Comezamos o proceso de admisión e matrícula para o vindeiro curso 2019-20 coa reserva de praza nos centros de adscrición.

Do 1 ao 15 de febreiro os alumnos e alumnas de 6º de primaria que desexen continuar os seus estudos no IES EDUARDO BLANCO AMOR (centro ao que está adscrito o noso centro), deben presentar, ben na secretaría do centro, ben de forma electrónica, o impreso de solicitude de reserva de praza. 

Nos seguintes enlaces podedes acceder a toda a información e descargar o impreso de solicitude de reserva:

- Información sobre a reserva de praza

- Impreso de solicitude 

- Enlace á páxina web da Consellería de Educación

Así celebramos o NADAL no cole:

1- Adornamos a entrada, aulas e corredores.

2- Decoramos as portas con motivos propios destas datas.

3- Escribimos as nosas felicitacións de NADAL.

4- Na biblioteca realizamos o xa tradicional obradoiro de NADAL.

5- Visitamos aos maiores do Centro Residencial de San Amaro e cantámoslles os Reis.

6- Recibimos a visita de Papá Noel.

7- Tamén nos viñeron ver os Reis Magos aos que lles entregaron as súas cartas os máis pequenos do cole.

8- Rematamos coa celebración do tamén tradicional FESTIVAL de NADAL, onde todos os nenos e nenas demostraron as súas dotes como artistas.

(Se premedes en cada número da imaxe superior poderedes ver unha presentación de imaxes de cada actividade realizada). 

Os nosos amigos OS BOLECHAS son agora uns superheroes da reciclaxe dos RAEE... e que son os RAEE? pois iso nos veu explicar o pasado 18 de decembro o seu profesor, acompañado por PILI (unha das irmás BOLECHAS). Os RAEE son os Residuos de Aparellos Eléctricos e Electrónicos que son un problema máis para o medio ambiente debido ao constante aumento do lixo electrónico e a gran contaminación que producen, moitos deles conteñen sustancias perigosas para o medio ambiente (mercuro, chumbo... ) difíciles de eliminar e incluso tóxicas para a nosa saúde. 

En diferentes vídeos os Bolechas explicaronnos todo sobre os  RAEE, cales son, onde debemos reciclalos e outros consellos para converternos tamén en superheroes da reciclaxe. Tamén nos ensinaron e bailamos todos o RAP dos RAEE.

 Ademais invitáronos a unirnos ao seu movemento de superheroes da reciclaxe dos RAEE:

(Preme nas imaxes para acceder á nova na páxina oficial dos BOLECHAS e á páxina dos ELECTRECOS, onde teredes acceso a contidos extra e xogos, ademais da información sobre a reciclaxe dos RAEE)

Damos a coñecer os nomes dos gañadores do III CONCURSO DE FOTOGRAFÍA: O OUTONO, convocado polo equipo de METEOESCOLAS: 

- 1º PREMIO: "TEMPO DE OUTONO"- Valeria Rodríguez Rodríguez de 4º EI

- 2º PREMIO:  "SETAS"  - Daniela Rodríguez López de 5º EP 

- 3º PREMIO: "FLORECER OTOÑAL" - Sofía Serrano González de 6º EI 

Na seguinte presentación podedes ver as fotos gañadoras e todas as demais fotos presentadas ao concurso:

Convidámosvos a todos a asistir á función de Nadal que realizaremos o vindeiro venres 21 de decembro ás 10:30 h. Esperámosvos!!! Este é o programa das diferentes actuacións:

Diversas actividades que realizamos este curso foron nova nos xornais, tanto impresos como dixitais. Así o pasado 12 de decembro no suplemento XORNAL ESCOLAR do xornal LA REGIÓN saiu en portada a actividade OBRADOIRO DE PAN DE MILLO que realizaron os pequenos e pequenas de 5º de infantil facía uns días. 

No seguinte enlace podedes consultar máis información sobre esta actividade no blog de VOZ NATURA do noso centro:

- PANADEIROS POR UN DÍA

Tamén a saída, compartida con membros do centro residencial de San Amaro, realizada as ruínas do mosteiro de Santa Comba de Naves, ao bosque de Falán e á aldea de A Conchada e na que actuou o historiador Suso Martínez, saíu no xornal LA VOZ DE GALICIA o pasado 02 de novembro (tanto na súa edición impresa como dixital):

Edición dixital LA VOZ DE GALICIA:

ENCUENTROS INTERGENERACIONALES 

Esta mesma nova saiu publicada tamén no suplemento XORNAL ESCOLAR do xornal LA REGIÓN o 31 de outubro:

E tamén na súa edición dixital: 

UN PASEO CARA ATRÁS 

 Unha vez celebradas as votacións para a renovación parcial dos membros representantes dos distintos sectores que compoñen o Consello Escolar do centro, podedes consultar a nova composición no seguinte enlace:

CONSELLO ESCOLAR 2018-19

"La Declaración sobre la eliminación de la violencia contra la mujer emitida por la Asamblea General de la ONU en 1993, define la violencia contra la mujer como “todo acto de violencia que tenga o pueda tener como resultado un daño o sufrimiento físico, sexual o psicológico para la mujer, así como las amenazas de tales actos, la coacción o la privación arbitraria de la libertad, tanto si se producen en la vida pública como en la vida privada.”

"La violencia contra la mujer sigue siendo un obstáculo para alcanzar igualdad, desarrollo, paz, al igual que el respeto de los derechos humanos de mujeres y niñas. Lo que es más, la promesa de los Objetivos de Desarrollo Sostenible (ODS) de no dejar que nadie se quede atrás, no podrá cumplirse sin primero poner fin a la violencia contra mujeres y niñas".  (sinopse extraída da páxina web da Organización das Nacións Unidas).

Para contribuír a erradicar este grave problema, sensibilizando aos máis pequenos, fixemos no colexio un pequeno acto conxunto o 23 de novembro (por coincidir o día 25 en domingo). Comezamos coa lectura dun pequeno manifesto realizado polos alumnos e alumnas de 6º de primaria, logo en dous turnos, cantamos e bailamos as cancións "LA PUERTA VIOLETA" de ROZALÉN e "DÉJALA QUE BAILE" de MELENDI con ALEJANDRO SANZ e ARKANO, cancións cuxas letras expresan o seu rechazo a estos actos violentos e defenden a liberdade da muller. Un pequeno acto emotivo no que os nenos e as nenas sentiron unha vez máis a alegría de estar xuntos convivindo en igualdade. 

Deixámosvos as imaxes dos dous momentos vividos:

Nenos e nenas de 1º, 3º, 4º, 5º e 6º

Nenos de nenas de Educación Infantil e 2º de primaria

 Enlace ás cancións en  youtube:

No DÍA UNIVERSAL DA INFANCIA (20 de novembro), recordamos os DEREITOS DE TODOS OS NENOS E DE TODAS AS NENAS.

Picade en cada número para ler un resumo de cada dereito.

O pasado 9 de novembro celebramos o tradicional MAGOSTO no colexio. Comezamos cun xantar típico destas datas no comedor (o tempo estaba moi inestable e o chan mollado, co cal era complicado xantar fóra como fixemos en anos anteriores). Xa no patio acendemos a tradicional fogueira e asamos unhas riquísimas castañas e para rematar, como non, tisnar as caras e as mans coa cinsa e cos tizóns e correr detrás dos compañeiros e dos profesores para coller a alguén desprevido e lixalo o máximo posible.  A pesares do tempo, resultou unha xornada divertida para os nenos e nenas, profesores e coidadores que disfrutaron todos xuntos dun día especial.