Skip to Content

Blog da biblioteca

LIBROS EN LINGUA CASTELÁ

 

O departamento de Lingua e Literatura Castelá cedeu un lote de libros á biblioteca. Velaquí unha foto dos exemplares:

 

NOVIDADES OUTUBRO

  

A editorial Anaya cedeunos varias novidades neste mes de outubro de 2020.

 

REORDENACIÓN ESPAZO BIBLIOTECA

No inicio do curso 2020-21 reordenamos o espazo da biblioteca para adaptalo á nova situación xerada pola pandemia do Covid, que obriga a utilizala como aula boa parte do horario. A este efecto, na parte central da mesma as mesas de traballo foron substituídas por pupitres individuais. Para paliar na medida do posible esta reducción de espazo, habilitamos dous espazos exteriores.

 

 ESPAZO INTERIOR: 

  • Zona de aula
  • Zona de ordenadores
  • Zonas de traballo e lectura

  ESPAZO EXTERIOR

  • Dúas mesas de traballo con aforo de 4 persoas no corredor de acceso á entrada principal
  • Unha zona de almacenaxe na entrada traseira cun armario para gardar material

 

Recollemos neste plano a redistribución do espazo:

 

 

PROTOCOLO COVID BIBLIOTECA CURSO 20-21

Elaboramos un Protocolo de uso da biblioteca para o presente curso atendendo as directrices do Plan de Adaptación ao contexto COVID 19 elaborado polo centro e ás Instrucións do 10 de setembro de 2020 para a organización e funcionamento das bibliotecas escolares.

Visibilizámolo no blog e nos accesos á biblioteca.

Pódese consultar neste arquivo adxunto:

 

LECTURAS INCLUSIVAS

Se as sificultades para manter a aprendizaxe a distancia durante o confinamento foron moitas, aínda se agravaron máis no caso do alumnado con necesidades especiais. Isto levounos a reflexionar sobre as carencias da nosa biblioteca en materia de lecturas inclusivas, que si existen nalgún departamento, pero non na propia biblioteca. Postos en contacto co profesorado que imparte clases neste ámbito, pedímoslles que nos enviasen suxestións de material para incorporar aos nosos fondos. O resultado foi a adquisición de  títulos que, cando a situación o permita, pasarán a formar parte da nosa biblioteca.

 

DÍA DAS LETRAS GALEGAS- Xogo sobre Carvalho Calero

 O confinamento impediu a realización dalgunhas actividades para celebrar o Día das Letras Galegas, pero aínda así dende a casa quixemos implicar o alumnado en  iniciativas relacionadas con esta data. Entre elas animámolo a participar neste escape-room onde cómpre conseguir 14 claves relacionadas con Carvalho Calero para completar todo o percorrido.

https://patrifulca.wixsite.com/xogoletras20/1-comezo

 

 

DÍA DO LIBRO: LIBROS EN MINIATURA FEITOS DENDE OS FOGARES

O confinamento impediunos celebrar presencialmente o Dia do Libro coas actividades previstas, tal e como nos houbera gustado, pero a iniciativa de Rosa Paz Díaz, profesora do Dto de Lingua e Literatura Castelá e membro do Equipo de Biblioteca, permitiunos facelo dende os nosos fogares. Propúxoselle ao alumnado, cunhas pautas que se lle transmitiron previamente, “fabricar” artesanalmente réplicas en miniatura do libro que escollesen. O fantástico resultado pode apreciarse nun video colgado en Youtube ao que se pode acceder a través da nosa web. Noraboa a Rosa Paz pola idea, a Teresa González pola montaxe do vídeo, ao alumnado participante polo esforzo feito e a todas as familias que apoiaron a iniciativa, incluso algún, con libro propio! Grazas. 

https://www.youtube.com/watch?v=ceMz40ZJC_k&t=258s

DENDE A MIÑA XANELA

Dende a Biblioteca e o Equipo de Dinamización Lingüística animamos ao alumnado e ao profesorado a participar nunhas xanelas literarias que nos puidesen axudar a sentirnos un pouco máis libres e compartir as nosas inquedanzas e gustos literarios. A actividade consistiu e facer unha fotografía dende a ventá da nosa casa e sobreescribir na mesma  un breve texto (ben propio ou ben dun autor/a calquera). Propuxemos que na foto aparecese un libro e que dalgunha maneira o contido do texto nos movese a refllexionar sobre a situación que estamos a vivir.

O resultado é unha serie de fermosas fotos enviadas polo noso alumnado e profesorado que quedaron plasmadas neste video:

https://www.youtube.com/watch?v=COxQMc3vMgw&feature=youtu.be

# QUEDA NA CASA CON LIBROS

Convencidos do valor terapéutico da lectura, recomendámola vivamente como un dos mellores hábitos que podemos adquirir non só durante este confinamento senón tamén ao longo de toda a vida. Sen esquecer, por suposto, a prensa, o cine ou a arte en calquera das súas manifestacións.

Son moitas as posibilidades que nos ofrece a Internet para disfrutar dos libros, e máis agora, cando distintas plataformas están permitindo o acceso gratuíto aos seus contidos. Porén somos conscientes da fenda dixital que se fai especialmente patente en situacións deste tipo e que agocha unha desigualdade social aínda lonxe de se subsanar. 

Fóra do ámbito virtual, é tamén un bo momento para rescatar lecturas esquecidas arrombadas en calquera recuncho dos nosos fogares. 

Sen dúbida, e máis ca nunca, os libros farannos máis libres.

 


 

Estas son algunhas das nosas suxestións na rede:

 

Galicia Le: Rede de Bibliotecas Públicas de Galicia: https://www.galiciale.gal/

Asociación de Escritores en Lingua Galega (podemos escoitar e ver aos propios autores e autoras lendo fragmentos das súas obras ou das doutros escritores): https://www.aelg.gal/

Antoloxía da poesía galega musicada:  http://sondepoetas.blogspot.com/

Biblioteca Virtual Galega:  http://www.bvg.udc.es/

Listaxe de editoriais e plataformas que ofrecen libros gratuítos durante a  corentena: https://hipertextual.com/2020/04/webs-libros-gratuitos-cuarentena

 

 

LIBROS ADICADOS- Luz Pozo Garza

Trala homenaxe que lle  bridou o concello o sábado 18 de xaneiro de 2020 nomeándoa  Filla Predilecta de Ribadeo, Luz Pozo Garza adicounos cariñosamente un exemplar da recompilación da súa obra poética Memoria Solar.



Distribuir contido


by Dr. Radut