Skip to Content

Animación á lectura

Un conto de medo polo Samaín

O alumnado de Educación Infantil acudiu o 30 de outubro á Biblioteca ao visionado dun conto de medo: A Bruxa Regañadentes de OQO Editora.

 

Posteriormente, a profe Susana abriu a MALETA DOS LIBROS e contou o conto de: A FIGUEIRA DE PELOSTORTOS.

 

Foi terroríficamente divertido!!!

Cine de Medo no Samaín

Como xa ven sendo tradición no colexio, a semana do Samaín celebramos un ciclo de películas de medo. Proxectaranse no recreo do comedor dúas arrepiantes historias: Frankenweenie de Tim Burton e El alucinante mundo de Norman.

O libro da semana

Cada semana os nenos e nenas de Infantil e primeiro ciclo de Primaria van á biblioteca con moita ilusión para descubrir cal é o libro que lles agarda na "maleta dos libros". Unha narración moi especial que espertara a súa imaxinación e lles trasladara a mundos fantásticos.

O conto desta semana foi "O Grufalo" , a historia dun ratiño moi listo,  escrita por Julia Donaldson (vídeo do conto).

Lecturas para o verán

Dende a biblioteca recomendamos lecturas para o verán relacionadas co Proxecto de investigación que realizaremos o próximo curso no centro en torno ao tema de "Outros países, outras culturas".

Aproveitade as vacacións para disfrutar coa lectura e viaxar dende as páxinas dun libro!

Descargar a guía

Falando de Roberto Vidal Bolaño na radio

Alumnos e alumnas de cuarto e de sexto do noso centro serán os protagonistas dun programa de radio que se emitirá o día das Letras Galegas, 17 de maio, sobre a figura de Roberto Vidal Bolaño.

Os alumnos de cuarto participaron na creación dun vídeo no que se fai un percorrido pola vida e obra deste gran dramaturgo e que podedes ver dende a seguinte ligazón (ver vídeo). No programa radiofónico presentan o traballo biográfico que fixeron para a realización deste biodocumental. 

As nenas de sexto representaron un dos diálogos da obra "O Touporroutou da Lúa e do Sol" que, xunto cos seus compañeiros de clase, dramatizaron no colexio.

O programa emitirase o día 17 de maio, de 12:30 a 13:30h. na Cope (no 97.1 de FM).

(escoitar programa)


O Touporroutou da lúa e do sol

Unha das obras de teatro infantil máis divertidas de Roberto Vidal Bolaño é O Touporroutou da lúa e do sol, " unha farsada choqueira para actores e bonecos" , como el a denominaba, que representaron os nosos alumnos.

Alumnos de terceiro fixeron unha versión na que combinan teatro de sombras con personaxes reais. Outro grupo de nenos e nenas de sexto fixeron unha representación na que eles mesmos caracterizaban aos personaxes desta comedia.

Nesta historia cóntase a chegada a un pobo dunha compañia de teatro ambulante formada por Catarina de Siena e Ramiro de Blas. Eles representan co seu teatriño  O Touporroutou da lúa e do sol  unha peza, na que de xeito fantástico, explícase como foi o nacemento dos días e das noites, os diferentes disfraces dos demos, cousas de tesouros...




Rubén Ruibal

sentímolo, flash non está dispoñible.

Rubén Ruibal

 

Hoxe tivemos a sorte de contar coa presenza entre nós de Ruben Ruibal.

Ruben é un dos autores teatrais galegos de maior recoñecemento a nivel nacional. Coñeceu persoalmente a Roberto Vidal Bolaño e traballou xunto a el durante dez anos na compañía Teatro do Aquí. Roberto foi un dos autores que máis influíu na súa obra. No ano 2000, Rubén crea a compañia Teatro Cachuzo, que levou ás táboas as súas primeiras obras: Fume e Nunca durmo. Outras das súas obras foron Traffic: arroz mubi e Triunfadores!

En 2007 ganou o Premio Nacional de Literatura de España coa obra Limpeza de sangue, dous anos despois de ser galardonada co Premio Alvaro Cunqueiro de Textos Teatrais, tamén recibiu o premio María Casares ao mellor texto orixinal en 2011.

Actualmente é coordinador da aula de Tearo e Danza da Universidade da Coruña.

No ano que conmemoramos a figura de Roberto Vidal Bolaño, Rubén veu falarnos deste dramaturgo, o que máis importancia tivo na valoración do teatro profesional galego de todos os tempos.

Agradecemos a Rubén a súa xenerosidade ao compartir con nós o seu tempo e facernos partícipes dalgunhas das súas

 

experiencias e vivencias xunto a RVB. (ver vídeo)




 

 

 

Roteiro por Santiago e Brión con Roberto Vidal Bolaño

A través deste vídeo queremos visitar os lugares de Santiago e Brión máis destacados na vida do dramaturgo homenaxeado este ano no Día das Letras Galegas. Da man  de Roberto percorreremos algúns dos lugares que tiveron para el maior significado, persoal ou profesionalmente. Estes lugares pertencen tanto a Santiago como a Brión, concello que o acolleu nos seus  derradeiros anos.

Ver vídeo

Contacontos do Día do Libro

Toda esta semana, nos recreos, tivemos Contacontos na biblioteca. Quixemos festexar este día por todo o alto e grazas a colaboración do profesorado puidemos organizar unhas sesións que fixeron as delicias dos asistentes coas narracións dunhas fantásticas historias. Máis fotos

María Penide "O rei e as súas fillas"

Rosa "A pota que trota"

Maria Tilve "Lendas"

 

Xosé Vázquez "Nova historia de Pinocho"

Marisilla "A cebra Camila"

Susana Penabad "Amelia quere un can"


Distribuir contido


by Dr. Radut