Skip to Content

Proxectos

Mergúllate na lectura

No cole estamos realizando un proxecto de investigación sobre o mar. Todos os rapaces do cole están traballando sobre este tema. Cada grupo o fará dacordo aos seus intereses. Ao final do proxecto realizaremos unha mostra na que cada curso presentará ao resto o aprendido. Dende a biblioteca  colaboramos con esta iniciativa ambientando a nosa sala con elementos relacionados co mar e a pesca  e ofertando materiais bibliográficos que ofrezan información sobre este tema e que faciliten o traballo do alumnado. Podedes ver máis fotos na galeria.

Falando do Mar

Temos que darlle as Grazas a Daniel Molinos, pai de dúas das nosas alumnas , que estivo esta semana no noso centro para falarlles do mar aos nenos e nenas de primero e segundo. Daniel é biólogo e coñece moitas cousas sobre a fauna que vive na costa. Os nenos o pasaron moi ben coñecendo como son, como é a vida e curiosidades de animais do mar.

UN MAR DE LECTURAS

Este curso o proxecto interdisciplinar de investigación que realizaremos no colexio será en torno a un tema ben interesante: "o mar".

Intentaremos que o noso alumnado descubra moitísimas cousas e que aprenda a importancia que ten. Deste xeito promoveremos actitudes de respecto e coidado medioambiental.

Poñémonos en ruta cunha mostra de libros informativos e de ficción en torno a este tema. Así que non o dubides, mariñeiro,  e mergúllate nun mar de lecturas!

LIÑA DO TEMPO

Dentro do proxecto de investigación que estamos a desenvolver este curso sobre a prehistoria, construimos no corredor da planta baixa do centro unha liña de tempo da formación do noso planeta, dende o Big Bang ata aparición dos hominidos. En cada era pódese ver algúns dos principais seres vivos que existieron e seguimos a súa evolución ao longo do tempo. A lonxitude dos diferentes periodos son proporcionados para dar unha idea real da súa duración. Alumnos/as de cuarto de primaria fixeron de guías para o resto dos compañeiros na visita á exposición. O alumnado tamén participará nunha xincana con preguntas sobre o exposto  e os máis pequenos nun concurso de debuxos sobre este tema.

sentímolo, flash non está dispoñible.

Anxo Moure de novo connosco!

Visita de Andres Tuñez

Como remate das actividades realizadas o mes de maio en torno ao deporte, tivemos a sorte de contar cun gran futbolista da nosa comarca: Andrés Túñez, xogador do Celta de Vigo e da selección de Venezuela.

Andrés contestou ás preguntas que lle fixeron os rapaces e rapazas sobre a súa vida deportiva.

Na galería podedes ver máis fotos deste día e dos outros convidados este mes: Corbacho do Obradoiro e Alex do Lobelle.

Parque arqueolóxico de Campolameiro

O xoves 10 de maio, os nenos e nenas de terceiro e de cuarto fomos ao parque arqueolóxico de Campolameiro. Ao chegar fixemos tres grupos.Os de terceiro A fomos primeiro ao obradoiro de pan: moemos trigo con dúas pedras para facer fariña, fixemos o pan con fariña, auga e sal. Os monitores coceron a masa enriba dunha pedra que estaba no lume. Déronnos para probar ese pan con nocilla.

Tamén fomos ver os petroglifos, descubrimos que os prehistóricos tiñan animais máxicos coma o cervo. O cazaban pero non o comian. Pensaban que os debuxos das estrelas eran sinais dos espiritos. Fomos a un poboado prehístorico e nunha cabana vimos como facian lume con dúas pedras.

O DEPORTE TAMÉN NA BIBLIOTECA

Dentro da programación de actividades que estamos a realizar este mes sobre o deporte, acabamos de estrear na biblioteca unha mostra bibliográfica sobre este tema. Nela os nenos e nenas poden ver, ler e disfrutar de novos títulos que teñen como punto común o deporte.

Agardamos que vos guste!

MES DE MAIO, MES DO DEPORTE

Ao longo deste mes temos organizadas unha serie de actividades relacionadas co deporte. A intención é promover entre o noso alumnado a práctica de exercicio e de hábitos saúdables. Teremos a sorte de recibir no noso centro a visita de destacadas figuras do mundo deportivo galego, xa vos iremos informando...

Na biblioteca realizaremos un ciclo de películas relacionadas co deporte  e tamén unha mostra de libros e vídeos sobre este tema.

Distribuir contido