O alumnado do CEIP das Vendas da Barreira non para! O pasado venres tivemos un Obradoiro ofrecido dende a CME no que se realizaron actividades na loita polo dereito humano á Educación.
A CME (Campaña Mundial pola Educación) vela para que os gobernos cumpran os seus compromisos nacionais e internacionais e que ningunha persoa quede atrás na realización do seu dereito á educación. Porque a educación é a ferramenta de transformación máis poderosa que existe para promover os dereitos humanos, acabar coa pobreza e construír sociedades máis cohesionadas, sustentables, pacíficas e inclusivas.
Grazas a Laura o noso alumnado a través de diversas actividades, algunhas delas de sensibilización tomaron conciencia de aspectos tales coma: a importancia do profesorado na Educación, valorar o dereito á educación coma un dereito chave doutros dereitos ou a importancia de ter unha conciencia crítica.
A continuación, poderedes atopar una pequena escolma destes obradoiros no vídeo que hai a continuación.
