As nosas publicacións recentes

Caderniños con textos relacionados cun determinado tema ou autor. Traballos de investigación. Etc.

NOMEAMENTO DE LUZ POZO GARZA COMO FILLA PREDILECTA DE RIBADEO

Mér, 22/01/2020 - 10:04 — admin2

O sábado 18 de xaneiro de 2020 tivo lugar no Salón de plenos do concello de Ribadeo o nomeamento da poeta Luz Pozo Garza como Filla Predilecta de Ribadeo. Profesorado e alumnado do centro tivo a honra de estar presente no acto, no que dúas alumnas do instituto, Amaia López Vivas e Xiana Suárez García, deron lectura a senllos poemas da autora. Luz adicounos cariñosamente un exemplar da recompilación da súa obra poética Memoria Solar.

ENCONTROS CON ESCRITORAS

Mér, 22/01/2020 - 09:59 — admin2

En colaboración co concello de Ribadeo, o xoves 16 de xaneiro de 2020 no Salón de Actos do instituto o alumnado de segundo ciclo da ESO asistiu a unha charla-coloquio coa escritora galega Eli Ríos, trala lectura da súa obra Remexido de patacas. Rapazas e rapaces participaron de xeito moi animado na actividade establecendo un fluído diálogo coa autora, quen nos adicou un dos exemplares do libro.

O noso xardín

Xov, 21/05/2015 - 15:27 — admin

O noso xardín é un dos traballos elaborados polo alumnado con motivo da Feira da ciencia, 2015. Recolle boa parte da vexetación do xardín do instituto, clasificada e con imaxes.

Coordinou a súa elaboración o departamento de Ciencias naturais.

Accede ó caderno premendo na imaxe.

Exposición sobre "O club da calceta", de María Reimóndez

Dom, 14/12/2014 - 16:30 — admin

Co gallo do Día internacional contra a violencia machista, ademais das actividades que reseñamos máis abaixo, tamén se organizou unha exposición relacionada coa novela O club da calceta, de María Reimóndez.

O alumnado de 1º de bacharelato encargouse de seleccionar fragmentos representativos e de achegar a súa opinión sobre a novela.

Agora que desmontamos a exposición, podes seguir vendo o material neste caderniño que elaboramos para que quede constancia da iniciativa.

Coordinaron a actividade as profesoras Isabel López Fernández e Teresa González Piñeiroa, do departamento de Lingua galega e literatura.

Preme na imaxe para acceder ó caderno en pdf

25 de novembro. Día internacional contra a violencia de xénero

Xov, 20/11/2014 - 06:41 — admin

Premendo neste enlace ou na imaxe podes acceder a un caderno cunha selección de textos contra a violencia de xénero.

Se queres imprimilo, desde aquí podes acceder a un exemplar en pdf. (Imprimir a dobre cara e dobrar polo medio).

Podes acceder a máis textos destes autores consultando as súas obras na nosa biblioteca.FORMANDO NÓS / FORMÁNDONOS CONTRA O MACHISMO

O noso alumnado participou, xunto co dos outros centros da vila, nunha performance relacionada co tema. O acto coordinouno o Concello de Ribadeo.

Máis fotos na nosa GALERÍA

"Asesinado por el cielo"

Lun, 27/10/2014 - 07:26 — admin

O Departamento de Lingua española e literatura agasállanos con "Asesinado por el cielo", un caderniño no que textos de Lorca aparecen ilustrados por alumnado de 4º de ESO.

Algúns números nas nosas letras

Xov, 23/10/2014 - 19:31 — admin

Outubro, 14

O mes de outubro é o mes das bibliotecas escolares, que este ano se celebra baixo o lema "Bibliotecas escolares... matemátic!!!".

Desde o equipo de biblioteca, o equipo de dinamización lingüística e o departamento de lingua galega e literatura queremos unirnos á festa con esta escolma de textos.