FAMILIAS, ALUMNADO E PROFESORADO DA ESCOLA DE RAÑÓ FIXÉRONNOS CHEGAR O CONVITE PARA O MAGOSTO.

O VENRES 16 GOZAMOS DA MELLOR FESTA DO OUTONO!

(Ilustración de Suso Cubeiro para O Señor Mago e a folla, de Toño Nuñez)

XA ESTAMOS NO TEMPO DAS FOLLAS SECAS E DAS CASTAÑAS!
PERO PARA CELEBRARMONOS O MAGOSTO PRECISAMOS DUNHA MAÑÁ SEN CHUVIA, PARA ENCHER O PATIO DA ESCOLA DE RAÑÓ COS NOSOS XOGOS E CANTOS.
TAN PRONTO SAIBAMOS QUE ESCAMPA POÑEREMOS DATA E HORA A NOSA PRIMEIRA GRANDE FESTA DO CURSO.
ATENTAS E ATENTOS!
 

O pasado mércores 16 de maio celebramos o Día das Letras Galegas no Campo de Maneiro (Taragoña) coa nosa tradicional carreira na que crianzas, familias, profesores e profesoras participaron activamente manifestando o seu apoio na defensa da lingua galega.

Foi unha xornada moi agradable na que tornamos a rivalidade e a competitividade por convivencia e unidade fronte a unha causa que nos preocupa como é a continua perda de galegofalantes. Levamos a cabo distintas actividades co obxectivo de enxalzar o valor do galego como símbolo de identidade propia e da riqueza cultural que posuímos os galegos e as galegas. 

Logo de recibir a tódalas escolas comezamos coas carreiras baixo o lema "movémonos polo deporte e a cultura". Ademáis, este ano quixemos darlle un carácter solidario colaborando coa campaña "Gotas para Níxer" de UNICEF. 

A continuación tivo lugar un acto no que os nenos de Primaria da escola do Pazo renderon unha homenaxe á escritora á que este ano se lle adica o Día das Letras Galegas: María Victoria Moreno.

Continuamos coa entrega de medallas e diplomas para dar paso a unha animada foliada na que bailamos e cantamos cantigas propias de Rianxo, como mostra do patrimonio musical da nosa vila, ó son dos instrumentos tradicionais interpretados por familiares, amigos e mestres do noso CRA.  

Para rematar degustamos unha rica merenda que prepararon as familias.

Aquí tedes un vídeo onde se amosa o ben que o pasamos. Agardamos que vos guste!

O pasado venres 9 de febreiro celebramos na escola de Cruceiro a festa do entroido á que asistiron as alumnas e alumnos de todas as escolas que forman o noso C.R.A. e moitos familiares.

Foi unha xornada moi agradable e divertida na que cantamos cancións de entroido, bailamos, comemos doces típicos desta festa e fixemos un gran desfile pola aldea disfrazados de choqueiros.

CO ÚLTIMO DÍA DE OUTUBRO CHEGOU DE NOVO O TEMPO DOS CABAZOS E DOS DEFUNTOS.
E COMO NON HAI NADA COMO COMPARTIR TRABALLOS, ALEGRÍAS E MEDOS COA XENTE QUE QUEREMOS,  FAMILIA E AMIGOS ACOMPAÑÁRONNOS TODO O DÍA : Á MAÑÁ, NA ESCOLA E Á NOITE, NA FESTA DE CAMPO DE PAZOS.

TEMPO PARA BRINCAR:
A (BIS)AVOA MARUJA APRENDEUNOS XOGOS TRADICIONAIS E A BAILAR E CANTARMOS COAS MATRACAS DE MILLO.

TEMPO        PARA     REPOÑER          AS    ENERXÍAS:    DOCES DE     CABAZO,       NOCES,        MAZÁ...   E A SEMPRE    PRESENTE      FROITA.

TEMPO PARA O TRABALLO:
CO ESFORZO COMPARTIDO FORON APARECENDO CAVEIRAS ARREPIANTES NOS NOSOS CABAZOS... E NAS NOSAS CARAS.

TEMPO PARA OS CONTOS:
DA NOSA MEMORIA XORDIRON  ESAS HISTORIAS DE MEDO QUE TANTO PRESTAN NUN DÍA COMA ESTE

E O TEMPO PARA A FESTA, NA NOITIÑA,

CANDO AS CANDEAS DOS CABAZOS ALUMEAN O MUNDO DOS MORTOS E DOS VIVOS.

 Aula de 4 e 5 anos

O pasado venres 10 de novembro celebramos a festa do magosto na escola de Vacariza. Alí xuntámonos todas as escolas para cantar moitas cancións sobre o outono, as castañas, os ourizos,... nunha gran roda guiados polo profe Pablo.

Despois fixemos moitos xogos que nos gustaron moito e que nos abriu o apetito para degustar o froito protagonista da festa: as castañas. Tamén houbo doces de todas as clases (biscoitos, chulas, rosquillas, bolicos, galletas,...) e un delicioso chocolate! 

Foi un día xenial!

O pasado 24 de outubro foi o día das bibliotecas. No noso CRA comezamos a facer entre familias e nenos unha recopilación de xogos do pasado, xunto coas cantarolas que os acompañaban traballando así un anaquiño da nosa cultura e patrimonio. Pero ademais disto, as nosas bibliotecas de aula foron as protagonistas absolutas do día.

Nalgunhas aulas, os nen@s máis maiores contáronlle os contos aos máis pequenos, disfrutando dun momento de lectura compartida ben pracenteiro.

Noutras, algunha mascota de aula, invitounos a facer o noso "bibliopatio" e creamos unha improvisada biblioteca ao aire libro. Contos e historias con un pouco de aire puro! Que marabilla!

Tamén en varias aulas decidimos elaborar uns marcapáxinas ben bonitos aproveitando que estamos en tempos de Samaín! Que hai mellor que un aterrador marcador para marcar onde deixamos a lectura!

E incluso chegamos a contar contos coa mesa de luz e tamén con pedras e outros materiais! O mundo enteiro e o que nos rodea pode ser un auténtico remanso de fantasía!

Foi un día grandioso, pero o mellor e o máis importante de todo e que disfrutamos da lectura, da biblioteca, da compañía e a amizade.

Aquí vos quedan unhas fotiños ben chulas para que vexades como gozamos da lectura. Disfrutádeas! 

O vindeiro martes 31 de outubro celebraremos o Samaín nas nosas escolas.

Tallaremos cabazas arrepiantes, daremos moitos sustos e nos deleitaremos con historias de medo.

E lembrade nesta noite máxica non abrades as portas a ninguén, que as almas en pena non vos leven familias!!

Este martes 24 de outubro celébrase o Día das Bibliotecas. Nós celebrarémolo nas nosas bibliotecas de aula. Trala festa lectora ensinarémosvos todo o que fixemos nas aulas.

Feliz Día das Bibliotecas e felices lecturas!!