O venres 19 de xaneiro, o alumnado de Francés de 3º ESO, 4º ESO, 1º e 2º Bach. asistiu a representación de “Emilia arrive à Paris” na Sala Salesianos de Vigo onde Transeduca organiza obras de teatro adaptadas en francés e protagonizadas por actrices e actores nativas/os.

Nun contexto no que os medios audiovisuais son os máis consumidos polos adolescentes, a compañía trouxo, nesta ocasión, unha historia da pequena pantalla cunha xove española que debe trasladarse a París por traballo. Alí, coñecerá xente nova e descubrirá novos costumes.

Como xa tivera un contacto coa trama e cos personaxes da obra, ou ben porque xa mirara a serie “Emily in Paris” ou polas actividades realizadas anteriormente na aula, o alumnado puido entender as diferentes escenas sen maior dificultade.

Ao rematar a representación, as actrices e actores deron a palabra ao alumnado e profesorado asistente que lles fixeron moitas preguntas sobre a montaxe da obra e as súas traxectorias persoais e profesionais.

E como non, despois de saciar a curiosidade cultural, tocáballe a quenda ao apetito.

Á falta de “cuisine française”, comida “internacional”. Un día é un día! Une fois de temps en temps, ça ne fait pas de mal!

• Carmen Pérez Muradás (XD)
• Loli Táboas

O martes 6 de xuño, o alumnado de Francés de 2º ESO, 3º ESO, 4º ESO e 1º de BACH. participou nun obradoiro de “crêpes”.

Jérémy Thomas trouxo ao centro o seu food truck “La Marinière” e realizou co alumnado unha actividade lúdica e didáctica á vez. O alumnado descubriu información sobre a rexión francesa de Bretaña, practicou diálogos en francés e axudou a facer “crêpes” que logo degustou con diferentes recheos.

De la part des élèves et des enseignants participants, nous disons merci à Jérémy pour cette expérience enrichissante et pour ses crêpes qui sont une véritable délice.

MERCI JÉRÉMY

Segundo a Orde do 27 de decembro de 2022 pola que se modifica a Orde do 20 de maio de 2022 que se aproba o calendario escolar para o curso 2022-2023 nos centros docentes sostidos con fondos públicos na Comunidade Autónoma de Galicia, a sesión da terceira avaliación parcial da educación secundaria obrigatoria deberá coincidir coa sesión de avaliación final. Adxúntanse, polo tanto, as Programación Didácticas da ESO, tanto dos cursos LOMCE (cursos pares) coma LOMLOE (cursos impares) coas modificacións pertinentes.

O venres 1 de marzo visitounos o Contacontos camerunés Samuel Mountoumnjou. Asistiu ao espectáculo o alumnado de 1º ESO nunha primeira sesión e logo o de 2º ESO e os grupos de Francés de 3º e 4º de ESO.

Samuel é profesor de linguas e mediador intercultural. Contou historias en francés e castelán cargadas de cor e calor, historias que o seu avó lle contaba ao redor do lume nas noites africanas da súa infancia.

Suscitou o interese do público mantendo a súa atención e solicitando a súa colaboración para poder, a través da aprendizaxe dunha lingua estranxeira, transmitir diferentes valores como o da amizade, a solidariedade, a igualdade, a tolerancia...

MERCI à Samuel pour ces belles histoires magiques qui nous amusent et qui en même temps ouvrent notre coeur et nos pensées à un monde meilleur.

MERCI au public, du plus jeune au plus âgé, des élèves aux professeur(e)s pour leur attention et leur participation.

Cela a été un plaisir de nous plonger dans ce monde sensationnel et de répondre “Hahula hula!”. Samuel, raconte, raconte! On est là pour t’écouter et apprendre comme toi tu as su le faire de ton grand-père. HAHULA HULA!

Achégase a Orde do 18 de xaneiro de 2023, pola que se convocan axudas para a realización de actividades de formación en linguas estranxeiras no 2023.

Achégase a programación didáctica do departamento de Francés para os cursos LOMLOE (1ºESO, 3ºESO e 1ºBAC)

Adxúntse a programación do departamento de Francés para os cursos LOMCE (cursos pares).

• Carmen Pérez Muradás (XD)
• Loli Táboas

Con motivo da publicación do RD 217/2022 que regula a avaliación do presente curso, foi necesario realizar algunhas modificacións dos criterios de avaliación que se adapten ao novo formato e  calendario de avaliación, como consta no PDF adxunto para este departamento.