Unha vez máis, grazas a Mónica e ao Centro de Información á Muller (CIM Conso-Frieiras) os nenos e nenas do noso cole tiveron un Obradoiro sobre a diversidade afectivo sexual e familiar.
A diversidade sexual (feminidade, masculinidade, desexos, identidade de xénero...), o papel das redes sociais e da televisión, as relacións afectivas ou o papel da familia foron algúns dos temas que se trataron.
A través do conto “La familia de Martín” procurouse sensibilizar e concienciar ao noso alumnado sobre a necesidade da tolerancia, respecto e igualdade de tódalas persoas, independentemente da súa orientación sexual ou a súa identidade de xénero.
A guinda final puxérona Mónica e Irene coa elaboración dunhas chapas con frases coma : “Eu respecto as diferenzas” ou “Ama a quen queiras”.
