I Intercentros de teatro (IES Pazo da Mercé)
Enviado por admin o Ven, 10/05/2024 - 12:28No día de onte, o alumnado de Artes Escénicas participou no 1º Intercentros de teatro organizado polo IES Pazo da Mercé. Ao longo da mañá participaron en diferentes obradoiros impartidos por alumnado da ESAD: texto, improvisación, voz, expresión corporal, clown e escena, todos eles organizados en diferentes lugares dos arredores do centro.
Sen dúbida unha xornada moi enriquedora! Agardamos impacientes pola próxima edición!
O cartel promocional da xornada é obra da nosa alumna Noa P. C. de 2º Bacharelato de Artes, quen capturou perfectamente o espírito desta xornada.
Visitamos a Feira dos minerais de Guláns
Enviado por admin o Lun, 06/05/2024 - 10:03Como xa é tradición, un ano máis volvemos á Feira dos minerais de Guláns! Nesta ocasión foi o alumnado de 1º ESO o que asistiu. Ademais de visitar a feira, tiveron ocasión de participar en diferentes obradoiros de identificación de minerais e Mineraloxía.
Pedro Feijoo e a súa Memoria da choiva
Enviado por admin o Mar, 30/04/2024 - 18:59Onte tivemos a sorte de contar coa visita de Pedro Feijoo no noso centro! Achegouse para falar co alumnado de 1º Bacharelato sobre a Memoria da choiva e tamén co club de lectura de familias sobre esta lectura e moitas outras nas que andan inmersas.
Foi un verdadeiro pracer escoitalo, compartir unha tarde chea de curiosidades sobre a súa escrita e tamén ter unha vez máis a Rosalía como referente, e saber coidar a súa memoria como merece.
Grazas, Pedro, agardamos volver lerte pronto!
CONVOCATORIA PREMIOS EXTRAORDINARIOS BACHARELATO 2023-2024
Para máis información, este é o enlace á páxina web da Consellería onde pode ver a Orde do 19 de abril de 2024:
https://www.edu.xunta.gal/portal/sites/web/files/anunciog0761-190424-0004_gl.pdf
ACCESO E ADMISIÓN NAS ENSINANZAS ARTÍSITICAS PROFESIONAIS DE ARTES PLÁSTICAS E DESEÑO
Publicada a Resolución do 10 de abril de 2024 pola que se ditan as instrucións para o acceso e a admisión do alumnado nas ensinanzas artístifcas profesionais de Artes Plásticas e Deseño en Galicia para o curso 2024/2025. (Ciclos formativos)
O prazo de inscrición vai ata o 10 de xuño para o alumnado que realice a proba substitutiva dos requisitos académicos e ata o 21 de xuño para o alumnado que só teña que realizar a proba específica e para as cales solicitan a exención das probas.
As solicitudes faranse de forma telemática cubrindo o formulario dispoñlible na ligazón habilitada na aplicación CodexPro na páxina web de cada centro.
As persoas aspirantes con discapacidade poderán solicitar a adaptación das probas. Resérvase un 5%das prazas ofertadas para quen acredite discapacidade dun 33% ou maior.
Resérvanse razas para deportistas de alto rendemento e/ou nivel.
ACCESO E ADMISIÓN A ENSINANZAS ARTÍSTICAS SUPERIORES
O prazo de inscrición está compredido entre o 26 de abril e o 25 de xuño de 2024.
As solicitudes faranse de forma telemática cubrindo o formulario dispoñible en https://www.edu.xunta.gal/eas/ e empregando o certificado dixital ou sistema de usuario e clave Chave365 (https://sede.xunta.gal/chave365).
Resérvanse prazas para deportistas de alto rendemento e/ou nivel. Na inscrición da proba hai que indicar a especialidade, o itinerario e a preferencia de centro.
A proba substitutiva dos requisitos de titulación para quen non os cumpra levarase a cabo o día 30 de maio no IES San Clemente, en Santiago de Compostela.
A proba específica de acceso levarase a cabo nos centros de ensinanzas artísticas superiores de Galicia e só é válida ara o curso académico presente e na especialidade para a que se realice.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »