Enviado por admin o Xov, 12/05/2022 - 11:35
O pasado xoves 28 de abril celebrouse o concurso nacional ProgramaMe para alumnos matriculados en Ciclos Formativos de Formación Profesional organizado desde a Facultade de Informática da UCM.
Nesta edición houbo 135 equipos de 49 centros de formación profesional de toda España. Cada equipo está composto de 3 membros e ao longo de 3 horas deberon resolver 11 problemas. As solucións propostas polos equipos deberán estar escritas nas linguaxes de programación C, C++ ou Java e serán validadas por un xuíz automático. O equipo gañador deste campionato será aquel que sexa capaz de resolver o maior número de problemas.
Despois da preselección que se fixo o 7 de abril entre o noso alumnado dos ciclos de programación, con dous equipos. Un deles resolveu dous problemas e o outro, catro, acadando este último a novena posición e recibindo unha medalla de bronce. Noraboa rapaces! Estamos moi orgullosos de contar con todos vós entre o noso alumnado.
Este curso ProgramaMe, ante a situación que está a vivir actualmente Ucraína, está orientado a recoller fondos para os refuxiados ucranianos co lema “un problema resolto, unha doazón”. O cuncurso contou con benefactores entre o profesorado do Departamento de Informática, que levaron a cabo doazóns por cada problema resolto, recaudándose un total de 126€ que foron doados a Acnur.
Nesta páxina pódese consultar a clasificación completa.
Galería de imaxes do evento
Esta páxina usa Lightbox2 por Lokesh Dhakar dispoñible en https://lokeshdhakar.com/projects/lightbox2/ baixo The MIT License
