O martes 18 de setembro o IES de Ribadeo Dionisio Gamallo abriu o curso académico cunha lección inaugural pronunciada por Carlos Álvarez Lebredo, co título “Carlos Álvarez Fernández-Cid. Química orgánica, inorgánica e musical”.
O conferenciante centrou a súa intervención na traxectoria de seu pai como profesor do Instituto, labor que desempeñou durante dez anos, dende 1956 a 1966, coincidindo catro deles con Dionisio Gamallo como director. Aportando ademais datos interesantes e pouco coñecidos da historia do instituto.
Esta lección inaugural formaba parte das distintas homenaxes que en Ribadeo se están a celebrar con motivo do centenario de Carlos Álvarez Fernández-Cid. Polo mesmo motivo a axenda escolar do instituto divulga na súa contraportada unha breve biografía do farmacéutico e músico ribadense.
O acto rematou cun breve e emotivo concerto de piano a catro mans interpretado polas profesoras Ángeles Ríos e Mercedes Eiros, que deixaron gravado por non poder estar presentes. Mais información
O pasado 4 de xullo, cinco dos nosos alumnos de 2º bacharelato (Marta Portela Besteiro, Daniel Pérez Vargas, María García Martínez, Uxía Fernández Vázquez e Clara Fernández Martínez tal e como aparecen na fotografía de esquerda a dereita) foron convocados pola Universidade de Santiago de Compostela para participar no “Acto de recoñecemento ao mellor alumnado de centros de ensino medio de Galicia” celebrado no Palacio de Congresos e Exposicións de Santiago.
Nunha das fotografías acompáñaos Francisco Javier López González, natural de Ribadeo, que coordina o programa “A ponte entre a USC e o ensino medio” no campus de Lugo.
Pincha no adxunto para ver as tablas cos libros de texto para o curso 2018/2019
