No IES de Teis, nos grupos da ESO, dado que temos EDIXGAL, non é preciso mercar libros de texto. Non obstante, as familias do alumnado poden solicitar axudas para a adquisición de material escolar para o curso 2024/25.
Dentro do proxecto de mobilidade internacional KA171 do consorcio liderado polo IES de Teis, 8 membros da TSU (Tbilisi Sate University) de Xeorxia realizaron unha visita a nosa cidade durante a semana do 6 ao 10 de maio.
Nesta visita tiveron a oportunidade de coñecer as actividades académicas que se levan a cabo tanto na nosa institución coma na Universidade de Vigo. Así mesmo, os profesores Archil Elizbarashvili e Alexandre Gamkrelidze impartiron unhas charlas sobre Administración dos SO Linux e sobre conceptos básicos de Intelixencia Artificial, respectivamente, as cales tiveron unha gran acollida polo alumnado e o profesorado presente.
Por outra banda, aproveitando a súa estancia realizaron diferentes actividades e visitas culturais en Vigo e na súa contorna quedando gratamente sorprendidos pola beleza e cultura da nosa terra. Esperamos que esta visita poida ser o xerme de futuras colaboracións, tal como está sendo neste días coa a presencia de alumnado xeorxiano as actividades académicas levadas a cabo nas nosas aulas.
Celebración do Día do Libro deste curso 2023-2024 cun mercado de troco de libros. Grazas a todo o equipo da biblioteca, ao voluntariado, especialmente a Natalia e a Sarai, e tamén ao alumnado de 2.º de FPB IO. E grazas, sobre todo, ás persoas que participaron traendo os seus libros para intercambiar no mercado e que fixeron posible que este se levase a cabo.
Novo Obradoiro de Robótica, dirixido pola profesora de Informática Marta Rey. Se queredes "xogar" coas microbit este é o voso lugar, ademais non fai falla ter coñecementos previos. Será todos os martes durante os recreos no Espazo Maker da biblioteca.