Skip to Content

50 ANOS DO 25 DE ABRIL

Ven, 26/04/2024 - 20:17 — iago bragado

Este ano completam-se 50 anos da famosa Revolução dos Cravos que, a 25 de abril de 1974, deu fim a mais de 4 décadas de ditadura em Portugal. É por isso que esta semana, na nossa escola, houve espaço para atividades de diverso género ligadas a esse momento da História que não nos deve deixar indiferentes.

No próprio dia 25 de abril, a escola abriu as suas portas ao ritmo do "Grândola, Vila Morena" cantado por um grupo de professores que se juntaram para festejar a efeméride.

Também, os alunos e alunas de Português da ESO elaboraram um painel gigante intitulado "A liberdade para mim..." em que registaram diversas formas de entender e concretizar a liberdade como necessidade comum a todas as pessoas.

Foi uma semana fantástica.

25 DE ABRIL, SEMPRE!!!

Campionato provincial de carreiras de orientación

O día 24 de abril 28 corredoras/es participaron no Campionato Provincial de Carreiras de Orientación a Pé.

A proba celebrouse no Campamento Xuvenil Virxe de Loreto en Porto do Son.

Pasárono moi ben e esforzáronse moito!

Manuela Blanco Casas quedou campiona provincial e Iria Fraga Villares acadou o terceiro posto en categoría cadete feminina!!!

María Camba Vázquez (5º posto), Carla Navares Sar (6ª) e Sabela Rubín González (7ª) tamén fixeron un gran campionato!

Gael Fernández Novoa acadou o 4º posto!

Parabéns a todas/os as/os participantes!!

FOTOS

BOLSAS PARA ESTUDOS POSTOBRIGATORIOS: Bacharelato, ciclos formativos, graos universitarios e oitros

Aberto o prazo para solicitude de bolsas para estudios postobrigatorios para o 2024-25: do 19 de marzo ao 10 de maio de 2024.

Instrucións para facer a solicitude.

Campionato de Orientación IES Rego de Trabe

O pasado 11 de marzo todo o alumnado de terceiro e cuarto de ESO participou no II Campionato de Orientación IES Rego de Trabe organizado polo Club Gallaecia Raid de Culleredo e o Departamento de EF do IES Rego de Trabe. 
 
Foi unha mañá na que nos acercamos á práctica dun deporte apaixoante que se desenvolve no entorno natural e no que é necesario pensar e correr, pois os puntos que se percorren están sinalados nun mapa e hai que seguilos na orde marcada.
 
En nome da comunidade educativa do centro queremos agradecer á entidade organizadora da proba, o club Gallaecia Raid e especialmente á súa vicepresidenta, Claudia Oreiro Chapela, a calidade e profesionalidade do evento e á oportunidade brindada ao noso alumnado de participar nesta actividade.
 
Tamén ao Concello de Culleredo por facilitar a presenza de persoal de protección civil durante a carreira.
 
Para rematar felicitar ao noso alumnado pola súa participación e parabéns especiais pola clasificación para o Campionato Provincial de Orientación do día 24 de abril de Porto do Son, no que acudiremos con 28 corredoras/es!!!
 
No seguinte enlace deixámosvos fotos do evento:  FOTOS

VISITA A INNOVART 2024

Os alumnos e alumnas de 4°ESO Música, acudiron o venres 19 de abril a Cidade da Cultura en Santiago de Compostela. Alí visitaron InnovArt 24, promovido pola Consellería de Cultura, Educación, Formación Profesional e Universidades para mostrar o potencial das ensinanzas artísticas, de idiomas e deportivas que se imparten en Galicia. 

O noso alumnado participou nos diversos obradoiros, concertos e espectáculos escénicos

 

 

FOTOS

CAMPIONATO PROVINCIAL ESCOLAR CAMPO A TRAVÉS

 

Este venres, 12 de abril celebrouse o CAMPIONATO PROVINCIAL ESCOLAR de Campo a través para centros educativos más instalacións do Albergue Xuvenil Virxe de Loreto, en Porto do Son.

Participamos con 4 equipos.

Na categoría Infantil feminino, o equipo formado por María Vázquez, Amaia Sanjurjo, Inés Miguel, Lía Blanco e Enma Ramos, acadou o 6° posto.

 

En Infantil Masculino, Martín Pino, Darío Vázquez, Gael Domínguez, Rubén Ares e Rubén Leiro foron sétimos.

 

As Cadetes femininas, con Noa Martínez, África Ríos, Lara Martínez, Elena Teijo, Marina Casáis e Elina Velaj rozaron a medalla, quedando en cuarta posición.

 

Por último, os Cadetes Masculinos, con Javier Neira, Alejandro Espiñeira, Anderson González, Marcos García e Iker Hernández obtiveron un 5°posto.

 

Parabéns a todos os participantes!!!                       FOTOS

IV XORNADAS ORIENTACION IES REGO DE TRABE

COPA COLEXIAL. CLASIFICADAS PARA A GRAN FINAL

 

Á terceira foi a vencida. Tras dúas presenzas en semifinais nas dúas últimas partticipacións, o noso equipo femenino acadou a clasificación para a final da sede de A Coruña deste prestixioso trofeo tras vencer a Esclavas por 22-21 (hai que ter en conta que os partidos teñen unha duración menor que a dos partidos federados).

Victoria merecida, pero con sufrimento. Foi un partido marcado por unha alta intensidade defensiva de ambos equipos, o que redundou en posesións longas e tanteos curtos. As nosas foron por díante durante todo o encontro, agás unha ventaxa dun punto no primeiro cuarto.

Ata o descanso as diferenzas foron curtas, pero ao final do terceiro cuarto e ao principio do último, foise ata os oito puntos tras anotar Suevia de de tiros libres e Unha tripla de Jasmina.

Sen embargo, un arreón final de Esclavas nos dous últimos minutos puxo o marcador nun puño, 22-21 a falta de 18 segundos. O equipo foi capaz de aguantar a posesión, incluso recibindo dúas faltas personais.

Felicidades a Inés Miguel, Carla Martínez, Esther Racca, Alicia Docampo, Suevia Casal, Paula Pose, Alba Vázquez, Lucía Zas, Daniela Becerra e Jasmina Couto

A final será o martes 30 de abril na Polideportiva de Riazor, contra o vencedor do Maristas-Compañía de María.

Agardamos que veñades a animar.

CURSOS DE ACREDITACION DIXITAL

O 15 de abril terá lugar unha reunión no salón de actos do edificio principal do IES Rego de Trabe para expoñer as caracterísitcas dos vindeiros cursos de acreditación dixital para persoas adultas, que se desenvolverán nas seguintes datas:

  • O primeiro entre o 17 de abril e o 22 de maio, luns e mércores e xoves de 18.00 a 20.00 horas. 
  • O segundo no mes de xullo, de luns a venres, en horario de mañá.
Estes cursos son comtinuación dos realizados durante o ano 2023, polo que todas as persoas que asistiron a aqueles poderán matricularse nestes novos. Tamén son finaciados por Fondo Social Europeo, polo que non supoñen ningún custo.

Se non pode asistir a esa reunión e ten interés nalgún dos cursos, por favor infórmese a partir do 15 de abril na conserxería do instituto ou chamando ao 881906801.

OFERTA EDUCATIVA 2024-25 POR CURSOS

A oferta educativa para o curso 24-25 por cursos é a seguinte:

Distribuir contido


by Dr. Radut