O pasado xoves día 6/10 e o venres 07/10 fomos convidados a participar no XI Abraço ao Río Limia e á IV Feira de Educação, Ciência e Tecnologia que se celebraron en Ponte de Lima. Foron dous días de convivencia cos nosos compañeiros do CEIP Rosalía de Castro e o CEIP Carlos Casares de Xinzo de Limia e cos máis de doce centros educativos de Ponte de Lima participantes nestes dous eventos.
O noso alumnado de cuarto e quinto de primaria participou en todas as actividades que o persoal da Quinta Pedagógica de Pentieiros do Serviço de Natureza da Cámara Municipal de Ponte de Lima nos tiña preparadas.
Montar en poni, un paseo pola realiade virtual, experimentos de química, robótica, reciclaxe, ... son algúns dos exemplos de todo o que puidemos facer durante estes dous días.
Tampouco quixemos desproveitar a oportunidade de visitar o CE As Lagoas, as Escolas Básicas 2 e 3 de Ponte de Lima, a propia Quinta de Pentierios e o Santuario de Santa Luzia, dende onde obsevamos unhas espectaculares vistas da desembocadura do Río Lima!
Agradecer ao Concello de Xinzo de Limia e a Cámara Municipal de Ponte de Limia as facilidades que nos deron para participar por primeira vez (e esperamos que non sexa a última) neste días de convivencia con outros centros educativos.
Estamos seguros que lle imos dar continuidade a esta actividade con outras propostas por parte de todos os centros implicados e coa visita a Xinzo de Limia (alá polo mes de maio) aos nosos novos compañeiros da vila portuguesa... Até já!
