Skip to Content

Ciencias Naturais

DÍA MUNDIAL DAS ZONAS HÚMIDAS na Ría de Ribadeo: “É hora de actuar polas zonas húmidas “

O alumnado de 4º  da ESO de Bioloxía do IES de Ribadeo Dionisio Gamallo, acompañados pola profesora Susi Besteiro saíron á Ría de Ribadeo para conmemorar o Día Mundial das Zonas Húmidas, que se  celebra cada 2 de febreiro co obxectivo de visibilizar e crear conciencia acerca da importancia destes ecosistemas para a humanidade e para o planeta.

Catro alumnos ribadenses, “mellor equipo” na XIII OLIMPÍADA DE XEOLOXÍA celebrada en Ribadeo

O mércores 16 de febrero, Ribadeo foi unha das 5 sedes onde se celebraron as probas correspondentes á fase galega da XIII Olimpíada de Xeoloxía, actividade na que participa alumnado de 4ºESO, 1º e 2º bacharelato e que está organizada pola AEPECT (“Asociación Española para la Enseñanza de las Ciencias de la Tierra”), en colaboración coa SGE (Sociedad Geológica Española).

Descubrindo os Humidais: quen vive aí?

Para atopar a resposta, o alumnado de 1º ESO do IES Ribadeo Dionisio Gamallo participou esta semana nunha actividade ofertada polo Concello de Ribadeo a través do Obradoiro Territorio Vivo. Tivo lugar nas inmediacións da Praia dos Bloques, onde o alumnado, axudado polos monitores, debía ir superando unha serie de probas físicas, táctiles, auditivas e de enxeño que lles permitía ir gañando pezas coas que compoñer puzles de distintas especies características dos humidais. Finalmente fíxeron unha posta en común entre tódolos grupos e unha reflexión sobre a importancia da Ría de Ribadeo como humidal de importancia internacional e trataron de identificar as causas que provocan a desparición deste tipo de ecosistemas. Agradecémoslle ó Concello de Ribadeo a colaboración e esperamos que axude  a que o alumnado valore a  importancia de conservar o noso patrimonio natural.

Día Mundial dos Humedais na Ría de Ribadeo

Para conmemorar o Día Mundial dos Humedais, que se  celebra cada 2 de febreiro e que este ano ten por lema “Actuar polos humedais é actuar pola humanidade”, o alumnado de 4º ESO de Bioloxía  saíron á ría acompañados pola profesora Susi Besteiro para estudar a ría como ecosistema e tomar conciencia do importante que é a súa conservación.

“Vacuna viene de vaca” por Juan Evaristo Suárez

O IES Ribadeo Dionisio Gamallo agradece a recente colaboración de D. Juan Evaristo Suárez, profesor de microbioloxía da Universidade de Oviedo que impartiu para nós unha interesante conferencia baixo o título “Vacuna viene de vaca” tratando de sensibilizar ó alumnado respecto da importancia e utilidade da vacinación sempre, pero máis aínda, nestes momentos de pandemia.

XEORUTA POLA PRAIA DAS CATEDRAIS E POR PIÑEIRA

O pasado venres 19 de novembro, o alumnado de bioloxía e xeoloxía de 4º ESO e 1º Bacharelato acompañado pola profesora Susi Besteiro, tivo a oportunidade de participar nuha Xeoruta financiada polo Concello de Ribadeo para coñecer un pouco mellor a nosa costa. Francico Canosa, doutor en xeoloxía, pioneiro das xeorutas e gran divulgador da xeoloxía, foi o encargado de guiarnos e amosarnos un bó número de puntos de interese xeolóxico.

Novos audios na RADIOIESRibadeo!

Estes audios son radioficcións guinizadas e locutadas polo alumnado da materia Cultura Científica de 1º de Bacharelato. A temática era a seguinte: crear unha historia onde se fale dalgún dos riscos do mal uso das novas tecnoloxías, como as redes sociais. O modo de contar a historia era libre: un programa de radio, unha conversa entre amigas, etc... Sempre, que versasen sobre iso.

Na primeira sesión de gravación no Salón de Actos (21/05/2021), gravamos os cinco primeiros guións (realizados por Carís Hernández Eiros, Carme Lago Fernández, Álvaro López del Río, Natalia Martínez Barcia e Lara Martínez Peña).

A montaxe dos mesmos correu por conta do docente da materia, Fernando Losada.

O NOSO XARDÍN.

O NOSO XARDÍN

 

Un xardín sempre é un luxo pero máis en tempos de COVID. É o momento perfecto para fixarnos no noso patrimonio natural. Como temos a sorte de poder disfrutalo a diario, ás veces nin reparamos nel.

Queremos poñer en valor O Xardín do IES Ribadeo Dionisio Gaallo e aproveitalo unha vez máis como recurso educativo.

 Convidámosvos a pasear por el e descubrir as máis de 30 especies arbóreas que temos: dende sequoias ou carballos americanos ata cerdeiras ou arces xapones pasando polas palmeiras canarias e sen olvidar as  autóctonas como castiñeiros, teixos e bidueiros.

Inauguramos uns metacrilatos que as identifican e que levan uns códigos QR enlazados coas fichas que no departamento de bioloxía fomos facendo co alumnado nos últimos anos.

Desexamos que sirva non só para familiarizarnos coas especies que temos, senón tamén para sensibilizar a toda a comunidade educativa da importancia da súa conservación e amosarlle agradecemento a quen previamente tivo a sensibilidade de plantar e coidar todas e cada un dos exemplares cos que contamos.

Dende a seguinte ligazón accédese ao álbum de fotografía do profesor Fernando Losada na web wikimedia commons: https://commons.wikimedia.org/wiki/User:Drow_male/IESRibadeo

 

 

Dpto de Bioloxía IES RIBADEO

Curso 2020/2021

(02/03/2021): TODAS E TODOS CONTRA A VELUTINA.

A asociación "Os Abelleiros" de Ribadeo colaborou novamente co IES de Ribadeo Dionisio Gamallo, impartindo a conferencia "Todos e todas contra a velutina".

Comezou Antonio Valea, secretario da asociación, explicando as características da avespa asiática e como distinguila doutras especies semellantes. A continuación, o presidente Marcos Villamil, centrouse en amosar as distintas trampas e líquidos atraentes que se empregan na loita contra ela. Finalmente, os dous xunto con Jesús Rodríguez trataron de sensibilizarnos da importancia de loitar contra esta invasora que no só pon en perigo ás nosas abellas senón tamén aos nosos ecosistemas.

O curso pasado, xusto antes do confinamento, xa fixeramos esta actividade, e para animar a participar convocamos un concurso cun premio moi doce que se entregou ao final da conferencia. A alumna Uxía Fernández Díaz, de 2º ESO B, foi a gañadora recibindo como agasallo dous tarros de mel e o libro "Apicultura para principiantes" dedicado polos Abelleiros. Noraboa a Uxía e tamén a súa nai Oliva que sabemos foi gran colaboradora!

LER MÁIS...

ACCEDE AQUÍ Á GALERÍA DE IMAXES

 

 

(02/02/2021): DÍA MUNDIAL DOS HUMIDAIS.

Un ano máis, aínda que dun xeito ben distinto, celebramos o Día Mundial dos Humidais, esta vez baixo o lema ”Inseparable: Auga, Humidais e Vida”.  Tratamos de sensibilizar ao noso alumnado da importancia destes ecosistemas e do afortunados que somos por poder disfrutar cada día da nosa ría, A Ría de Ribadeo, que conta con numerosas e merecidas figuras de prtotección (zona ZEPA; espacio RAMSAR, zona LIC.... ) que avalan a súa importancia internacional.

Non puidemos facer a saída á Ría coma tódolos anos  porque a pandemia cambiou case tódolos nosos hábitos tamén nos centros educativos....pero toca facer pola saúde máis ca nunca e non só pola nosa, tamén pola saúde e sostibilidade do noso entorno.

Para quen o desexe, propoñemos un par de enlaces interesantes: o de Kike Sampedro, un ribadense moi afeccionado á ornitoloxía, co que outros anos tivemos a sorte de celebrar este día  http://ria-de-ribadeo.blogspot.com/p/la-ria-de-ribadeo.html e o oficial do Ministerio correspondente ó 2021: https://www.miteco.gob.es/es/biodiversidad/temas/ecosistemas-y-conectividad/conservacion-de-humedales/Dia_Mundial_Humedales_2021.aspx.

Distribuir contido


by Dr. Radut