Entenza

  Ademais destas actividades na aula de Entenza cada semana dedicámoslla a unha muller pioneira da historia. Con cada muller realizamos tres fichas e un taller. 

  Comezamos traballando a Enriqueta Reyes, que foi a primeira muller bombera de Cuba e América Latina.

Fixemos un conto sobre Enriqueta Reyes, onde cada neno debuxou unha páxina e gravamos as nosas voces. Con todo eles montamos un vídeo. 

E despois no entroido deseñamos uns gorros e unhas machadas para os nosos disfraces de bombeiro.

 Na aula colocamos un mural co mapa do mundo. Nese mapa localizamos o país de nacemento de cada muller e colocamos a bandeira do seu país.

Con tapas de botellas elaboramos un mémori de mulleres pioneiras.

Na aula fixemos un calendario de mulleres importantes, onde cada mes está dedicado a unha muller. Cada neno/a realizou unha páxina, onde decoraron a foto da muller e repasaron os números.

Grazas ás ordes da nosa mascota, os nenos e as nenas aprenderon que as cores non son nin de nenas nin de nenos, senón de todos. Polo cal, o martes de entroido todos os alumnos/as viñeron vestidos de cor azul e o mércores viñeron vestidos de cor rosa.