Skip to Content

Benvidos ao IES Sánchez Cantón

Ven, 11/12/2021 - 16:54 — Anónimo

IES Sánchez Cantón

        ies.sanchez.canton@edu.xunta.gal 

Protocolo de primeros auxilios

Mér, 02/01/2023 - 12:13 — veromar

A profesora Marta Mera Carrión organizou a visita de Antonio Gondariz, técnico de ambulancia,  que realizou un obradoiro sobre primeros auxilios co alumnado de 1º ESO B no pavillón durante a hora de clase. Só hai que fixarse no atentos que están ás explicacións para darse de conta do exitoso da práctica.

Pica na foto para ver o álbum

Álbum: Actividades -> Protocolo de primeros auxilios

Produtos do do horto

Lun, 01/30/2023 - 14:07 — veromar

O menú da cafetería inclúe hoxe produtos frescos do noso horto, tentando sempre favorecer a boa alimentación saudable e nutritiva. A pizarra é testemuña.

 

Premios Nacionais da Axencia Tributaria

Ven, 01/27/2023 - 19:16 — veromar

A Axencia Tributaria vén desenvolvendo desde o ano 2003 o Programa de Educación Cívico-Tributaria (PECT), como un programa educativo cuxo obxectivo é explicar á cidadanía máis nova o impacto que o sistema fiscal, na súa dobre vertente de ingresos e gastos públicos, ten na súa vida cotiá e nas súas perspectivas de futuro. 

Para facer chegar aos máis novos estas ensinanzas, todos os cursos celébrase un concurso nacional para centros escolares nos que se premian varias categorías: redacción, carteis gráficos e audiovisuais. 

Dúas alumnas deste instituto acadaron os mellores resultados en dúas categorías. O 1º premio de redacción foi para Violeta Fortes Villaverde, e o 1º premio de audiovisuais, para Claudia Casal Campelo. 

As alumnas trasladáronse ata Madrid para recibir o premio de mans do Secretario de Estado, Jesús Gascón, e da Directora Xeral da Axencia Tributaria, Soledad Fernández Doctor.  Nesta viaxe foron acompañadas polo Delegado da Axencia Tributaria en Pontevedra, a Técnica da Axencia Tributaria Rebeca Calviño, a profesora que as coordinou e animou para que este traballo saíse gañador, Rosa Domínguez, e ademais, un familiar de cada rapaza.

Agencia Tributaria: Categoría Redacción ESO-Bachillerato-FP

Agencia Tributaria: Categoría Pieza Publicitaria - Ganadora (Pontevedra)

As alumnas Claudia Casal e Violeta Fortes finalistas no concurso nacional de “Educación cívico-tributaria” | IES Sánchez Cantón (xunta.gal)

Pica na foto para ver o álbum

Álbum: Viaxes didácticas -> Premio Nacional da Axencia Tributaria

Práctica con sextantes

Xov, 01/26/2023 - 17:26 — veromar

 Pilar Andión Álvarez, Sofía Montes de Oca Chamadoira, Cecilia Rodríguez Besada e Gabriel Tomé Vidal, alumnos de 1º de Bacharelato e Irene Chayán Calveiro, alumna de 2º de Bacharelato, acompañados e orientados polo profesor José Benito Búa realizaron este martes 25 de xaneiro unha práctica que consiste na determinación das coordenadas xeográficas (latitude e lonxitude) dun punto situado no patio do instituto. O sistema para localizar as coordenadas xeográficas baseouse na observación da altura do sol ao mediodía solar e no uso de datos provenientes dun almanaque náutico. Para observar o Sol usaron os sextantes deseñados e reproducidos no propio centro en combinación cun horizonte artificial, tamén deseñado e reproducido alí mesmo. Para evitar observar o sol directamente, deseñáronse unhas pezas que permiten axustar un filtro solar aos sextantes. A práctica reproduciu o sistema usado polos mariños, aviadores e exploradores ata principios do s. XX.

Alumnos de Pontevedra practican con el sistema usado por marinos, aviadores y exploradores hasta principios del siglo XX (lavozdegalicia.es)

Navegación astronómica desde el IES Sánchez Cantón - Faro de Vigo

Navegación astronómica desde el patio del instituto (diariodepontevedra.es) 

Teatro en inglés "The movie"

Mar, 01/24/2023 - 20:53 — veromar

O alumnado de 3º e 4º ESO asistiu este luns 23 de xaneiro e martes 24 ao espectáculo teatral "The movie", representado no auditorio de A Fundación en Pontevedra.

A obra de teatro trata sobre un colexio de vampiros veganos en Pensilvania que recibe a uns estudantes europeos de intercambio. No barco no que viaxan os estudantes, tamén navega Dracul, un vampiro de Transilvania que acaba con todos agás con Van Helsing, o cazador de vampiros.

A xulgar pola súa participación e soltura, ademais das risas que se escoitaron, podemos afirmar que o  nivel lingüístico en lingua inglesa do noso alumnado é moi bo, pois seguiron o desenvolvemento da obra á perfección. 

Pica na foto para  ver o álbum

Álbum: Actividades -> Teatro en inglés "The movie"

Obradoiro da Asociación "Xuntos"

Ven, 01/20/2023 - 18:51 — veromar

A tarde do xoves 19 de xaneiro, visitáronnos os representantes da Asociación Down Pontevedra "Xuntos", para realizar un obradoiro cos nosos alumnos e alumnas de segundo curso do TSEASD. 

Pica na foto para ver o álbum

Álbum: Actividades -> Obradoiro coa Asociación Xuntos

Entrega de diplomas DELF B1 ao alumnado de 1º bacharelato

Xov, 01/19/2023 - 10:16 — veromar

O alumnado de 1º bacharelato recibiu onte os diplomas DELF que acreditan a consecución do B1 en Francés. 

Noraboa a todos eles polo esforzo que foi recompensado con esta certificación oficial expedida polo Ministerio de Educación Nacional de Francia.

  

 

Charla sobre lingua de signos

Lun, 01/16/2023 - 18:40 — veromar

O alumnado de 2º TSEASD recibiu este venres 13 de xaneiro, unha charla sobre linguaxe de signos por parte da Federación de Asociacións de Persoas Xordas de Galicia (FAXPG).

Os ponentes captaron a plena atención dos xóvenes cun tema tan interesante como educativo, e ademais práctico, xa que o seu futuro pode estar encaminado a traballar con este colectivo.

Pica an foto para ver o álbum

Álbum: Actividades -> Charla sobre lingua de signos

O Conselleiro de Educación felicita ao Sánchez Cantón, gañador do 2º Premio Nacional de Clubs de Lectura

Ven, 01/13/2023 - 17:36 — veromar

O IES Sánchez Cantón está hoxe na páxina de inicio da Consellería de Educación, pois o Conselleiro, Román Rodríguez, convocou aos responsables dos oito centros educativos de Galicia que obtiveron galardóns nos Premios Nacionais do Ministerio de Educación. Lembremos que o noso instituto acadou o 2º Premio na modalidade de Educación Secundaria.

Grazas a Anxos Rial (coordinadora), a Fernando Tomé (coordinador da biblioteca) e a todo o profesorado que colabora realizando os 11 Clubs de Lectura que funcionan neste centro. E sobre todo, grazas a todo o alumnado que participa deles de xeito entusiasta e colaborador. Noraboa!

Román Rodríguez destaca o salto cualitativo das bibliotecas escolares galegas, que se reafirman como referente nacional | Consellería de Cultura, Educación e Universidade (xunta.gal)

Distribuir contido


by Dr. Radut