Resumo XXIV Xornadas de Orientación ao Emprego

LEMBRANZAS DESTE ANO…

Empezamos o martes 30 de xaneiro, trala inauguración por parte Agustín Sobral (director do IES de TEIS) e os nosos flamantes gañadores do Skilss Galicia Victor Posada e Laura Barcena,  comezaba o primeiro día das xornadas con Rosa María Villar da Fundación Universidade da Coruña falándonos de ofertas de emprego e becas que ofrece esta entidade. A continuación contamos con Cristina Villanueva analizando as posibilidades de emprendemento no sector silver; con Daniel Lomba de Feafes cargado de enerxía positiva para axudarnos a superar procesos de selección cando estamos en horas baixas; e con David Delgado do Centro Nacional Europass para explicarnos todas las posibilidades desta ferramenta, de xeito que poidamos empregala con seguridade nas nosas estadías por Europa.

Pola tarde contamos cun equipo de persoas chegado dende Eusumo para falarnos sobre emprendemento en economía social: Noelia Pombo, Nuria González, Alién Cortés e Miguel GarcíaI trouxéronnos as súas experiencias en cooperativismo. E para rematar o día Alberto Grandal, Teresa Fraga e Raquel González faláronnos sobre emprego público e oposicións.

O mércores  31 de xaneiro contamos con persoas expertas realizando diferentes obradoiros para o alumnado de informática: Bárbara Liniado de Manfred (como enfrentarse ó primeiro proceso de selección e sobrevivir no intento); Álvaro Fontenla de Raiola (emprender, un camiño de continuas cambadelas); Pablo Villaverde de Ackstorm (kubernetes en Google cloud); os ex-alumnos  Juan Martín, Diego González, José Chávez e Javier Mosquera contando a súa experiencia como desenvolvedores; Brais Gómez de Sealab (integración continua CI/CD);  Jairo Ochoa, Carlos Macías de Wordpress (crear unha tenda online con Woocommerce); Iria Iglesias (deseño gráfico para desenvolvedores web) e  os ex-alumnos Armando Castro e Marcos González  falando dos seus proxectos.

O mesmo día e a mesma hora imaxe persoal contaba cos seus propios obradorios para desenvolver as súas competencias profesionais: Fran Diéguez  (a experiencia do cliente no sector Beauty); Virginia Ticona (superando retos); Amparo Fernández (emprendemento no eido da imaxe persoal); Esther Fernández de Medicalsmooth (emprender con omeoenergética); David Suárez de  Diesemm (laboratorio de movidas); Reyes Budiño (maquillaxe e peiteado para o sector audiovisual) ; José Piñeiro de VMV Cosmetics (conectando mentes e oportunidades); Ricardo Spencer (caracterización e emprego) e Graciela Ramil (estilo e estilismo).

DESEXÁMOS QUE VÓS GUSTARAN!

MOITAS GRAZAS a todos e todas, alumnado e profesorado de Formación Profesional, pola vosa asistencia e participación activa, en especial ao alumnado de Asesoría de Imaxe Persoal e Corporativa, alumnado de Informática que realizou as gravacións e emisións en streaming con Cristina Castiñeira, alumnado e profesorado de imaxe persoal que elaborou os agasallos para os poñentes, alumnado e profesorado do IES Montecelo de Pontevedra que realizou as impresións de cartelería; a Stefie Fandiño por deseñarnos o cartel e o díptico; á ONG Taller de solidaridad por prestarnos a súa exposición fotográfica enredadas no cambio. E por suposto, moitas gracias ás empresas e entidades que colaboraron desinteresadamente nestas  xornadas.

GRAZAS DE PARTE DE TODO O EQUIPO DE ORIENTACIÓN E EMPREGO, organizador das xornadas.

No seguinte enlace, deixámosvos unha breve enquisa, que agradeceriamos moito que cubrísedes. Moitas grazas de novo.