Para máis información, este é o enlace á páxina web da Consellería onde pode ver a Orde do 19 de abril de 2024:

https://www.edu.xunta.gal/portal/sites/web/files/anunciog0761-190424-0004_gl.pdf

Publicada a Resolución do 10 de abril de 2024 pola que se ditan as instrucións para o acceso e a admisión do alumnado nas ensinanzas artístifcas profesionais de Artes Plásticas e Deseño en Galicia para o curso 2024/2025. (Ciclos formativos)
O prazo de inscrición vai ata o 10 de xuño para o alumnado que realice a proba substitutiva dos requisitos académicos e ata o 21 de xuño para o alumnado que só teña que realizar a proba específica e para as cales solicitan a exención das probas.
As solicitudes faranse de forma telemática cubrindo o formulario dispoñlible na ligazón habilitada na aplicación CodexPro na páxina web de cada centro.
As persoas aspirantes con discapacidade poderán solicitar a adaptación das probas. Resérvase un 5%das prazas ofertadas para quen acredite discapacidade dun 33% ou maior.
Resérvanse razas para deportistas de alto rendemento e/ou nivel.

Hoxe os membros do Equipo de Igualdade do IES Val do Tea asistimos ó III Encontro de Comandos de Igualdade da provincia de Pontevedra. Talleres, un pequeno concerto de Su Garrido Pombo, micro aberto e outras actividades formaron parte desta marabillosa xornada.

Volvemos con novas ideas, formación e moita forza para seguir con este proxecto!

No seguinte enlace podedes atopar toda a información relacionada coas becas NEAE.

No taboleiro do noso centro están publicadas desde o día 25 de abril de 2024, as listaxes provisionais do alumnado admitido e non admitido na ESO e en Bacharelato por curso e pola orde de puntuación provisional total obtida. (Taboleiro ao lado de conserxería)

O alumnado que figura como non admitido pode obter praza na adxudicación subsidiaria do mes de xullo de 2024. Figura como alumnado en reserva.

Lembrade que está prohibido facer fotos pola Lei de Protección de Datos.

Tamén están dispoñibles a través da aplicación informática admisionalumnado (https://www.edu.xunta.es/admisionalumnado)

SEGUINTES PROCEDEMENTOS DE ADMISIÓN E MATRÍCULA DO ALUMNADO

. Prazo de reclamación das listaxes provisionais: 5 días hábiles contados a partir da publicación: do 26 de abril ao 3 de maio de 2024

. Publicación das listaxes definitivas: 15 de maio de 2024

. Formalización da matrícula na ESO e BACHARELATO: do 23 de xuño ao 8 de xullo

Segundo a normativa vixente, o alumnado que non se matricule no prazo sinalado, PERDE O DEREITO Á PRAZA NO CENTRO.

Traballos de gravado e estampación do alumnado de 2° de Bacharelato de Artes. Exercicios de debuxo tendo en conta o "efecto espello".

Un ano máis celebramos o Día do Libro co xa tradicional amig@ invisible entre profesorado e alumnado de 2º Bacharelato.

Lecturas e rosas para acompañar este fermoso día.

Ademais, a Biblioteca organiza unha pequena exposicións con algúns dos "Libros que hai en nós": Hai uns anos Emma Pedreira explicounos os libros que había nela. e nós, as e os profes do instituto, neste 23 de abril quixemos preguntarnos os libros que hai en nós. Velaquí algunhas das respostas. Unha parte do que somos naceu neles. 

Desexámosvos 365 días de boas lecturas!!

Como non podería ser doutro xeito, o noso centro participa no Aquí tamén se fala galego, iniciativa cultural impulsada polo EDLG do IES Rafael Dieste (A Coruña) e que leva meses percorrendo toda Galiza.

Parte do noso alumnado saíu a percorrer as rúas de Ponteareas compartindo esta iniciativa cos comercios locais.

Parabéns ao IES Rafael Dieste por dar comezo a unha iniciativa tan fermosa (e necesaria) coma esta!

O pasado mércores, o alumnado de 1º ESO participou nunha interesante e moi necesaria charla sobre Seguridade Viaria, impartida polo sarxento da Garda Civil Daniel Castelo, coa intención de concienciar o alumnado da importancia de ser responsable nas rúas, tanto se somos peóns como se conducimos algún vehículo.

Esta charla forma parte do Plan Director para a Mellora da Convivencia e a Seguridade nos Centros Educativos.