Marzo 2023

2º Planta na horta.

O pasado mércores, día 22 de marzo de 2023, o alumnado de 2º de Educación Primaria, sacou para a horta as leitugas, as cenorias, as cebolas, os calabacíns os allos que xa creceran no interior da escola. . Aquí vos damos conta do ben que o fixeron.

Carreira Popular de San Telmo 23

Sábado 15 de Abril 2023 ( Tui ).

             O sábado de San Telmo, día  15  de Abril de 2023, a partires das 11:00h, vai ter lugar a Carreira Popular de San Telmo 2023.  Dita xornada está destinada os/as nenos/as  e adult@s  que queiran participar. Esta proba está organizada polo Club Atletismo Tui-Thermalia en colaboración co Concello de Tui.  

Gustaríanos contar con un gran número de participantes, xa que é aquí en Tui. Os/as nenos/as que queiran participar en dita xornada deberán traer esta notiña asinada antes do vindeiro, venres día 31 de marzo. Na semana previa a proba enviaremos horarios e equipacións.

Aquí, vos deixamos a folla de inscripción por se a precisades.

Pinchade enriba do logo para acceder a web do Club Atletismo Tui, onde atoparedes máis información. 

Mercado " Cintas de Cores" do 2

Durante a semana do 20 marzo de 2022, activouse o mercado ecolóxico Cintas de Cores do 2, coa axuda das familias colaboradoras con Voz Natura na escola. Elas foron as encargadas de preparar o posto do mercado, preparar os produtos ecolóxicos para a venda que procedían da horta da escola ou do excedente dalgunhas familias que colaboraron.

Moitísimas grazas a todas as familias involucradas. Un traballo extraordinario!

Humberto Rey no Deporte.

Humberto 5ºB.

Hoxe mércores 22 de marzo de 2023, Humberto de 5ºB quixo compartir con nós, un traballo deportivo especial. A historia da súa vida deportiva, dende os comezos ata agora que xoga no Real Club Celta de Vigo.

Humberto mostrou con humildade a súa traxectoria profesional, que tivo moi boa acollida entre os seus compañeiros. 

Gran traballo Humberto!.

Visita ao Porto da Guarda

Ti es un bo peixe.

Alumnado de 2º de Educación Primaria.

O pasado xoves día 16 de marzo, o alumnado de 2º visitou o Porto da Guarda, dentro do Programa do Plan Proxecta: " Ti es un bo peixe". 

O alumnado tivo oportunidade de visitar o porto pesqueiro, a onde chega o peixe que capturan os barcos. Despois as peixeiras, na Praza Municipal, explicáronlle os tipos de peixe e os seus prezos. Ao rematar no mercado, as redeiras ensináronlles como se fan as redes que os mariñeiros usan no mar.

Finalmente, para merendar tiveron un menú-degustación con produtos do mar.

Unha xornada estupenda onde aprendemos moitas cousas do mar.

IX Trofeo Baile Deportivo

Eurocidade Tui-Valença

26 de Marzo 2023

O sábado día 26 de marzo, está previsto o IX Trofeo de Baile Deportivo, na Eurocidade Tui-Valença. Un evento deportivo, que poderemos ver no Pavillón Gustavo de Tui. Animamos a todo o alumnado e familias, a gozar de esta oportunidade, que nos ofrece o deporte tudense.

Fazañas de Marrocos no Mundial de Qatar

Adam Sabri 5ºA

Hoxe 16 de marzo de 2023, Adam Sabri de 5ºA, presentounos un traballo detallado, sobre as fazañas de Marrocos no Mundial de Qatar.

Un esforzo que fascinou aos seus compañeiros, polo minucioso que foi na presentación e explicación. Aquí volo deixamos para que o poidades ler.

Gran traballo Adam!

Lendas dos Espadachíns Místicos.

Javier Sández e Izan 5ºA

Hoxe, día 10 de marzo de 2023, Javier Sández e Izan de 5ºA, presentáronnos un bo traballo  sobre Pokemón os seus seres místicos favoritos. No traballo explican os tipos e as caracteristicas de cada un.

Aquí vos deixamos o seu traballo para que poidades lelo con calma.

Bo traballo rapaces!.

Día Internacional da Muller

8-marzo-23

C.E.I.P Nº2 de Tui.

Hoxe día 8 de marzo de 2023, celébrase o " Día Internacional da Muller" baixo o lema " Por un mundo dixital inclusivo: Innovación e tecnoloxía para a igualdade de xénero". Dende o equipo de deporte no 2, sumámonos para poñer en valor, esta iniciativa que no noso centro impulsou o Departamento de Orientación e a biblioteca. 

Un manifesto en defensa da muller, da igualdade na vida e no deporte, escrito polo alumnado de 6ºA ao que lle puxeron voz: Alicia, Alexia, Anxo e Sabela. Unha cantiga " Chea de Vida" de Gaudí Galego que cantada polo noso alumnado nos fixo vibrar neste acto.

O alumnado de 5º de Educación Infantil aproveitou estes días, para traballar mulleres importantes nas súas vidas e facer un xornal, coincidindo coa Semana da Prensa.

O alumnado de 6º de Educación Infantil aproveitou para traballar , para traballar mulleres de Tui e facer un xornal, coincidindo coa Semana da Prensa.

Grazas a todos por momentos tan importantes para a vida coma estes. 

PLANTACIÓN DOS TERCEIROS

Curso 22-23

Hai unhas semanas os terceiros fixeron sementeiros de chícharos, cenorias, perexil, espinacas e canónigos.

Xa era hora de pasalos para a horta. Divertíronse moito preparando a terra e facendo os buratos para os chícharos. Agora tócalle coidalos para obter unha boa colleita. 

2ºA Planta Fabas e Amorodos.

O pasado venres, día 3 de marzo de 2023, o alumnado de 2ºA de Educación Primaria, sacou para a horta as fabas que xa creceran no interior da escola. Tamén aproveitaron para poñer unhas plantas de amorodos. Aquí vos damos conta do ben que o fixeron.

Motocross

Andrés 5ºB

Andrés de 5ºB, aportounos un traballo excelente, sobre unha das súas grandes paixóns, o motrocross. Neste artículo, da conta de información moi interesante, que vos convidamos a ler. 

Moi bo traballo Andrés! Sigue aportando grandes lecturas sobre o motor.

MY HERO ACADEMIA III

Yasmin 5ºB.

O día 2 de marzo, Yasmin de 5ºB propúxonos unha lectura do máis interesante " My Hero Academia III".

Unha nova novela do universo MY HERO ACADEMIA, onde chega o día do torneo, onde os protagonistas poden gañar o Campionato Nacional. Animádevos a vivir esta gran lectura.

O venres 24 de marzo de 2023, Olga de 5ºA fixonos unha proposta de lectura sobre "My Hero Academia 31" 

Unha lectura de manga atractiva, atrevida e interesante, na que non faltan os grandes superheroes, a que anima a toda a clase a ler. Animádevos.

INFANTIL PLANTA ACELGAS E ESPINACAS

Curso 22-23

Os nenos e nenas de 5 anos plantaron espinacas e acelgas en envases de iogures, o pasado xoves 2 de marzo de 2023 .

Seguimos reciclando e reutilizando, temos que coidar o planeta entre todos e darlle unha segunda oportunidade aos obxectos.

Agora toca esperar a que crezan para facer deliciosas receitas con elas.

2ºB Planta tirabeques e chícharos.

O pasado mércores, día 1 de marzo de 2023, o alumnado de 2ºB de Educación Primaria, sacou para o horta, os tirabeques e chícharos que xa creceran no interior da escola. Tamén aproveitaron para regar as plantas da horta. Aquí vos damos conta do ben que o fixeron.