Skip to Content

Conmemorando o 25N

Con motivo do Día Internacional para a Eliminación da Violencia de Xénero, pedímoslle ao alumnado de secundaria que participase nalgún dos concursos organizados polo Equipo de Dinamización da Lingua Galega (concurso de lemas) e pola Equipo de Biblioteca (concurso de microrrelatos).

Os resultados foron moi interesantes como se pode comprobar nas fotos que se achegan.

As gañadoras no concurso de lemas foron:

  • na primeira categoría (1º e2º ESO): Gemma Cameán Suárez
  • na segunda categoría (3º e 4º ESO): Andriely Katily Guedes Matias e Liana Miranda Sousa

Actividades para unha "Mobilidade segura e saudable" co alumnado de ESO

aesleme

Ao longo do mes de novembro, no marco da campaña de MOBILIDADE SEGURA E SAUDABLE, o alumnado de 1º, 2º e 3º da ESO asistiu a unha charla “PODE PASARCHE” impartida por un compañeiro de AESLEME (Asociación para o Estudo da Lesión Medular Espinal). A charla constou das seguintes partes: Factores de risco, medidas preventivas, actuación en caso de accidente e consecuencias dos accidentes.

No caso do grupo de 4º da ESO, a charla “SE CONTROLAS VOLVES” centrouse en que o alumnado coñeza os efectos do consumo de alcol e drogas, traballar a presión grupal para que aprendan a dicir NON e o fomento do condutor alternativo cando saen e teñen que coller algún vehículo para volver a casa.

A finalidade deste programa de prevención é que os rapaces e as rapazas do centro coñezan de primeira man os riscos e as consecuencias dalgunhas condutas imprudentes.

Así conmemoramos no centro o 25 N: Día internacional da eliminación da violencia contra as mulleres

Co gallo do 25 de novembro, Día Internacional da eliminación da violencia contra as mulleres, leváronse a cabo no centro diversas actividades orientadas a contribuir á prevención e eliminación deste problema social tan grave.

O alumnado de 4º ESO pintou un mural no patio no que os ladrillos en negro representan as mulleres asasinadas, vítimas de violencia machista, entre o 25 de novembro do ano pasado e o 25 de novembro deste ano.

Podcasts e blog do alumnado de Proxecto Competencial

O alumnado de Proxecto Competencial de 2º e 3º de ESO grabou dous podcasts para presentar os seus traballos sobre mulleres que publicaron no blog Proxecto Competencial CPI O Cruce, en Blogger.

Neste enlace  pódese acceder ao blog:

https://proxectocompetencialocruce.blogspot.com/

E no seguinte  enlace pódense escoitar en Spotify os dous podcasts (dende 15:22), que forman parte do primeiro podscast mensual de A Radio Tola de Cerceda,a radio escolar do noso colexio.Neste episodio hai tamén outras seccións moi interesantes feitas polo alumnado de primaria e de educación infantil.

https://open.spotify.com/show/4VdVCinhuKDt8zSLN8Npp8

 

 

Quentando motores para o Correlingua

O alumnado de 3º ESO deu os primeiros pasos do Correlingua 2024 participando no obradoiro "Desata a lingua", de mans da poeta Lucía Aldao.

A finalidade desta actividade era a elaboración de lemas en defensa da lingua, partindo dunha serie de textos actuais referidos ao uso, vixencia e prestixio do galego: os premios nacionais de poesía e teatro para Yolanda Castaño e Paula Carballeira; o emprego das linguas cooficiais, e polo tanto do galego, no Congreso dos deputados, a difusión da música en galego a raíz da participación das Tanxugueiras na preselección de Eurovisión, o aumento de tiktokers, youtubers e demais influencers na nosa lingua, etc.

Velaquí un exemplo do resultado deste traballo:

 

Alumnado de 1º ESO participa na Digitalweek en Os Peares

Entre os días 5 e 11 de novembro de 2023, 25 alumnas e alumnos de 1º ESO participan na Digitalweek no centro de inmersión lingüística de Os Peares. Organizado pola CCEFPU, é un programa de inmersión lingüística en inglés a través do desenvolvemento de actividades dixitais, nomeadamente: robótica, creación de páxinas web, deseño, escaneo e impresión 3D e tamén actividades físicas, de convivencia e cultura.

Máis información | Digitalweek

Meteoescolas en Latín

Dende hai uns anos a materia de Latín correspóndelle ao Departamento de Lingua Galega e Literatura.

Neste curso o alumnado de Latín colabora co proxecto de Meteoescolas e neste enlace podedes atopar a súa primeira achega: Pluit

Distribuir contido


by Dr. Radut