Skip to Content

Tecnoloxía

Curso 2023-2024

 

Profesorado:

· Couceiro Herrero, Luis Adolfo (Xefe de Departamento)

  Dixitalización 4º ESO - Tecnoloxías Intelixentes 1º bac (sección bilingüe) - TIC 2º bac

  luisch@iesdavidbujan.gal - luisch@edu.xunta.gal

· Anta Fernández, M. del Pilar

  Tecnoloxía e Dixitalización 2º ESO - Tecnoloxía 4º ESO - TIC 1º bac - Tecnoloxía e Enxeñería 2º bac

  pilaranta@iesdavidbujan.gal - pilaranta@edu.xunta.gal

· Sierra Figueroa, Raquel

  Tecnoloxía e Dixitalización 1º ESO - Educación Dixital 3º ESO - Tecnoloxía e Enxeñería 1º bac

  rsierra@iesdavidbujan.gal - rsierra@edu.xunta.gal

 

Programacións didácticas

(Proximamente...)

Visita ao CIS Tecnoloxía e Deseño e ao CESENA

O 29 de setembro de 2023, o alumnado de Tecnoloxía e Enxeñaría, TIC e Tecnoloxías Intelixentes de 1º bacharelato realizou unha visita á sede do Centro de Innovación e Servizos Tecnoloxía e Deseño en Narón. Aproitouse o desprazamento para visitar tamén o Centro de Excelencia do Sector Naval, cuxa sede se atopa no mesmo edificio.

Ambas as dúas visitas estiveron centradas na explicación de posibles aplicacións de realidade virtual e realidade aumentada, de xeito que o alumnado tivo ocasión de probar diversos contornos dixitais: deseño, fabricación e mantemento de embarcacións, adestramento de pintura con pistola de presión, sistema solar, RA aplicada a unha biblioteca e moitas máis.

Tanto o alumnado participante na visita coma o profesorado acompañante queren agradecer aos anfitrións o bo trato recibido.

Pódese ver a galería completa de fotos e vídeos.

 

 

Proxectos 2º ESO curso 2022-23

Parabéns ao alumnado polo traballo desenvolvido durante este curso. Traballamos estruturas, mecanismos, electricidade e, en definitiva, todos os contidos da materia e soubemos combinar traballo e diversión.

Visita ao Museo Didáctico das Telecomunicacións

O 17 de abril de 2023, o alumnado de Tecnoloxía e enxeñaría de 1º bacharelato realizou unha visita ao Museo Didáctico das Telecomunicacións da Coruña. O persoal do museo -traballadores xubilados de Telefónica- explicou a evolución das tecnoloxías máis relevantes do ámbito das telecomunicacións (telefonía, telegrafía, radiocomunicación...) dende as súas orixes, hai máis de 150 anos, ata os dispositivos dixitais da actualidade. O máis asombroso deste museo é que moitos dos equipos están plenamente operativos a pesar da súa antigüedade. Tamén é salientable a cantidade de paneis que, mediante o uso de leds, explican os procesos que se levan a cabo nas redes de comunicacións.

Tanto o alumnado participante na visita coma o profesorado acompañante queren agradecer aos anfitrións o excelente trato recibido e animalos para que continúen coa increíble e sacrificada labor de mantemento que veñen realizando no museo.

Presentación de resultados do Proxecto Europeo AI+

O alumnado que participou no proxecto educativo IA +: Developing an Artificial Intelligence Curriculum adapted to European High School asistiu ao acto de presentación de resultados do proxecto, que tivo lugar o mércores 22 de xuño no salón de actos do campus de Esteiro da UDC. Rematan así tres anos de traballo intenso, pero tamén de aprendizaxe, traballo en equipo, enriquecemento cultural e experiencias inolvidables. 

O noso centro participou neste proxecto xunto con outros cinco de Fene, Finlandia, Italia, Eslovenia e Lituania. A estes dous últimos países fixéronse viaxes para participar en actividades que contaron cunha parte curricular e tamén cunha interesantísima parte cultural. As viaxes aos outros destinos tiveron que cancelarse por culpa da pandemia covid-19, que condicionou en gran medida o desenvolvemento do proxecto pero que non conseguiu desanimarnos nin nos impediu acadar finalmente os obxectivos que nos marcamos.

Parabéns a todo o alumnado implicado e a Luis Couceiro –profesor coordinador do proxecto no IES David Buján– polo traballo realizado e polo compromiso amosado durante todo este tempo. E moitas grazas ao equipo de persoas da UDC que fixo posible este proxecto Erasmus+.

 
Distribuir contido


by Dr. Radut