Skip to Content

Proxectos

Almanaque solidario

Este é o segundo ano que colaboramos co Colectivo Estiño na elaboración dun almanaque anual adicado nesta ocasión as sobremesas doces.

Moitos son os centros escolares da nosa Comunidade que participan nesta iniciativa. O recaudado coa venda dos calendarios está destinado a proxectos sociais desenvolvidos en Nicaragua.

Así de chulo quedou, a ver se atopades o noso sabroso flan!!!!

A Vendima

Texto da Vendima

Festival Entroido 2016

Este ano o Entroido xirou en torno ao proxecto que estamos a desenvolver no centro "Cóntame ciencia". Os contos e as súas personaxes foron os protagonistas desta xornada festiva.

(Ver fotos)

alicia zombies

Actividades de sensibilización sobre a discapacidade en Educación Física

Dende a área de Educación física, tratamos de sensibilizar ao alumnado sobre a discapacidade física a través do desenvolvemento de actividades onde os alumnos e alumnas teñen que poñerse no lugar dunha persoa invidente e experimentar as dificultades de movilidade coas que se atopan.

(VER FOTOS)

3 de decembro día internacional da discapacidade

Hoxe reunímonos todos no patio do recreo para conmemorar este día.

Todas as actividades realizadas na campaña tiveron como obxectivo concienciar ao noso alumnado sobre a situación e as dificultades coas que se atopan na sociedade as persoas con discapacidade e as barreiras existentes.
Quixemos contribuir a conseguir un mundo sen barreiras e en igualdade, xa que coñecendo e comprendendo as circunstancias destas persoas, podemos formar unha sociedade máis igualitaria, de aceptación activa á diversidade e á diferencia.
O alumnado de quinto e sexto leron as súas reflexións sobre o que quere dicir a integración e  a aceptación real da discapacidade. Despois cantamos todos xuntos unha canción de María Fumaça en lingua de signos "Eu teño alguén".

foto das gradas co alumnado

 

 

 

 

 

 

 

(Fotos)

Charla de Marián e Carmen da ONCE

Dentro do programa de actividades de sensibilización sobre a discapacidade que estamos a desenvolver ao longo destas dúas semanas, visitáronnos Marian e Carmen, traballadoras da ONCE de Pontevedra e de Santiago. Faláronos da problemática e dificultades das persoas con discapacidade visual e das ferramentas e estratexias que empregan para superalas e conseguir ter unha vida completamente normal. O noso alumnado tivo a oportunidade de experimentar como se despraza unha persoa cega con axuda de bastón ou dun acompañante, como xogar cun balón sonoro ou de recoñecer cores a través do olor.
Estas dúas mulleres demostráronnos que a integración e a inclusión é posible.

(Ver fotos)

Exposición materiais da ONCE

Estes días, na entrada do cole, está instalada unha exposición de materiais da ONCE emprestada polo centro de recursos da ONCE de Pontevedra.
O noso alumnado está a visitar estes materiais para persoas con discapacidade visual. Hai algúns adicados á aprendizaxe de Braille (xeradores, plantillas, alfabetos,...); educativos (mapa en Braille, xerador numérico, contos...)­; materiais de uso cotiá (bastóns, metro, detector de líquidos) e tamén de ocio como parchís, dominos, balón sonoro,...
Ademáis de experimentar con todos estes materiais, propuxemos aos nosos alumnos e alumnas un concurso no que teñen que ler unha frase en Braille.

(Ver fotos)

Frase escrita en Braille neno facendo puzzle adaptado

Carteis da campaña de sensibilización sobre a discapacidade

O alumnado de primeiro, segundo, terceiro e cuarto de primaria está a elaborar carteis co fin de concienciar sobre distintos aspectos da discapacidade e accesibilidade.

Despois de reflexionar nas aulas sobre os dereitos das persoas con discapacidade, queren reflectir, plásticamente  e cun lema, a importancia de mellorar e investir en accesibilidade dende a mirada da igualdade e a inclusión.

 

(Ver carteis)

 

Federación de Persoas Xordas de Galicia

A través do coñecemento do mundo da discapacidae, queremos fomentar entre o noso alumnado actitudes solidarias, de compromiso e respecto á diversidade que nos rodea.

A Federación de Persoas Xordas de Galicia, colaborou con nós, ofrecendo aos nosos alumnos e alumnas a oportunidade de achegarse ao mundo das persoas non oíntes e coñecer a maneira e as ferramentas que empregan para desenvolverse na sociedade e superar as barreiras  coas que se atopan.

Agradecemos a participación nestas charlas de Jaime, mestre de linguaxe de signos e de Carolina, interprete oral.  (ver fotos)

Video sensibilización sobre a discapacidade

Un dos grupos de quinto de primaria elaborou este vídeo como outra das accións que estamos a desenvolver en torno ao 3 de decembro, día da discapacidade. O obxectivo é transmitir a idea que a diferencia esta en todos os ámbitos sociais e dar visibilidade ás persoas con discapacidade, valorando a súa capacidade para superar as dificultades.

 

sentímolo, flash non está dispoñible.

Distribuir contido


by Dr. Radut