CEIP DE PEDROUZOS - Brión

Hoxe na biblioteca do cole fíxose a entrega dos agasallos aos gañadores e finalistas do Concurso de tarxetas de Nadal que organiza o Concello de Brión e no que todos os anos colabora o noso centro. O alcalde, José Luis García e o director do CEIP de Pedrouzos, Xosé Antonio Martínez foron os encargados de recoñecer o traballo destes alumnos e alumnas con estes premios.

Parabens aos autores/as dos traballos escollidos e agradecer a todo o alumnado a participación nesta iniciativa!!

O departamento de inglés do centro organizou unha representación de teatro nesta lingua para todo o alumnado do centro. A conpañia FACE TO FACE representou a obra Fishy Tale que narra a historia dun pobre mariñeiro e a súa muller.

O noso alumnado é moi lambón e hoxe disfrutaron dun delicioso chocolate acompañado con rosca. O chocolate foi preparado polo persoal de cociña do centro ao que lle agradecemos a súa colaboración ao facer posible esta despedida tan doce do ano.  Estaba de rechupete!!!!

As coidadoras do comedor e persoal non docente do centro veñen de rematar un cursiño de primeiros auxilios desenvolto no centro en tres sesións de dúas horas cada unha. Rubén Martínez Suárez, que traballa no servizo da atención médica do 061 foi o encargado da Formación.

O curso, eminentemente práctico, proporcionou aos asistentes nocións básicas sobre o modo de proceder en caso de traumatismos, feridas, lesións, atragantamentos, parada cardiorrespiratoria e perdida da conciencia.

Agradecemos a participación e a interese no cursiño ás colaboradoras do comedor e a Rubén que de xeito desinteresado proporcionounos esta formación así como os materiais que se empregaron ao longo da actividade.