. Nela tivemos ocasión de visionar cinco curtametraxes internacionais de temática social, a través das cales nos achegamos á realidade doutros países e contextos, toda vez que coñeciamos novas linguaxes fílmicas. A proxección estivo seguida dun pequeno coloquio en que lles demos continuidade e profundidade ás reflexións sobre o papel e o sentido da arte iniciadas nas nosas clases de estética filosófica.

Visita ó Parlamento de Galicia e percorrido pola historia da USC

O luns 27 de febreiro de 2023 o alumnado de Historia da Filosofía e de Xeografía de segundo de bacharelato foi de excursión á capital galega nunha visita organizada polo Departamento de Filosofía en colaboración co departamento de Xeografía e Historia.

Pola mañá acudiron ó Parlamento de Galicia para desfrutar dunha visita guiada onde aprendemos as funcións propias da institución así como as formas de participación cidadá a través das cales os galegos e galegas poden implicarse na actividade parlamentaria. Os estudantes aproveitaron a ocasión para ocupar o atril facer as súas propostas políticas.

E pola tarde visitamos os edificios históricos da USC poñendo en relación a historia da universidade con contidos propios da etapa como a aparición das universidades europeas, as relacións entre o saber e os poderes políticos e relixiosos, o impacto que tiveron na universidade as ideas propias do Renacemento e da Ilustración, ou a simboloxía que de todo isto atopamos nos edificios e nas obras de arte pictóricas e escultóricas que neles atopamos.

Visita ó Tribunal Superior de Xustiza de Galicia

O pasado martes 17 de xaneiro de 2023 o alumnado de 1º de bacharelato visitou o TSXG, nunha saída organizada polo departamento de Filosofía e encadrada no marco do programa "Educar en xustiza".

Á nosa chegada fixemos unha visita guiada polo Palacio de Xustiza, edificio proxectado polos arquitectos Ricardo Boán y Julio Galán que data do 1929. Os estudantes tiveron ocasión de coñecer os espazos máis emblemáticos do lugar, e algúns mesmo aproveitaron a sala de xuízos para resolver os seus asuntos pendentes.

A continuación asistimos a unha clase maxistral da man do presidente do tribunal José María Gómez y Díaz-Castroverde, quen tras explicarnos algúns aspectos básicos do funcionamento do sistema xudicial español, non escatimou tempo en responder a tódalas dúbidas dos nosos estudantes. Esta oportunidade permitiunos de falar sobre as diferenzas entre o Tribunal Constitucional e o Poder Xudicial, as vantaxes de optar polos estudos de Dereito, e mesmo de aclarar as controversias actuais respecto das leis máis recentes do noso país. 

Distribuir contido


by Dr. Radut