Proxectos

Un dos grupos de quinto de primaria elaborou este vídeo como outra das accións que estamos a desenvolver en torno ao 3 de decembro, día da discapacidade. O obxectivo é transmitir a idea que a diferencia esta en todos os ámbitos sociais e dar visibilidade ás persoas con discapacidade, valorando a súa capacidade para superar as dificultades.

Hoxe tivemos uns convidados moi especiais dentro das actividades organizadas para conmemorar o día da Discapacidade: Nove cans do club "Só lles falta falar" acompañados polos seus donos e coidadores.

María Sabell, especialista en comportamento animal, faloulle ao alumnado de segundo de Primaria do coidado, características e beneficios que estes animais poden ofertar a todas as persoas e especialmente a aquelas con algún tipo de discapacidade. En Compostela, onde a asociación está máis asentada, realizan programas de terapia nos que os cans son empregados como «mediciña» en determinadas patoloxías ou  incapacidades.

A experiencia foi magnífica, os nosos nenos e nenas acariñaron, cepillaron e pasearon a estes incribles amigos e puideron satisfacer  a súa curiosidade formulándolle todas as preguntas que quixeron a María, Pablo, Ana  e ós outros membros do club.

Moitas grazas a estes especiais amigos

(VER FOTOS)

O 3 de decembro é o día internacional da discapacidade. Queremos facer visibles a todas aquelas persoas con esta condición  e sensibilizar ao noso alumnado sobre este tema, rompendo  as barreiras sociais que dificultan a integración destas persoas.

Ao longo de dúas semanas realizaremos actividades con este obxectivo: visualización de curtas, ciclo de cine, obradoiros e charlas, realización de lemas e carteis e exposición de materias da Once e bibliograficos.

Contaremos coa participación en charlas e obradoiros de varias organizacións que traballan neste campo: Once, Cogami, Federación de Xordos, So lles falta falar e Down Compostela. A todas elas o noso maior agradecemento.

Un ano máis os nosos alumnos e alumnas sorprendéronnos  cunhas arrepiantes cabazas.

Bruxas, morcegos, zombis, mortos, bichería, pantasmas ... están representados e acompañarannos nesta semana na que o medo é o protagonista.

Convidamos ás familias a visitar esta terrorífica mostra, situada na entrada do centro. Para aqueles que non poidan vir, aquí tedes estas fotografías que serviran de testemuña da orixinalidade destas creacións.

Con motivo da celebración do Día da Muller, o pasado 8 de marzo, organizamos un programa de charlas e obradoiros que se están desenvolvendo durante esta segunda quincena de marzo e onde a Luz estivese presente no seu ámbito formativo e/ou laboral.

• O  martes, 17, visitounos Silvia García González, decana e profesora na facultade de Belas Artes de Pontevedra, dándolle unha conferencia ao alumnado de 5º de Primaria sobre “A luz coma materia prima na arte”.

• O mércores, 18, estiveron connosco Eva Núñez Pérez, farmacéutica de Brión, e Carmen Castro Martínez, astrofísica. Eva fixo un obradoiro co alumnado de 3º de Primaria, sobre a extracción dos pigmentos que conteñen as espinafres e Carmen obradoiros relacionados co eclipse que terá lugar o 20 deste mes.

Posteriormente,fixose unha exposición cos traballos realizados e que o alumnado explicou aos seus compañeiros e compañeiras da escola.

•   Por último, o luns 23, o alumnado de 6º foi invitado polo profesorado do IES de Brión para realizar un obradoiro sobre  “A construcción de cociñas solares”. Estiveron con eles Mª Luz Ramos , profesora de Tecnoloxía e Xavier Lorenzo Abalde, profesor de Plástica.

Agradecemos a todas/os a súa implicación.

Podedes ver máis fotos na galería se premedes aquí.