Skip to Content

Club contra o Cambio Climático: limpeza do río Gafos

Hoxe, martes 22 de marzo, as profesoras Beatriz Trillo e Mª Jesús Torres,  acompañaron aos membros do Club Contra o Cambio Climático e ao alumnado doutros centros de Pontevedra, nunha actividade colaborativa de limpeza do río Gafos, actividade organizada polos centros educativos, a Asociación "Vai polo río" e o Concello.

http://www.crtvg.es/tvg/a-carta/galicia-noticias-5574170?t=1645

 https://www.pontevedraviva.com/xeral/83738/dia-auga-aparcar-libros-limpar-contorna-rio-gafos/

 

Pica sobre a imaxe inferior para ver as fotos do álbum

Álbum: Actividades -> Limpeza do río Gafos

AXUDA A UCRANIA

Dende o día de hoxe, 16 de marzo, e ata o martes 22 de marzo, o IES Sánchez Cantón convírtese en lugar de recollida de material sanitario, de higiene e alimentación, para axuda á población de Ucrania. Colaboramos coa Asociación Galucrania afincada en Vilagarcía de Arousa. Haberá uns contenedores no vestíbulo do centro onde se poderán depositar todos os recursos aportados.

 

VISITA Á CATEDRAL DE SANTIAGO

Dende o martes 15 de marzo ata o mércores 23 do mesmo mes, o alumnado de Relixión está a realizar excursións a Santiago de Compostela para coñecer a catedral. Os alumnos e alumnas viaxan acompañados polo seu profesor, Juan García Lorenzo.

Pica sobre a imaxe inferior para ver as fotos do álbum

Álbum: Viaxes didácticas -> Visita á catedral de Santiago

PREMIOS MINERVA

A alumna Mariña Maceiras de 1º bacharelato A, ven de gañar un accésit nos prestixiosos premios Minerva, organizados dende hai  cincuenta años polo Colexio Peleteiro de Santiago de Compostela,para divulgar e promover a literatura entre a xuventude.

Noraboa!

https://www.lavozdegalicia.es/noticia/santiago/santiago/2022/03/12/rosalia-bernardez-carla-crespo-premios-minerva-narrativa-poesia/00031647082361639751915.htm

 

O IES Sánchez Cantón clasifícase para a fase final do Parlamento Xove na categoría de Bacharelato

Un equipo de 1.ª de Bacharelato do noso centro vén de clasificarse para a fase final do Parlamento Xove, unha competición na que o alumnado investiga e debate sobre un tema formulado pola organización, que nesta ocasión foi o seguinte: Debería existir unha regulación para ser youtuber ou influencer que garanta que desempeñen as súas funcións correctamente? A fase final celebrarase en maio no Parlamento de Galicia.
 
A dificultade desta actividade, que se celebrou o sábado no Centro Residencial Docente da Coruña, está en que só cinco minutos antes de cada encontro dialéctico procédese ao sorteo da postura a adoptar por cada equipo, a favor ou en contra, en relación á cuestión formulada. Sara Vázquez abriu o debate coa súa exposición inicial, mentres que Uxío Juncal e Sabela Rivas actuaron como refutadores e Ayman Amir como conclusor. O equipo tamén contou coa colaboración de Javier Hermida e de Izan Vázquez nas sesións preparatorias.
 
O equipo do IES Sánchez Cantón, que participaba por primeira vez neste evento, conseguiu gañar os tres debates, cun total de 439 puntos, polo que se situou no terceiro posto da clasificación, por detrás do IES Rafael Puga Ramón da Coruña e do Colexio La Salle de Santiago de Compostela. Tras esta primeira fase clasificatoria, en maio celebrarase a fase final, na que participarán oito equipos.
 
O obxectivo do programa é potenciar as habilidades individuais e en grupo, entre as que destacan o desenvolvemento da capacidade de selección de información, a expresión escrita, a expresión oral, a orixinalidade, a argumentación razoada, o traballo en equipo e a convivencia. Así mesmo, o Parlamento Xove fomenta a lectura, a escritura, o emprego das novas tecnoloxías con fins informativos e culturais e o respecto polas ideas dos demais.
 
Desde o centro queremos trasladarlles os nosos parabéns polo esforzo, dedicación, espírito de equipo e habilidades argumentativas demostradas, así como desexarlles moita sorte para a fase final.
 
 
 

DEBATES PARLAMENTO XOVE

Hoxe, sábado 12 de marzo, o equipo de debate do Parlamento Xove, realizará 3 debates na fase clasificatoria que se celebra na Universidad Laboral de A Coruña. Podedes asistir aos debates a través dos seguintes enlaces. 

Ás 11:30 debatirá na sala B co equipo 2 do Colexio SEK.

https://www.youtube.com/watch?v=5Vw6k9-KyjQ

 

Ás 16:00 h. atoparanse na sala A debatindo co equipo do IES de Mugardos.

https://www.youtube.com/watch?v=N5jfOoHuWto

 

Ás 18:15 estaremos na sala C, co Colexio San José Fec de Lugo.

https://www.youtube.com/watch?v=IYWr0_aSnm8

 

Moita sorte! 

 

PROXECTO TERRA

O alumnado de 4º ESO A e B visitou o venres 11 de marzo a exposición de Proxecto Terra organizada no Auditorio do Museo do Mar de Vigo. Os alumnos foron acompañados polos profesores  de Xeografía e Historia, Esther del Castillo e Marcos Fernández.

Pincha sobre a imaxe inferior para ver as fotos do álbum

Álbum: Viaxes didácticas -> Proxecto Terra marzo 2022

Conferencias sobre o Ano Santo

Ao longo deste curso 2021-2022, sucedéronse diferentes charlas de importantes persoeiros  relacionadas coa celebración do Ano Santo Compostelano e o Camiño de Santiago: D. Calixto Cobo Franco (Vicario de Educación), D. Carlos Valle (Exdirector do Museo de Pontevedra), Fernando Olbés (Profesor de Música do IES Sánchez Cantón), Rosana López Salgueiro (muller relevante no mundo da política e da empresa en Galiza) e D. Julián Barrio (Arzobispo de Santiago de Compostela). Ademais, tamén foron invitados representantes de Cáritas provincial, da ONG "Calor e café"e da Peregrinación de Xóvenes a Santiago de Compostela.

Neste álbum deixamos unha pequena mostra do que sucedeu.

 Pincha sobre a imaxe inferior para ver as fotos do álbum

Álbum: Actividades -> Conferencias sobre o Ano Santo

CONCURSO DE DESEÑO

 

Concurso Logo Museo IES Sánchez Cantón

O Club de Ciencia en relación co proxecto iniciado este ano de dinamización do Museo convoca un concurso de deseño dun logo que acompañe tanto o blog do Museo como os paneis que o conformarán. A idea é que o Museo pase a formar parte máis activa da nosa vida académica e para iso procederemos a unha remodelación dos espazos e das pezas para darlle maior visibilidade. Pero como toda institución precisa dunha imaxe que o faga identificable e o acompañe resolvemos en convocar para todo o alumnado un concurso que destape toda a vosa creatividade.

 BASES:

 1-Pode presentar deseños do logo todo o alumnado e so pode presentar un logo.

 2- O prazo é ata o 19 de abril inclusive. O deseño enviarase ao enderezo pablo.alonso.de.vega@edu.xunta.es. O formato do deseño será DIN-A4 psado a PDF.

 3-Un xurado composto polo profesorado pertencente ao Club de Ciencia ditaminará cal é o logo gañador. Se ningún deseño é axeitado o premio quedará deserto.

 4-O premio será un vale de 50 euros na libraría especializada en banda deseñada Libraría PAZ.

 5-O Club de Ciencia se reserva o dereito de modificar o logo con fins prácticos (para que cadre coa cartelaría do Museo ou co blog)

 6-O logo so será usado no contexto do Museo, nunca con outros fins.

Agardamos a vosa participación!

 

 

 

Premio "Ernestina Otero Sestelo"

Onte, venres 4 de marzo, o IES Sánchez Cantón recibiu no Pazo de Cultura o 2º premio Ernestina Otero Sestelo do Concello de Pontevedra, polo seu proxecto: "Entre donas ás beiras do Lérez".

Este traballo interdepartamental e transversal desenvolvido na Secundaria e no Bacharelato durante o curso 2020-2021, foi galardoado por varios motivos: ser un estudo integral e multidisciplinar da muller partindo da contorna inmediata do alumnado para chegar a un ámbito internacional, por revisar o pasado dende un punto de vista feminista e igualitario, por integrar os contidos curriculares en proxectos colaborativos, e pola divulgación pública na web mediante as canles de Telegram, Youtube, Instagram e Facebook.

Noraboa a todo o profesorado e alumnado que participou na elaboración deste fermoso proxecto.

 

Pincha sobre a imaxe inferior para ver as fotos do álbum

Álbum: Actividades -> Premio "Ernestina Otero"
Distribuir contido


by Dr. Radut