O Ceip de Pedrouzos sumouse a esta conmemoración, organizando un intercambio poético entre o alumnado e persoal do centro. Os nenos e nenas trouxeron unha poesía que lles gustaba ou que escribiron eles. Colocáronse, ao longo do luns e martes, nos tres puntos de intercambio situados no centro. Ao final da semana, cada alumno/a puido recoller unha destas poesías para levala a casa. O formato de punto de lectura permitirá darlle unha nova vida a estas poesías. Compartir poesía entre o alumnado foi o obxectivo desta actividade. Grazas a todos/as pola vosa colaboración.
Este curso, dentro das nosas propostas de animación á lectura e para conmemorar o día do libro, temos a sorte de contar con Servando Barreiro que nos vai a amosar a súa proposta didáctica a través de O Bardo Abelardo. Contaremos ca súa presencia este venres, 28 de abril.
Estamos a piques de acabar o segundo trimestre deste curso e para rematalo axeitadamente a anpa do colexio, "Andaravia", organizou para todo o alumnado de primaria unha actuación do músico Álvaro Muras e o mago Martín Camiña que terá lugar o venres 7 de abril no ximnasio do centro.
Como vai sendo tradicional (quinta edición), o Festival internacional Atlántica de Narración Oral que se celebra ao longo dos días 15 ao 19 de marzo en Santiago,volve a recuncar no noso centro.
O programa deste ano é moi interesante!!!
Martes 14 marzo Claudia Fonseca (Brasil) para Infantil (11 h.)Mércores 15 marzoPablo Albo (Alicante) para 3º e 4º de Primaria (10:15 h.)Venres 17 marzoSofía Maul (Madeira) para 1º e 2º de Primaría (11 h.)Vitor Fernandes de Trás Os Montes (Portugal) para 5º e 6º de Primaria (11 h.)
O día 24 de febreiro ao chegar á escola, agardábamos unha sorpresa: A anpa Andaravía para conmemorar o nacemento da escritora galega montou un Photocall na entrada do centro.
Moitos nenos e nenas, pais e profes puideron fotografarse con carautas de Rosalía ou portando algún dos títulos das súas obras. As fotos quedaron moi divertidas!!!
Grazas a anpa do cole por dinamizar esta conmemoración!!!
O día 24 de febreiro ao chegar á escola, agardábamos unha sorpresa: A anpa Andaravía para conmemorar o nacemento da escritora galega montou un Photocall na entrada do centro.
Os que quixeron puideron fotografarse con carautas de Rosalía ou portando algún dos títulos das súas obras. As fotos quedaron moi divertidas!!!
Grazas a anpa do cole por dinamizar esta conmemoración!!!
Na entrada dos edificios de Primaria e de Infantil están instaladas as exposicións de cabazas realizadas polos nosos nenos e nenas axudados polas súas familias. Tedes ata o venres para visitar esta marabillosa mostra.
Este ano conmemoramos o día do libro coa representación, o venres 22 de abril, dunha obra de teatro de Xosé Neira Vilas, "O espantallo amigo" polo grupo de teatro OS QUINQUILLÁNS. Ao remate da actuación os nenos e nenas recibirán un agasallo literario.
Para facelo posible colaboraron o Concello de Brión, a Anpa do centro, Andaravia, e a editorial Galaxia.
O Apalpador veu da serra do Courel para visitar aos máis pequenos/as de Pedrouzos.
Na noite do 25 ou do 31 de decembro, este xigante bonachón e de oficio carboeiro, abandoa as altas montañas nas que vive e baixa ás aldeas para entrar sen facer ruido nos cuartos dos máis pequenos. Despois de palparlles a barriguiña con moito coidado (de ahí o nome de Apalpador) e comprobar que estaban ben alimentados, desexáballes o que o vindeiro ano non pasen fame e como agasallo de Nadal deixalles unha boa presa de castañas asadas.
O Apalpador tamén falounos do importante que é ter unha alimentación sá e equilibrada e de respectar e coidar o noso entorno. (ver fotos)
