Febreiro 2023

Día de Rosalía.

23 de febreiro de 2023.

Sementando Pensamentos.

Con motivo da conmemoración do día de Rosalía de Castro o Equipo de Normalización Lingüística do centro organizou unha actividade no ámbito Naturaliza-T.

O alumnado do centro escribou poemas, frases en pensamentos que despois decorarian o mural de Rosalía.

Aproveitando este momento cada clase plantou o seu pensamento para a compañar o seu mural e que o día de Rosalía coas súas palabras e pensamentos na lingua nai, fose un día máis natural e de respeto ao medio ambiente.

Excelente traballo do Equipo de Normalización do centro e de todo o alumnado.

O C.E.I.P. Nº2  de Tui

no Gran Camiño Ciclista

24 de febreiro de 2023.

O alumnado do  C.E.I.P Nº2 de Tui tivo a oportunidade, hoxe venres 24 de febreiro de 2023, de presenciar a saída da segunda etapa do Gran Camiño 2023 dende Tui.

O alumnado de 5º e 6º visitou as rúas, onde estaban situados os distintos equipos deportivos, cos seus vehículos de apoio á proba.

Posteriormente tiveron oportunidade de ver aos diferentes equipos e fotografiarse cos corredores de Burgos BH, o histórico Alvaro Pino, natural de Ponteareas e gañador da volta ciclista a España no ano 1986 e con Atila Valter corredor do Jumbo Visma e gañador da Volta a Hungría 2020.

Finalmente animaron a todos os corredores na saída da etapa.

O resto de alumnado saíu á rúa Concordia para animar a todos os corredores e desexarlles boa etapa.

Medran as sementes de  4º no interior do colexio.

O día, 23 de febreiro o alumnado de 4º comprobou que as súas plantas están o suficiente grandes para sacalas para a horta. Nuns días temos que facer transplante. Que ben cos coidados de este alumnado.

DEPORTE ESCOLAR.

Bádminton Curso 22-23

O vindeiro, martes 14 de febreiro terá lugar a 2ª xornada da competición escolar de Bádminton da categoría Benxamín ( 3º e 4º) e Infantil ( repetidores de 6º) no Pavillón do Ceip Randufe. O autobús sairá ás 16:00h do colexio, pasará por Rafi, Rotonda Bornetas, Rotonda igrexa Areas.  A volta será aproximadamente ás 19:15h. Todos os participantes terán que traer: merenda, auga, calzado para cambiar, equipación do colexio se  tiveran e chandal do mesmo. Os nenos que vaian a Randufe directamente, terán que estar alí ás 16:30h. Se lles xurde  algunha dúbida poden chamar ao teléfono: 650602161.

Aloia Kids Trail 23.

Sábado, 11 de febreiro de 2023 ás 16:30h.

O pasado sábado, 11 de febreiro de 2022, as 16:30h, tivo lugar a Aloia Kids Trail, unha proba de correr, gozando do entorno do Parque Natural do Monte Aloia en Tui, nas instalacións deportivas da Amacoca. As Categorías foron: BABY POWER: de 5 a 8 años / BABY ROCKET: de 9 a 11 anos/ BABY WARRIORS: de 12 a 14 anos. Alí estiveron 80 corredores do noso colexio coa profe Lore e as súas familias. Gozaron da natureza, fixeron deporte e pasárono xenial. 

Deporte no 2 apoiando sempre iniciativas locais na natureza, de hábitos de vida saudables e felices. Noraboa a tod@s participantes e moitas grazas a todas as familias.

O alumnado de Infantil coa axuda 

das familias plantan patacas, verdura e cebolas.

O pasado mércores 8 de febreiro de 2023 un equipo de familias, estiveron traballando arreo na horta da escola. Con aparellos de labranza, prepararon o terreo para que o alumnado de infantil plantaran patacas. Moitísimas grazas a todas as familias polo seu esforzo e o seu tempo.

Hoxe venres día 10 de febreiro, o alumnado de infantil coas súas profes plantaron as patacas. Traballaron arreo, tiveron unha pequena axuda do alumnado de 5ºA, que se preocupou de que as patacas quedaran ben sementadas.

Gran traballo equipo! Moitas grazas a todas as familias, que fixeron posible que o noso alumnado vivira este gran día. 

Semana da Educación en Tomiño.

6-9 febreiro.

Do 6 ao 9 de febreiro, levouse a cabo no Concello veciño de Tomiño a Semana da Educación é ciencia. Unha clara aposta de este concello pola formación de mestres e familias.

Mestres coordinadores do Plan Proxecta+ Aliméntate ben, estiveron nestas xornadas. Mostrando especial interese, na ponencia de José Manuel López Nicolás: Alimentos do século XXI: verdades e mentiras.

José Manuel abordou diversidad de temáticas alimentarias. Alimentos saudables, publicidade, aditivos, etc..

 Aloia Kids Trail 23.

Sábado, 11 de febreiro de 2023 ás 16:30h.

O vindeiro sábado, 11 de febreiro de 2022, as 16:30h, terá lugar a Aloia Kids Trail, unha proba de correr, gozando do entorno do Parque Natural do Monte Aloia en Tui, nas instalacións deportivas da Amacoca. As Categorías serán:

Sábado, 11 de febreiro ás 16:30h.

BABY POWER: de 5 a 8 años / BABY ROCKET: de 9 a 11 anos/ BABY WARRIORS: de 12 a 14 anos.

Domingo,  12 de febreiro ás 10:00h

A proba de 20k a saída será ás 10:00 da mañá  e reservada para corredores maiores de 18 anos.

A proba de 10k a saída será ás 11:00 horas e reservada para maiores de 15 anos.

Para o alumnado deixámosvos a folla de inscripción aquí.

Para os adultos a inscrición na proba poderá realizarse cubrindo o seguinte formulario:

https://www.deporticket.com/web-evento/7923-aloia-trail

Atoparedes toda a información en : http://www.traildoaloia.com/

Dende o Equipo de Deporte no 2, animamos a todo o alumnado e familias a sumarse a esta iniciativa de vida sa e saudable, que temos a oportunidade de gozar en Tui.

Campo a Través Provincial Escolar 22-23.

Azucareira  de Portas

Mércores 1 febreiro 2023

         O pasado, mércores día 1 febreiro de 2023, en horario de mañá, tivo lugar o Campionato Escolar Provincial de Campo a Través Provincial da presente Campaña Deportiva,  nas Instalacións da Azucareira de Portas. Nesta xornada participou o alumnado de 5ºA do noso colexio que se clasificaron na proba que tivo lugar en Caldelas de Tui.Noraboa equipo! Gran traballo. Grazas ao papá de Martina que se desprazou ata Portas, para animar a este gran equipo.