Física e química

(11/03/2021): Masterclass de actividades relacionadas coa Física de Partículas.

Mar, 23/03/2021 - 05:14 — admin2

O Instituto Galego de Física de Altas Enerxías (IGFAE) da Universidade de Santiago de Compostela (USC), en colaboración coa Sociedade Europea de Física, o CERN (Organización Europea para a Investigación Nuclear) e Fermilab (Laboratorio Nacional Fermi), organizou unha xornada ou "Masterclass" de actividades relacionadas coa Física de Partículas destinada a estudantes de bacharelato.

Consistiu nunha serie de conferencias sobre a Física de Partículas actual, ademais dunha práctica realizada en grupo cuxos resultados foron discutidos mediante videoconferencia con outros centros internacionais que organizan simultaneamente unha xornada idéntica.

Na Masterclass participaron Julia García Ríos, Juan López Acebo e Javier Pérez Vargas de 2º Bacharelato, estudantes capaces de aproveitar a experiencia, dada a súa afección pola ciencia e o coñecemento do inglés, importante para a realización da videoconferencia.

Galiciencia

Mér, 16/05/2018 - 14:56 — admin2

Os pasados 9-11 de maio tivo lugar a XIII Galiciencia no Parque Tecnolóxico de Galicia, en Ourense. Alí,

en Tecnópole, Alberto Dopico e Diego Alonso expuxeron o traballo Hai sesenta anos e hoxe, o clima en

Ribadeo. Dito estudo compara as principais magnitudes da temperie ribadense na década dos cincuenta do

pasado século e na última década. Os tres días pasados alí polos estudantes do IES de Ribadeo Dionisio

Gamallo completáronse coa visita ós outros traballos presentados (entre eles, outro da Mariña, do IES San

Rosendo de Mondoñedo, o ‘Proxecto Rebinxe‘, que na competición acadaría o primeiro premio). Tamén,

coa visita a talleres realizados sobre o cambio climático, o bañarse nas termas, unha visita a Ourense e outra

a Allariz.

Día da Ciencia na rúa

Lun, 07/05/2018 - 11:26 — admin2

O sábado 5 de maio, celebrouse o Día da Ciencia na rúa, no parque de Santa Margarida, A Coruña.

O IES de Ribadeo estivo representado por parte do alumnado das asignaturas de física e química e de bioloxía e xeoloxía.

Estiveron acompañados por Antonio Gregorio, María Álvarez e Beatriz González.

Preme na imaxe para ver a reseña do seu traballo, nas noticias da TVG .

.

XXIV Feira da Ciencia

Mar, 24/04/2018 - 07:24 — admin2

Do mércores 4 de abril ó venres 6 tivo lugar no IES a XXIV edición da Feira da Ciencia de Ribadeo.

Nela participarán boa parte dos estudantes do IES como expositores dos seus propios traballos, dende os cursos iniciais ós finais, tendo como público ó alumnado do centro, doutros centros de primaria da zona e visitantes ocasionais. Os traballos versaron sobre temas de Bioloxía, Xeoloxía, Física e Química.

Estivo aberta mércores, xoves e venres en horario de mañá, de 9:20 a 13:10, cun pequeno descanso entre 11 e 11:30.

Estudio sobre as influencias da lúa

Mér, 31/01/2018 - 15:42 — admin2

Un dos traballados realizados polo alumnado do centro en materia de investigación segundo o método científico é recollido na prensa co galo da peculiar segunda lúa chea deste mes de xaneiro.Un instituto gallego desmonta el mito de la Luna

.

Física recreativa

Xov, 25/01/2018 - 09:47 — admin2

O martes 23 de xaneiro, ás 11 da mañá, tivo lugar no salón de actos do IES unha charla e experiencias de Física Recreativa a cargo de D.José Benito Vázquez Dorrío, da Escola de Enxeñaría de Minas e Enerxía da Universidade de Vigo
A charla foi presentando a visualización de diferentes fenómenos relacionados coa luz, a xeración e visión das cores. A ela asistiron alumnos e alumnas de bacharelato coa materia de Física e Física e Química, durante o recreo e a hora posterior.
José Benito Vázquez participa en diversos proxectos de difusión científica, sendo embaixador en España de Scientix, e coordinador do grupo internacional Hands on Science, a máis de participar noutros proxectos como Click on Physics. Ten sido director da ETS de Minas

Galiciencia 2017

Xov, 23/11/2017 - 08:04 — admin2

Como en cursos anteriores o IES de Ribadeo está presente na convocatoria de Galiciencia que se celebra en Ourense os días 22, 23 e 24 de novembro.

Nesta ocasión as alumnas Eva Luyufeng Yañez Izquierdo e Estela Bravo Montero presentan os traballos que levaron a cabo na actividade "Recreos de ciencia" organizada por Antonio Gregorio

Día da ciencia na rúa, 2017

Mar, 09/05/2017 - 06:23 — admin2

O sábado 6 de maio de 2017, un grupo de máis de 50 persoas do noso IES participou no Día da Ciencia na Rúa de A Coruña, como vén facendo desde máis de dous decenios.
Os Amigos da Casa das Ciencias, organizadores do evendo, invitaron un ano máis ó centro a levar á Coruña actividades que foron presentadas na Feira das Ciencias de Ribadeo. Alí, a atención á xente que se achegou á carpa foi constante, incluídos algúns estranxeiros, polo que algunhas explicacións déronse en inglés. Entre os visitantes estivo tamén o Alcalde da Coruña, que se interesou polos proxectos presentads.

Coordinou a actividade o profesor Antonio Gregorio Montes, do departamento de Física e Química.

O Alcalde da Coruña visitanto o estand do noso instituto

Leer máis

Astronomía, nacemento, rendemento

Lun, 21/11/2016 - 13:45 — admin2

As posicións da Lúa e do Sol en relación á Terra e a súa influenza no número de nacementos e no rendemento académico foron o tema do traballo 'Astronomía, nacemento, rendemento' que Lucía Barcia García e Lucía Conde Fariñas (2º ESO) levaron á XI edición de Galiciencia, en (Ourense). O resultado ó que chegou o estudo realizado polo alumnado de 2º ESO estaba claro: non hai influenza sobre os nacementos, nacendo máis ou menos a mesma cantidade de xente en cada momento do ciclo luar ou solar, e parece que tampouco sobre o rendemento académico, se ben neste caso existen outros factores que fan que as notas teñan moita dispersión calquera que sexa o momento do nacemento.

Ah! E preguntádelles se o pasaron ben...

Leer máis

"Moodle, imprescindible": Un artigo de Teresa Díaz

Ven, 07/10/2016 - 08:08 — admin2

No Espazo Abalar publicouse recentemente un artigo de Teresa Díaz Estévez, do departamento de Física e Química, sobre a importancia de Moodle para a docencia da Física e Química de 2º de ESO no noso centro.