Skip to Content

Animación á lectura

Visita do escritor Joan Manuel Gisbert.

Hoxe recibimos a visita de Joan Manuel  Gisbert, un escritor moi divertido. Escribiu moitos libros e nós no cole xa lemos dous, o último  El palacio de los tres ojos.
O escritor veu para comentar os seus libros, principalmente este último que lemos. Tamén nos contou como empezou a escribir, que fora unha decisión difícil e que aos seus pais o comezo asustáralles un pouco.
Fixo preguntas sobre os seus libros e os que acertaban regaláballes unha libretiña moi chula.
A verdade e que o pasamos moi ben e estamos desexando ler outro libro seu. Estamos moi contentos de que Joan Manuel  Gisbert nos visitara!

Lucas e Pedro, 4ºB.

A GRATA VISITA DO CONTADOR DE CONTOS, INACIO VILARIÑO

Hoxe, 29 e mañá 30 de outubro contamos co inxenioso contacontos  Inacio. Sorprendeunos cunha morea de historias, dándolle un protagonismo especial a un animal que aínda que din chamarlle burro, despois de escoitar a este artista chegamos á conclusión que de burro non ten nada. Fíxonos rir, participar e ata asustar; en fin, de todo un pouco.

Finalmente asinou tres dos seus libros cunha dedicatoria en cada un deles. O máis coñecido para os rapaces, Fábula Galénica, traballado nas titorías e do que Inacio representou unha parte na que tod@s os nen@s participaron moi entusiasmados.

SAMAÍN: CINE DE MEDO

Este curso continuamos cos ciclos de cine no recreo do comedor. Xa vai sendo un clásico para nós o ciclo de películas de medo en torno ás datas do Samaín.

Nesta ocasión veremos Monster House o día 25 e 26 de outubro, Bitelchus de Tim Burton os días 29 e 30  e Shrek Terrorífico o mércores 31.

Agardámosvos na biblioteca!!

O JAZZ DOS SOÑOS

Carmela Vieites, alumna de sexto de primaria, ganou o primeiro premio do IX Certame literario de Ames deste ano co seu conto "O Jazz dos soños". pedimoslle que nos presentara o seu traballo  na biblioteca e xunto co seu amigo Pablo fixéronnos unha lectura dramatizada. Como a súa titora dicia -"Seguro que Carmela será unha gran escritora!"

 


23 de abril, Día do Libro

 

Esta semana para conmemorar

o día do libro, teremos todos os

días Contacontos na hora do recreo.

Os narradores serán profes do cole

que nos farán disfrutar da literatura

coas súas narracións.

 

ver fotos desta actividade

cartel día do libro

MULLERES DE CINE!

Seguindo cos ciclos temáticos de cine na biblioteca, a próxima semana conmemoraremos o Día da Muller Traballadora, 8 de marzo, adicando un ciclo de cine ás mulleres: Mulleres de Cine!

 

A través de películas con protagonistas femininas queremos saíntar o papel das mulleres e das nenas na nosa sociedade.

Os filmes elexidos nesta mostra son: A viaxe de Chihiro (luns 5 e martes 6 de marzo) do director nipón Hayao Miyazak, Pippi Calzaslargas (mércores 7) e Matilda (xoves 8 e venres 9). As proxeccións comezan ás 3:30 na Biblioteca do cole.

cartel anunciador ciclo cine

14 febreiro, día do Amor e da Amizade

Os nosos rapaces e rapazas escribiron un feixe de cartas aos seus amigos e tamén aos "maís que amigos". Tivemos unha carteira moi especial que foi a encargada de facer o reparto. Algúns nenos, nenas e tamén algúns profes quedaron ben sorprendidos ao recibir estas agarimosas mensaxes.

Grazas Vanesa pola túa axuda!

Ver máis fotos

Corazón repartindo as cartas

CARTAS DE AMOR E AMIZADE

Quen non ten no cole un amigo ou amiga especial a quen lle gustaría adicar unhas palabras fermosas?

Por que non decirlle a esa persoa porque é tan importante para ti?

Podes escribir unha carta dirixida a un neno ou nena do cole e falarlle dos teus sentimentos cara ela. As cartas serán anónimas e nós llas faremos chegar aos seus destinatarios o día 14 de febreiro. Anímate e abre o teu corazón, seguro que ao teu amigo ou amiga lle encanta recibir a túa carta!

Podedes pedir un modelo de carta na biblioteca.

cartas de amor e amizade

 


FILM FESTIVAL

A próxima semana celebraremos na biblioteca un "Film festival". No recreo do comedor proxectaranse películas en Inglés. As peliculas foron seleccionadas pola profe de inglés Teresa e son adaptadas para que os nenos e nenas as poidan entender e seguir. Este é a programación: luns e martes Wizadora, mércores Postman Pat, xoves e venres The Wrong Trousers.

Agardamosvos as 15:30 na biblioteca!

foto carteleira de cine

Story-telling week !!

A próxima semana na biblioteca realizaremos unha nova actividade: Lectura de contos en inglés.

Alumnos do centro anglofalantes e Melissa, asistente de conversa, farannos disfrutar de relatos na súa lingua orixinal.

Podedes consultar o programa no blog da profe de Inglés Teresa

Ver fotos

Portada conto Portada conto


Distribuir contido


by Dr. Radut