Este é o calendario coas datas da competición de Bádminton.

Pincha aqui para velo.

A primeira competición que se vai levar a cabo dende o deporte escolar é a de volei. Que dará comezo o 16 de Novembro. Esta competición é en horario extraescolar, os alumnos/as que queiran participar deben traer asinada a seguinte inscripción. A competición lévase a cabo no CEIP de Randufe, sae un autobús dende o noso colexio para os que queiran participar.

Aqui tedes o calendario da competición

O equipo Benxamín do Club Balonmán Tui, da comezo a temporada.

O pasado Sábado 22 de Outubro deu comezo a liga Benxamín federada de Balonmán.

O equipo tudense xogou no Rosal co seguinte resultado.

 Novás- Tui. 11-2/6-2/2-4/8-1

 O equipo formado polas alumnas do noso colexio Lia Salvado, Uxía Soliño e Yosra Baatti, está moi ilusionado e con gañas de seguir xogando os vindeiros partidos...

 Seguro que pouco a pouco os resultados iran chegando....poñedelle moitas gañas e ilusión..

Gustavo Rodriguez Campeon de España de Triatlón longa distancia 2016

O pasado Domingo 23 de Outubro, tivo lugar o Campionato de España de triatlón, na modalidade de larga distacia C: 4000 m de natación, 120km de ciclismo y 30km de carrera a pe, a victoria foi para o tudense Gustavo Rodríguez, que o ano pasado tivo que conformarse coa 2 posición.

Iván Pereira Medalla de Bronce en categoría grupo de idade.

Na mesma proba o tudense, Iván Pereira Iglesias , clasificariase 3º na súa categoría grupo de idade GE 30-34. Unha proba moi dura con indice altisimo de participación

A nosa noraboa a estes 2 grandes atletas tudenses, polo seu bo facer, polo seu esforzo e polo seu empeño.

O equipo feminino de Baloncesto do San Xerome Emiliani

 Subcampeón de Galicia

 15 de Outubro 2016

 Ponteceso

O pasado fin de semana 15 de Outubro tivo lugar en Ponteceso a Copa de Galicia de Baloncesto adaptado, na categoría feminina. Os equipos finalestas foron Mos e o equipo do Colexio San Xerome Emiliani....as Campeonas galegas foron as xogadoras de Mos, sendo as do equipo guardés as subcampionas.

A nosa noraboa a ámbolos dous equipos.

Gómez Noya volve a empezar

Despois de tres meses recuperándose da fractura que lle impediu participar nos Xogos Olímpicos de Río, o galego Javier Gómez Noya, comezou os adestramentos para a vindeira tempada.

Os nenos e nenas do Ceip Nº2 de Tui, desexámoslle unha recuperación total e moita sorte para a vindeira tempada.

MARC MÁRQUEZ CAMPIÓN DE MOTOGP

O piloto español Marc Márquez proclamouse, de xeito matemático, campión de MotoGP esta fin de semana na carreira de Motegi, grazas a súa victoria na carreira e as caidas dos seus perseguidores Jorge Lorenzo e Valentino Rossi.

Este campionato é o quinto que gaña este xoven piloto na súa carreira deportiva, e o terceiro na máxima categoría (motogp), despois de ter puntuado en tódalas carreiras desputadas ata o momento nesta tempada.

Marc ten un presente e un futuro de éxitos, que o converten, xa nunha lenda do deporte español.

Noraboa a este campión!!!!!!

III Open de Andainas 25 kilómetros Tui

Organizado polo Clube Xistrade Vigo, en colaboración coa Federación Galega de Montañismo, o Concello de Tui e a Entidade Menor de Pazos de Reis.

Este domingo 16 de outubro, dende o pavillón deportivo da Macoca, sairá esta quinta e última proba que resolverá los campións da Copa de Andainas Populares de Regularidade, tralas realizadas en Vigo, Pontedeva, Montes de Vigo  Gondomar, segundo informaron onte fontes municipais.

A recollida das acreditacións comezará ás 8.15 horas, sendo a reunión técnica ás 8.45 horas e a saida a las 9.00 horas.

Trazado

O trazado partirá dende o Pavillón da Macoca, subindo ata o Castro do Alto dos Cubos. Baixará cara os muiños de Tripes e logo ascenderá ata a senda botánica e o Centro de Interpretación do Parque. Pasará pola Pedra do acordo.A última ascensión será ata a Capela de San Xulián no Monte Aloia, para descender polo Rego de Pedra e retornar ao Pavillón da Macoca.

As inscripcións ainda están abertas a través da páxina web www.xistra.org/copaandainas25.

Curso de adestrador básico de fútbol UEFA B

Este mércores, 5 de outubro, ás 19h na Aula CeMIT na Área Panorámica comezará o curso de adestrador básico de fútbol UEFA B, organizado pola escola de adestradores da Federación Galega de Fútbol, en colaboración co Concello de Tui.  No mesmo está xa inscritos unha véntena de persoas, estando aberta a matrícula aínda ata a próxima semana polo que os interesados poden achegarse este mércores ata a Aula CeMIT.

A presentación do curso tivo lugar esta mañá na casa do concello de Tui a cargo do alcalde de Tui, Enrique Cabaleiro, o concelleiro de deportes, Laureano Alonso, o director da escola de adestradores da Federación Galega de Fútbol, Manuel Mosquera, así como José Luis Mosquera, responsable da escola na zona do Baixo Miño.

Enrique Cabaleiro, alcalde de Tui, amosou a súa satisfacción polo inicio deste curso na cidade ofrecendo o apoio do concello para ser sede permanente das actividades formativas da Federación Galega de Fútbol.  Salientou o rexedor que Tui é un referente en instalacións e práctica deportiva e agora tamén en formación no ámbito dos deportes.  Pola súa parte o concelleiro de Deportes, Laureano Alonso, destacou a realización deste curso de monitor de fútbol UEFA B en Tui tras os cursos de monitor de fútbol base impartidos con anterioridade, agardando que no futuro se sigan a celebrar estas actividades formativas.

O director da escola de adestradores da Federación Galega de Fútbol, Manuel Mosquera, agradeceu ao Concello de Tui a colaboración para a celebración destas actividades amosando o interese da súa federación en que Tui poida ser sede permanente dos mesmos. Mentres como José Luis Mosquera, responsable da escola na zona do Baixo Miño destacou o axeitado das instalacións onde ten lugar o curso así coma a cualificación do profesorado que impartirá as clases.

O curso de adestrador básico de fútbol UEFA B celebrarase os luns e mércores de 19.30h a 22.30h na Aula CeMIT na Área Panorámica contando cun total de 300 horas teórico-prácticas. O prezo do curso é de 900€, tendo un desconto de 150€ os que con anterioridade realizou o curso de monitor de fútbol base. Tras rematar o curso os alumnos que superen esta formación poderán adestrar en calquera país da Unión Europea. 

Club Patinaxe Artistico Ribex Tui.

ADULTOS EN ACCIÓN

Señoras y señores temos algo increíble que contarlles , dende o pasado Martes día 4 de Octubre, os máis pequenos do Clube, os nenos de 60 anos volven á pista , así que todos os adultos que se animen a formar parte do equipo, non dubiden en apuntarse xa, no Club... animo a todos eses nenos maiores.

Informamoslles tamén que o prazo das escolas deportivas impartidas os Venres, permanece aberto!! e poden apuntarsse canto antes mandando un e-mail ao clubribex@gmail.com ou nos siguintes números de teléfono 667246016 o en 622653977