Skip to Content

Comité Lila

Por un currículo igualitario na Historia da Arte

Xov, 09/03/2023 - 05:21 — admin

Na clase de Historia da Arte de hoxe, 8 de marzo, faltaban elas, as compañeiras en folga. Así que por elas, por xustiza e por coherencia histórica, Alejandro Bentley Blanco e Sergio Villar Díaz e a profesora Mirian Bouso Gallego decidiron denunciar as lagoas e as eivas do temario. Por un currículo igualitario que visibilice a todas e cada unha das mulleres artistas ao longo da historia, que foron, son e seguirán sendo moitas. As que non se nomean non existen!

Feliz Idade en lingua de signos

Xov, 09/03/2023 - 05:14 — admin

Este vídeo foi elaborado pola Unidade de Educación Especial do IES de Ribadeo dentro do proxecto "Nomeámolas. Existimos! do Comité Lila. En 2023 nomeamos a Olga Novo, para visibilizala co motivo do 8M.
O recitado en lingua de signos correu a cargo de María Antonia Jiménez, Nour El Houda Bami, Manuel Pérez e Alejandro Monteagudo, coa axuda das súas profesoras Mercedes Bouza, Candela González, María Nieto, Laura Páramo e Eva Redondo.

A xustiza pola man

Xov, 09/03/2023 - 05:10 — admin

Esta representación do poema "A xustiza pola man" foi organizada pola Comisión de Igualdade e o EDLG do IES de Ribadeo Dionisio Gamallo con motivo da celebración do Día de Rosalía de Castro.

(18/03/2021): PAMELA PALENCIANO: "No solo duelen los golpes".

Mar, 23/03/2021 - 08:43 — admin2

O pasado xoves 18 de marzo, o alumnado de 4º ESO e de 1º de Bacharelato (da materia Coeducación para o século XXI) acudiu ao Teatro de Ribadeo para disfrutar do monólogo teatral da humorista, comunicadora e activista feminista Pamela Palenciano. "No solo duelen los golpes" é un relato autobiográfico sobre a violencia de xénero a través do humor e a ironía.

Foi unha actividade organizada desde a Área de Igualdade do IES pola profesora Teresa González Piñeiroa e financiada pola Concellaría de Igualdade, Ensino e Mocidade do concello de Ribadeo.