Abrimos as portas da nosa biblioteca para que as familias vos acheguedes a coñecela e facervos usuarios se así o desexades.

Cos cambios de distribución e organización da Biblioteca, queremos tamén renovar a nosa mascota. Pedimos a colaboración do alumnado para que nos axude a atopar unha mascota nova.

Durante este curso seguimos tamén coa reorganización da biblioteca para convertela nun lugar máis acolledor, luminoso e amplo.

Ademais de colocar cartelería da CDU no espazo de consulta, separadores de madeira para indicar a orde alfabética dos libros tanto nos estantes de primeiros lectores como de autónomos e expertos.

Nos estantes dos libros de consulta tamén se colocaron separadores de madeira para indicar o comezo de cada sección.

A bibliteca non parece a mesma. Agora hai espazo para crear distintos recantos.

 Para celebrar o DÍA DO LIBRO volvemos saír ao patio para realizar a actividade de APADRIÑAMENTO LECTOR na que  os nenos e as nenas maiores lles  leron contos aos máis pequenos e ata algúns dos pequenos se lanzaron a lerlles aos maiores.

Os distintos grupos escolleron o espazo que máis lles gustou para gozar da lectura.

E para rematar puideron apadriñar un ou varios libros que se expurgaron da biblioteca para darlles así unha segunda vida. 

Pero aí non quedou a cousa, tamén houbo intercambio de marcapáxinas de agasallo entre toto o alumnado.

Un día fermoso para ler e escoitar!