E NO MES DE FEBREIRO....AINOA CUMPRIU ANOS E NÓS PAPAMOS UN BISCOITO ENTEIRO!

PARABÉNS AINOA!

O 24 DE FEBREIRO NA ESCOLA DE QUINTÁNS CELEBRAMOS O DÍA DE ROSALÍA. A FIGURA DA ESCRITORA ACOMPAÑOUNOS DURANTE SEMANAS ANTES CO FIN DE PODER MERGULLARNOS NA SÚA VIDA, NA SÚA OBRA E PODER DISFRUTAR DE TODO O QUE NOS PODÍA APORTAR NON SÓ ELA, SENÓN TODO O QUE A RODEA.

EN PRIMARIA, INSPIRÁNDONOS NA TÉCNICA QUE EMPREGARON OS NOSOS COMPAÑEIR@S DE CAPELA INFANTIL PARA FACER O SEU CALENDARIO, REALIZAMOS AS NOSAS "ROSALÍAS POP ART" CON ACETATOS E MOITOS FOLIOS DE CORES. FOI DIVERTIDO VER COMO A CARA DE ROSALÍA RITA SE TORNABA DE MIL TONS DIFERENTES, CREANDO UN POP ART COMO OS QUE O MESMÍSIMO ANDY WARHOL FIXO FAI MOITOS ANOS XA!

PERO NA CLASE DE INFANTIL, A CELEBRACIÓN NON ÍA SER MENOS. AQUÍ VOS DEIXAMOS ESTE VÍDEO CUNHA DAS NOSAS CANCIÓNS FAVORITAS INSPIRADA NUN DOS POEMAS ROSALIANOS. ESTAMOS FEITOS UNS ARTISTAS POLIFACÉTICOS! TANTO PINTAMOS, CORTAMOS OU RECITAMOS, COMO BAILAMOS AO SON DE MIGALLAS!

DISFRUTÁDEO E FELIZ DÍA DE ROSALÍA PARA TOD@S!

Este trimestre, os nen@s da aula de primaria de Quintáns, estivemos estudando os distintos tipos de animais e as súas características. Tíñamos algunhas dúbidas cos peixes e as súas partes, así que o profe Pablo trouxo unha Lubina á clase para que visemos todo moito máis claro.

Foi unha experiencia ben chula e entre todos puidemos ver todas e cada unha das partes dos peixes que saían no noso libro de ciencias naturais.

Vimos a pel e as escamas e abrimos o lateral da súa cabeza para ver e tocar as branquias. Eran como pulmóns humanos pero en pequeno! Tamén tivemos ocasión de observar as súas aletas e cola con detalle.

Despois abrímolo para comprobar se era certo que os peixes son vertebrados, é dicir, que teñen esqueleto interno. Unha vez aberto pola metade, comprobamos que era certo e que a lubina tiña espiña dorsal, que é o esqueleto dos peixes.

Foi unha experiencia moi interesante e divertida!

Aquí vos deixamos fotos da nosa pequena investigación científica.

ASÍ PREPARAMOS O NADAL NA ESCOLA DE QUINTÁNS E O QUEREMOS COMPARTIR CONVOSCO.

DENDE A NOSA ESCOLA @S PROFES E @OS NEN@S, DESEXAMOS QUE ESTE ANO QUE ENTRA VOS VEÑA CARGADIÑO DE SAÚDE E LEDICIA PARA TOD@S VÓS.

BO NADAL E FELIZ 2016!

Este ano recibimos unha carta do Capitán Planeta que nos deixou a todos un pouco despistados...Él, un heroe que loita contra a contaminación, mandábanos plantar lixo!

Nós aínda así fixémoslle caso, e nun cacharro con terra, plantamos restos das nosas merendas. Un pouco plátano, as súas tonas, máis tonas pero de laranxa...E tamén plantamos papeis de galletas e a tapa de un iogur de beber.

A nosa sorpresa foi tremenda cando vimos que co paso dos días, á froita e ás tonas lles nacían pelos! Deixamos pasar máis días e....QUE PASOU?

Os restos das froitas desapareceran! A terra tragáraos, sen embargo os papeis das galletas e do iogur, parecían seguir alí.

Metemos a man indagando e explorando e confirmáronse as nosas sospeitas. Nin rastro da froita, pero os papeis seguían alí como o primeiro día.

Así foi como comprendemos o que o noso Capitán nos quixo ensinar. Se tiramos lixo ó chan, se é materia orgánica, a terra aliméntase dela, sen embargo se tiramos lixos inorgánicos, (papeis, botes, plásticos...) creamos unha terrible capa de contaminación.

GRAZAS CAPITÁN PLANETA POR TAN VALIOSA LECCIÓN!

Aquí vos queda o noso experimento en fotos

A finais do mes de novembro en Quintáns, celebramos os cumpleanos de Antía e Marcos que se fixeron unha chisca máis maiores!

Antía cumpriu nada máis e nada menos que 3 anos! e Marcos xa alcanzou a tremenda cifra de 6!

Con un motivo así e como é tradición, fixemos unha gran celebración.

A medrar moito!

O 25 DE NOVEMBRO CELEBROUSE O DÍA INTERNACIONAL CONTRA A VIOLENCIA DE XÉNERO. NA ESCOLA DE QUINTÁNS LEEMOS O CONTO DE ROSA CARAMELO. UNHA HISTORIA BEN INTERESANTE SOBRE A IGUALDADE DE XÉNERO. ISTO LEVOUNOS A FACER UN EXPERIMENTO. SEPARÁMONOS EN GRUPOS DE NENAS E NENOS. PRIMEIRAMENTE, GUSTÁBANOS MOITO PERO DESPOIS, Ó VER QUE NON PODÍAMOS XOGAR CON TODOS OS NOSOS AMIGOS POR ESTAR SEPARADOS, XA NON NOS FIXO TANTA GRACIA. ASÍ QUE ENTRE TODOS DECIDIMOS QUE A MELLOR OPCIÓN ERA SER IGUAIS, FORMAR UN GRAN GRUPO E DARNOS UNHA APERTA COLECTIVA!

Ó DÍA SEGUINTE E PARA CELEBRAR O MOITO QUE NOS GUSTARA FACER ISTO E QUE TODOS SOMOS IGUAIS E TEMOS OS MESMOS DEREITOS, FIXEMOS UN GRAN MURAL. 

ASÍ,  POIS BERREMOS TODOS XUNTOS!

TODOS SOMOS IGUAIS! TODOS SOMOS MARGARIDA!

Achégase o magosto a Quintáns, no cal esperamos disfrutar moito con todos os nosos compañeiros e compañeiras do resto das escolas do CRA.

Esta semana nas nosas aulas, estivemos a traballar arreo para que a nosa escola quedase ben bonita e acorde con estes tempos de magosto e outono. Decoramos os teitos, as portas e ata as ventás con castañas. Unhas grandes, outras pequenas, algunhas de cores...

Pero cando máis disfrutamos foi facendo os nosos bolsos e cestas para papar as castañas este venres en Rañó, e ata as fixemos con dous espazos para botar nun as castañas e noutro as tonas!

Aquí vos deixamos este vídeo para que vexades como nos preparamos para o gran día!

Apertas castañeiras!

O 5 de novembro, os nenos e nenas de Quintáns, visitamos a biblioteca do noso amigo Daniel, xa que nos invitou cunha carta tan suculenta, que non podíamos desprezar a invitación de ningunha maneira. Prometíanos bonitas lendas de México, música e moito moito millo! Así foi! O profe Tobías leunos un contiño de México e algunhas das nosas mamás e avoas acompañáronnos para contarnos todo o que saben do millo e o seu cultivo!

Tamén o profe Rubén nos deixou tocar os instrumentos, e bailamos e cantamos ó ritmo de Migallas e o seu "Pan de millo". Podédesnos ver neste vídeo cantando e bailando contentiños como espigas en fror!

Foi un día emocionantísimo!

Agardamos que Daniel nos traia pronto máis aventuras así.

Na escola de Quintáns celebramos o Samaín fai uns días. Foi unha festa ben especial. Houbo disfraces, aniversarios, tarta...pero algo tremendo pasou esa mañá! A escola encheuse de pantasmas e...Se queredes saber máis, teredes que ver o noso vídeo!

Bicos e apertas cargadiñas de medo!