Escolas

CUESTIONARIO DE CONVIVENCIA DO CRA DE RIANXO

Deixámosvos o enlace ao cuestionario de convivencia para familias, profesorado, PAS e alumnado. Podedes cubrilo co código que se vos vai facilitar dende a dirección do centro e aportar a vosa opinión sobre a convivencia no noso centro.

Picade na imaxe para entrar.

 

DANIEL ESTÁ DE VOLTA!

Benqueridos amig@s!

Despois dun longo verán estou de volta convosco! Que ledicia vervos a tod@s de novo nas escolas. Sei que moit@s de vós tedes ganas de vir á biblioteca, pero nestes momentos estámola arranxando, xa que de tanto disfrutala estaba xa moi velliña. Pero prométovos que cando a vexades de novo, pagará moito a pena a espera!
Polo momento, estou desexando que me presentedes a tod@s os vosos novos amig@s de 3 anos! E para iso déixovos aquí este bonito video sobre min e as cousas que fixen, para que me presentedes aos nov@s amig@s!
Benvid@s de novo e moitos moitos bibliobicos para tod@s!

Daniel.

 

FESTA DE ENTROIDO NA ESCOLA DE CRUCEIRO

 

O pasado venres 9 de febreiro celebramos na escola de Cruceiro a festa do entroido á que asistiron as alumnas e alumnos de todas as escolas que forman o noso C.R.A. e moitos familiares.

 

 

Foi unha xornada moi agradable e divertida na que cantamos cancións de entroido, bailamos, comemos doces típicos desta festa e fixemos un gran desfile pola aldea disfrazados de choqueiros.

BENVIDO DE NOVO, DANIEL!

Este venres 24, o noso amigo Daniel tennos preparada unha saída á vila de Rianxo e pese a que desta vez non poderemos visitar canda el a biblioteca municipal, preparounos un roteiro polas rúas de Rianxo agasallándonos previamente co libro "Os bolechas: unha historia rianxeira!

E para aqueles nen@s que aínda non coñezan ao noso Daniel, aquí nos deixou a súa marabillosa presentación persoal!

Benvido de novo benquerido Daniel! Sorriso

DÍA DAS BIBLIOTECAS

O pasado 24 de outubro foi o día das bibliotecas. No noso CRA comezamos a facer entre familias e nenos unha recopilación de xogos do pasado, xunto coas cantarolas que os acompañaban traballando así un anaquiño da nosa cultura e patrimonio. Pero ademais disto, as nosas bibliotecas de aula foron as protagonistas absolutas do día.

Nalgunhas aulas, os nen@s máis maiores contáronlle os contos aos máis pequenos, disfrutando dun momento de lectura compartida ben pracenteiro.

Noutras, algunha mascota de aula, invitounos a facer o noso "bibliopatio" e creamos unha improvisada biblioteca ao aire libro. Contos e historias con un pouco de aire puro! Que marabilla!

Tamén en varias aulas decidimos elaborar uns marcapáxinas ben bonitos aproveitando que estamos en tempos de Samaín! Que hai mellor que un aterrador marcador para marcar onde deixamos a lectura!

E incluso chegamos a contar contos coa mesa de luz e tamén con pedras e outros materiais! O mundo enteiro e o que nos rodea pode ser un auténtico remanso de fantasía!

Foi un día grandioso, pero o mellor e o máis importante de todo e que disfrutamos da lectura, da biblioteca, da compañía e a amizade.

Aquí vos quedan unhas fotiños ben chulas para que vexades como gozamos da lectura. Disfrutádeas! Sorriso

DÍA DAS BIBLIOTECAS

 

Este martes 24 de outubro celébrase o Día das Bibliotecas. Nós celebrarémolo nas nosas bibliotecas de aula. Trala festa lectora ensinarémosvos todo o que fixemos nas aulas.

Feliz Día das Bibliotecas e felices lecturas!!

FELICES LETRAS GALEGAS DE 2017!

DENDE O CRA DE RIANXO DESEXÁMOSVOS UN FELIZ DÍA DAS LETRAS GALEGAS DE 2017!

SE PICADES NA IMAXE ACCEDEREDES Á NOSA HOMENAXE A CARLOS CASARES. A NOSA PARTICULAR VERSIÓN DA GALIÑA AZUL!

DISFRUTÁDEA E QUE VIVAN AS NOSAS LETRAS!

A GALIÑA AZUL

MES DE MAIO, MES DE CASARES.

AQUÍ QUEDA A NOSA PARTICULAR HOMENAXE A CARLOS CASARES E Á SÚA GALIÑA AZUL. UN TRABALLO FEITO CON MOITO ESMERO POR PARTE DOS NEN@S E DAS MESTRAS E MESTRES DO CRA DE RIANXO.

DISFRUTÁDEO, FELIZ MES DE CASARES E FELICES LETRAS GALEGAS DE 2017!

 

MERGULLÁNDONOS NAS NOVAS. SEMANA DA PRENSA 2017.

SEMANA DA PRENSA 2017

Este curso, dende a Biblioteca das amigas e amigos de Daniel e o Equipo de Dinamización lingüística, propuxemos ás nosas familias que se mergullasen na prensa cos seus nen@s. Este ano vémonos rodeados nas nosas escolas, de persoeir@s da nosa cultura pero tamén do noso día a día, así que esa sería a temática principal a atopar nos xornais, revistas, prensa online etc.

A busca deu moito de sí e aquí, queremos compartir convosco o resultado final da actividade. Mostrámosvos unha selección das novas que máis chamaron a atención e máis destacaron durante esta semana e sobre todo, as que máis captaron a atención dos pequenos. Agardamos que vos guste esta reportaxe!

 

Algunhas das novas máis buscadas foron sobre escritoras e escritores. Unha das novas que máis destacou en todas as escolas foi que a compañía aérea Norwergian, fíxose con un avión coa cara da nosa querida Rosalía de Castro. Os nen@s da escola do Cruceiro (tamén chamada Escola Rosalía de Castro), non deixaron pasar a ocasión de construír a súa propia aeronave coa cara da escritora. Toda unha experiencia! Tamén destacaron novas sobre Agustín Fernández Paz e Eduardo Pondal. Escritores da terra que xa non están connosco, pero moi queridos.

 

 

 

 

 

 

Outra das temáticas máis populares entre as familias e os nen@s, foron @s deportistas, cousa que nos alegrou profundamente xa que retomamos o xa traballado co profe Óscar no polideportivo, onde descubrimos que Galicia é unha terra chea de deportistas de éxito. Dende Ana Peleteiro, pasando por Javier Gómez Noya ata os futbolistas máis recoñecidos do momento. Tod@s eles, foron protagonistas da nosa semana da prensa.

 

 

 

 

 

 

 

A política é un tema que está sempre de actualidade e os máis pequen@s sábeno. Así o deixaron ver na súa selección de noticias. Xente destacable como Donald Trump, Iñaki Urdangarín ou Susana Díaz están no ollo do furacán e está moi ben que dende ben pequenos se vaian familiarizando coa xente que toma decisións importantes e que lles afectan tamén a eles, xa que así formaremos persoas críticas para o día de mañá.

 

 

 

 

 

 

 Coa semana da prensa, coincidiu o 8 de marzo. O día internacional da muller. Foi un feito que indubidablemente destacou en todos os medios. Dende as escolas, agardamos que algún día non precisemos de un día da muller, porque dese xeito, a igualdade estará asentada no mundo no que vivimos. Pero mentres tanto, agrádanos que as nosas familias e nen@s, se informen, e fagan salientar as novas que máis lles chaman a atención sobre as mulleres no 8 de marzo, e todos os días do ano. Se nos fixamos, todas as novas que atopamos, versan sobre a situación laboral das mulleres, feito que nos fai reflexionar e darnos conta de que, quizais é un dos campos no que aínda se pode mellorar moito a situación. Por iso é importante transmitir uns valores de igualdade todos os días do ano. Alégranos poder destacar que dentro destas novas, vense moitas cousas positivas e de melloría!

 

 Os persoaxes públicos adoitan saír moito nos medios de comunicación (na prensa entre outros). Os nosos pequen@s, recoñecen ás persoas destacables do momento e así, as familias achegáronnos novas relativas á entrega dos premios Mestre Mateo 2017. En varias escolas recoñeceron a Roberto Vilar, premio Mestre Mateo a mellor comunicador e tamén conductor do programa "Land Rober" da TVG, o cal se alzou tamén co galardón a mellor programa. Os nen@s non dubidarón en aportar información sobre o comunicador bastante recoñecido por eles. Por outra banda, tamén nos chegou unha interesante entrevista a unha muller e gran actriz como é Mabel Rivera. Mabel está actualmente nomeada a mellor actriz aos premios María Casares de Teatro Galego por “Voaxa e Carmín”, obra escrita, dito sexa de paso, por Ester Carrodeguas, dramaturga rianxeira, a cal tamén está nomeada a un María Casares a mellor texto pola citada obra.

 

   

Isto que acabamos de comentar, lévanos á última parte desta reportaxe. Nesta recopilación que fixemos entre escola e familia, algunhas das novas máis bonitas foron as seguintes e por un motivo especial. Son novas relacionadas coa xente da nosa comarca, o Barbanza, e que falan sobre persoas destacadas, cada unha no seu campo. Podemos ver a Ché Tembra, Sonia Levedinsky, Xurxo Gago, Goretti Somoza, Alba Triñanes ou María Magán. Entre todos tocan os campos da arte, a música, a artesanía, os deportes ou a gastronomía, deixando o pabellón da nosa comarca ben alto e cheo de éxitos e recoñecementos.

 

 

 

 

 Xa para rematar, queremos mostrarvos unha selección de fotos do ben que o pasamos traballando todas estas novas nas aulas. Aprendemos sobre o mundo que nos rodea, descubrimos os medios de comunicación e traballámolos de diversas formas. Xogando cos nosos xoguetes, a través das novas tecnoloxías grazas á pizarra e internet e porsuposto a través das nosas mans recortando, pegando, facendo murais con materiais de refugallo, xornais vellos e converténdonos en xornalistas elaborando as nosas propias novas entre moitas outras cousas.

 Foi unha experiencia fabulosa e que non tería sido posible sen a colaboración das nosas familias.

Unha vez máis GRAZAS!

Distribuir contido