2010-2011

Día Mundial do Non Uso de Plaguicidas

CONMEMORAR O 3 DE DECEMBRO COMO O DÍA MUNDIAL DO NON USO DE PLAGUICIDAS, TEN

COMO FINALIDADE FACER UN CHAMAMENTO Á REFLEXIÓN E TOMA DE CONCIENCIA DA POBLACIÓN

MUNDIAL, SOBRE A GRAVE CRISE AMBIENTAL XENERADA POR O USO DOS AGROQUÍMICOS A NIVEL

GLOBAL.

Na escola lembramos este día a través do conto de O BOSQUE ENCANTADO. Aquí vos deixamos o

enlace para que poidades escoitalo dende a casa.

http://dl.dropbox.com/u/30484574/bosque/bosque.html

ANPA IRMÁNS INSUA EXCURSIÓN DE FIN DE CURSO

O vindeiro sábado 16 de xullo, terá lugar a excursión de fin de curso que cada ano organiza a ANPA IRMÁNS ÍNSUA.

Un ano máis será ao parque acuatico de Cerceda.

A saida será as 9:00

Prezo por persoa:

Socios máis un acompañante irán gratis

Non socios: nenos/as ata 12 anos: 10 euros, adultos 15 euros.

CONTACTAR CON: Luisa '635 627 081 ou con algún membro da directiva da ANPA

AS ARQUETAS DA ÍNSUA

NOME: Jairo

DATA: 15 de xuño do 2011

LUGAR: Arquetas da Ínsua

COMENTARIO

A auga nace nun manancial natural no montes, pasa por unha mangueira ata as arquetas que cada unha delas é individual, onde cada veciño ten a súa. Estas mesmas están dentro dunha nave pola que saen varias mangueiras que van cada unha para a casa de cada veciño, para o uso doméstico da mesma.

 

A FONTE DE CABANES

NOME: Dani

DATA: 2 de xuño do 2011

LUGAR: A fonte de Cabanes

COMENTARIO

É unha fonte moi antiga. Esta fonte foi feita no ano 1941. Antigamente as persoas da aldea ían beber e buscar auga a ela, era moi utilizada polos veciños. Ten dous caños que antes botaban moita auga, agora menos, xa non é tan utilizada.

 

FONTE DE MEIQUIZ

NOME: Borja García Moares

DATA: 1 de xuño do 2011

LUGAR: Fonte de Meiquiz

COMENTARIO

Esta fonte é moi antiga. Pola beira pasa un río que nace nun lugar ao que lle chaman Río Mouros. Pasa polas aldeas: Or, Meiquiz, Cabanes e desemboca cun lugar ao que lle chaman Río do Mar, que está na aldea de Rial.

Ao longo deste río antigamente atopábanse 6 muíños de auga nos que os veciños moían os seus cereais.

 

O RÍO ULLA

NOME: Helena Alcalde Aguiar

DATA: 29 de maio do 2011

LUGAR: O río Ulla

COMENTARIO

Son fotos do río Ulla dende a aldea dos meus avós ata Leiro. No verán bañámonos no río e os meus pais traballan nel collendo marisco.

En leiro é a desembocadura  e é navegable ata a altura de Padrón, facendo unha liña imaxinaria dende Abuín (Leiro) ata Cortegada. Alí é onde se divide a auga doce do río e pasa a ser a salgada, considerando xa mar.

O río para nós é beneficioso, tanto a nivel económico como a nivel de goce.

 

 

DEPURADORA DE LEIRO

NOME: Yeray

DATA: 22 de maio do 2011

LUGAR: A depuradora de Leiro

COMENTARIO

A depuradora de Leiro foi feita en 2010 e inaugurada en 2011. Como se pode observar serve para limpar a auga, aínda que estea tan sucia como se pode observar nas fotos. Tamén pódese observar que ten varios estanques e unha casiña.

 

MUÍÑO DA BARROSA

NOME: Raúl

DATA: 8 de maio do 2011

LUGAR: Muíño da Barrosa

COMENTARIO

Os muíños da Barrosa son unha paraxe natural. Hai moitos muíños, un deles chamado “Muíño de Abaixo”. É empregado hoxe en día como taberna típica. No monte que rodea aos Muíños da Barrosa hai diversas rutas de senderismo.

 

ALDEA DA IGLESIA

NOME: Raquel

DATA: 30 de abril do 2011

LUGAR: Aldea da Iglesia

COMENTARIO

Esta fonte foi feita fai moitos anos na aldea da Iglesia, parroquia de Leiro. Está cerca da Iglesia e cando non hai auga no cemiterio vana buscar a ela.

Antes os sobrantes da auga aproveitábana para ao brañas e máis para regar os legumes do Cardal.

 

HERMIDA (ARAÑO), POZO DE BASTÓN

NOME: Samuel

DATA: 14 de abril do 2011

LUGAR: Hermida (Araño), pozo de Bastón

COMENTARIO

O pozo Bastón está no río Te, a uns kilómetros do seu nacemento (Campelo). Antes non era tan coñecido como agora, porque ten unha ruta de andaina con sinales. O río Te, os outros ríos e fontes forman parte de traída da auga dos rianxeiros.

 

Distribuir contido