Novas Deporte Escolar

VI Urban Trail Night Eurocidade.

Sábado 25 de Novembro de 2023

Eurocidade Valença- Tui

O vindeiro sábado día 25 de Novembro de 2023, terá lugar a proba Eurocidade Urban Trail Night, a proba terá lugar entre Valença e Tui, a partires das 19:30h ata ás 21:00h.

Dende o equipo de Deporte Escolar do Ceip Nº2 de Tui, en resposta a adenda 2030 e como ven sendo habitual, imos participar na proba de apoio como voluntarios, invitamos a aqueles alumnos/as de 6º de primaria que queiran axudar e colaborar na mesma, como voluntarios que cubran a seguinte notiña.

Pincha aquí para descargar  a nota de Inscripción

Aprázase a xornada de Campo a Través

Escolar Zonal 23-24.

Área Recreativa Borralliño Soutelo Salceda de Caselas

Xoves 16 e venres 17 novembro 2023.

A xornada de Campo a Través, en horario escolar de mañá, que ía ter lugar os vindeiros días: xoves 16 e venres 17 de novembro de 2023, no área recreativa do Borraliño en Soutelo en Salceda de Caselas, destinada os/as nenos/as de 2º,3º, 4º 5º e 6º de Educación Primaria, queda aprazada para os xoves 23 e venres 24 de novembro respectivamente, por mor da choiva. Sentimos as molestias que isto poida cansar, para calquera dúbida poden chamar ao centro educativo. Moitas grazas.

Merendas saudables de novembro.

O alumnado de Educación Infantil, súmase a alimentación diver-xente, con merendas saudables exquisitas, no mes de novembro: bocadillos, pan de marrocos... 

Froitas frecas e froitos secos. Uns campeóns estes nenos e nenas.

Garantindo o ods 3 saúde e benestar, cumplen coa axenda 2030. Moi ben, xente miuda!!

A Milla Diver-xente.

O noso alumnado está a realizar millas a diario no patio do cole. O obxectivo é percorrer moitas millas e lograr a colección de medallas dos ODS. 

No mes de outubro e novembro recibiron as follas de rexistro das millas que fan cada día en cada clase, e unha cartiña coa primeira medalla. 

Tamén comezou o reconto mensual, no panel do corredor central, onde se irán rexistrando as millas de cada clase e as medallas que cada clase consigue.

Para cumplir co ODS 3 Saúde e Benestar e o ODS 5 Igualdade de Xénero, activarémonos durante o curso, para intercambiar millas por ods. E ti Activas-T con nós? 

 DEPORTE ESCOLAR.

 Encontros Multideportivos

 CEIP Nº2-CEP Pedro Caselles de Tui

 Curso 23-24

 Xoves  día 2 de  novembro de 2023

  O pasado xoves día 2 de novembro de 2023 tivo lugar no pavillón vello de Tui. A Xornada de Encontros Multideportivos entre os CEIP Nº2- CEP Pedro Caselles. A xornada levouse a cabo de 9:15 a 13:45h ,no Pavillón Vello de Tui e os cursos participantes foron 6ºA, 4ºB. Xogamos a balonmán, volei, bádminton, baloncesto, xadrez e fútbol-sala. Grazas ao colexio Pedro Caselles pola súa visita.

Tenis de Mesa 23-24.

Pav. Ceip Sobrada Tomiño.15 , 22 e 29 de novembro2023.

            Os vindeiros mércores  15, 22 e 29 de novembro de 2023, vai ter lugar a competición  escolar de Tenis de Mesa, en horario de 16:00h a 19:30h, da presente campaña Deportiva no Pav. do Ceip de Sobrada. Ditas xornadas están destinadas os/as nenos/as de 3º, 4º, 5º a 6º que queiran participar.

Os/as nenos/as que queiran participar en dita xornada deberán traer esta notiña asinada antes do vindeiro martes 7 de novembro de 2023.Para os nenos/as de Bornetas e Areas se fose necesario o autobús pasaría polas paradas.

Preme aquí para descargar a folla de inscripción.

"Aliméntate ben" quere fomentar hábitos saudables na comunidade escolar a través de dietas equilibradas e utilizando produtos de calidade que garantan unha alimentación e desenvolvemento axeitado. Así cumplindo coa Axenda 2030 traballamos os ods 2 Fame 0 e 3 Saude e benestar.

As modalidades do programa fan ao alumnado protagonista da súa aprendizaxe en colaboración cos compañeiros e compañeiras. Os proxectos que realizarán os centros deben implicar aos axentes da comunidade educativa (profesorado, alumnado, familias, institucións…) e crear entre todos unha rede de traballo cooperativo que mellore o xeito de ensinar e aprender.

O reto para cada mes, para dar resposta aos ODS da axenda 2030 será comer froita e verduras de tempada. Aquí vos deixamos a proposta do mes de novembro.

Aquí vos deixamos un modelo de receita para recoller as vosas propostas. 

Cuchipandas terroríficas de Samaín.

O día 31 de outubro de 2023, celebramos a festa de Samaín. Gústanos moito vir vestidos con disfraces para esta época. Pero non podía ser menos importante ter enconta a alimentación típica desta data. Así, que en familia o noso alumnado elaborou recitas terroríficas para degustar na escola a media mañá.. Todas moi saudables!. Bueno algunha foi unha lambetada, que aos nenos nos gustan moito. 

Moitísimas grazas a todas as familias, por implicarse e axudar en eventos coma este. 

 DEPORTE ESCOLAR.

 Encontros Multideportivos

 CEIP Nº2-CEP Pedro Caselles de Tui

 Curso 23-24

 Xoves  día 2 de  novembro de 2023

  O vindeiro xoves día 2 de novembro de 2023 terá lugar no pavillón vello de Tui. A Xornada de Encontros Multideportivos entre os CEIP Nº2- CEP Pedro Caselles. A xornada levarase a cabo de 9:15 a 13:45h aproximadamente,no Pavillón Vello de Tui e os cursos participantes serán 6ºA, 4ºB. Os/as  nenos/as que vaian participar nesta actividade terán que traer: Chandal ( o do cole se tiveran), equipación do mesmo, mochila de Educación Física e merenda. 

Aprázase a xornada de Campo a Través

Escolar Zonal 23-24.

Área Recreativa Borralliño Soutelo Salceda de Caselas

Xoves 26 e venres 27 outubro 2023.

A xornada de Campo a Través, en horario escolar de mañá, que ia ter lugar os vindeiros días: xoves 26 de e venres 27 de outubro de 2023, no área recreativa do Borraliño en Soutelo en Salceda de Caselas, destinada os/as nenos/as de 2º,3º, 4º 5º e 6º de Educación Primaria, queda aprazada para os xoves 9 e venres 10 de novembro respectivamente, por mor da choiva. Sentimos as molestias que isto poida cansar, para calquera dúbida poden chamar ao centro educativo. Moitas grazas.

Xornada de Xogos Populares e Magosto.

O pasado martes día 10 de outubro de 2023, levouse a cabo a xornada de xogos populares para o alumnado de Infantil no colexio. Sería o mércores día 11 de outubro cando tivo lugar a xornada para o alumnado de primaria. O alumnado de 6º foi o encargado de ensinar aos demáis cativos moitos, moitos xogos antigos, para nenos e nenas de agora. O certo é que o fixeron xenial como profes. Noraboa!.

Unhas  xornadas enmarcada no Proxecto "Diver-xente" que este ano puxo en marcha o colexio, para dar resposta a Axenda 2030 dos obxectivos de desenvolvemento sostible. Activa-T e Naturaliza-T promoveron estas xornadas onde os ods de saúde e benestar, entorno natural e a reciclaxe de xoguetes de antes, foron os protagonitas dunha xornada lúdico-festiva.

Tamén se levou a cabo a tradicional baixada de carrilanas, feitas en familia con materiais de refugallo.

E non podía faltar coma fin de festa o tradicional magosto, con castañas colleitadas nos nosos bosques en familia, unha delicatesem culinaria que fixo as delicias de maiores e pequenos.

Grazas a toda comunidade educativa, por xornadas coma estas.

 CAMPO A TRAVÉS

HORARIO LECTIVO. 

Os vindeiros 26 e 27 de outubro comezaremos as actividades deportivas de Agrudebam. Dentro do proxecto deportivo de centro, unha proba no medio natural que da resposta ao ods 3 Saúde e Benestar. A primeira proba será a proba de campo a través en horario lectivo, onde o máis importante será a participación. Os cursos que participarán serán 2º,3º,4º,5º e 6º de Educación Primaria. A proba terá lugar nas instalacións deportivas do Borraliño en Soutelo, Salceda de Caselas entre as 10:30h e as 13:00h. Se premedes enriba da foto podedes acceder a información que Agrudebam ten publicada na súa web:das carreiras, distancias, lugar, etc...

Preme aquí para descargar a folla de inscripción de 2º a 5º.

E se o que necesitas e descargar a folla de inscripción de 6º preme aquí.

                                          Tenis de Mesa 23-24.

Pav. Ceip Sobrada Tomiño.  

8,15 e 22 de novembro 2023.

            Os vindeiros mércores 8, 15 e 22 de novembro de 2023, vai ter lugar a competición  escolar de Tenis de Mesa, en horario de 16:00h a 19:30h, da presente campaña Deportiva no Pav. do Ceip de Sobrada. Ditas xornadas están destinadas os/as nenos/as de 3º, 4º, 5º a 6º que queiran participar.

Os/as nenos/as que queiran participar en dita xornada deberán traer a notiña de autorización asinada antes do vindeiro venres 3 de novembro de 2023Para os nenos/as de Bornetas e Areas se fose necesario o autobús pasaría polas paradas.

 Aquí podedes descargar a folla de autorización